جنگلی حیات کے تحفظ کیلئے باقاعدہ اور معتبر آبادی سروے ناگزیر ہے: مصدق ملک
اشاعت کی تاریخ: 15th, November 2025 GMT
اسلام آباد (خبر نگار) وفاقی وزیر مصدق ملک کی زیر صدارت سائنس مینجمنٹ اتھارٹی کا اجلاس ہوا۔ ٹرافی ہنٹنگ کوٹا 2025-26ء کے تعین پر مشاورت کی گئی۔ مصدق ملک نے کہا کہ کوٹا الاٹمنٹ سائٹس کے اصولوں اور سائنسی شواہد کی بنیاد پر ہوگا۔ کسی بھی جنس کی آبادی کے 2 فیصد سے زائد کوٹا نہیں دیا جائے گا۔ جنگلی حیات کے تحفظ کیلئے باقاعدہ اور معتبر آبادیاتی سرویز ناگزیر ہیں۔ آبادی کے ساتھ اقسام کی سماجی و تولیدی حرکیات کا جائزہ بھی ضروری ہے۔ ذمہ دارانہ ٹرافی ہنٹنگ کیلئے صوبوں کے ساتھ مشترکہ تحقیقی منصوبہ تیار کرنے کی ہدایت کی۔ صوبائی سرویز کے تازہ تجزیاتی اعدادو شمار 2 روز میں جمع کرانے کی ہدایت کی۔ جو صوبے سروے جمع نہیں کروا سکے ان کیلئے گزشتہ سال کا کوٹا برقرار رہے گا۔ آئندہ سال بغیر سروے جمع کرائے کسی صوبے کو کوٹا نہیں دیا جائے گا۔
.
ذریعہ
ذریعہ: Nawaiwaqt
پڑھیں:
میاں بیوی کو تین سالہ بچی سمیت اٹھانے کی سی سی ٹی وی فوٹیج محفوظ کرنے کی درخواست ، لاہور ہائیکورٹ کی متعلقہ عدالت سے رجوع کرنے کی ہدایت
لاہور (اُردو پوائنٹ اخبارتازہ ترین - اے پی پی۔ 02 جون2026ء) لاہور ہائیکورٹ نے سی سی ڈی اہلکاروں کی جانب سے میاں بیوی اور تین سالہ بچی کو گھر سے اٹھانے کے معاملے میں سی سی ٹی وی کیمروں کی وڈیو فوٹیج محفوظ کرنے کی درخواست مسترد کرتے ہوئے درخواست گزار کو متعلقہ ٹرائل کورٹ سے رجوع کرنے کی ہدایت کر دی۔لاہور ہائیکورٹ کے جسٹس شہرام سرور چوہدری نے درخواست پر سماعت کی۔ درخواست گزار رحمان کی جانب سے ایڈووکیٹ ایاز صفدر سندھو نے دلائل دیئے۔درخواست گزار کے وکیل نے موقف اختیار کیا کہ سی سی ڈی گوجرانوالہ نے درخواست گزار کی بہن، بہنوئی اور ان کی تین سالہ بچی کو گھر سے اٹھایا اور بعد ازاں میاں بیوی کے خلاف منشیات کا جھوٹا مقدمہ درج کر دیا۔ مذکورہ میاں بیوی ایک مبینہ جعلی پولیس مقابلے کے مدعی ہیں اور پیروی سے باز نہ آنے پر انہیں جھوٹے مقدمے میں نامزد کیا گیا۔(جاری ہے)
تین سالہ بچی بھی سی سی ڈی کی تحویل میں رہی تاہم درج مقدمے میں اس کا کوئی ذکر موجود نہیں۔ عدالت سے استدعا کی گئی کہ متعلقہ مقامات کی سی سی ٹی وی فوٹیج محفوظ بنانے کے احکامات جاری کیے جائیں۔سماعت کے دوران جسٹس شہرام سرور چوہدری نے ریمارکس دیے کہ فوٹیج حاصل کرنا یا اسے محفوظ بنانا ہائیکورٹ کا کام نہیں۔ عدالت نے قرار دیا کہ ٹرائل کورٹ کے پاس سی سی ٹی وی فوٹیج محفوظ رکھنے سمیت متعدد قانونی اختیارات موجود ہیں۔عدالت نے درخواست گزار کو ہدایت کی کہ وہ اپنی درخواست متعلقہ ٹرائل کورٹ میں دائر کرے کیونکہ اس حوالے سے حکم جاری کرنے کا اختیار اسی عدالت کے پاس ہے۔بعد ازاں عدالت نے سی سی ٹی وی فوٹیج محفوظ کرنے کی درخواست مسترد کرتے ہوئے درخواست گزار کو ٹرائل کورٹ سے رجوع کرنے کی ہدایت کر دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ