خواتین کو صوبے کی ترقی میں شراکت دار بنائیں گے‘ وزیر ترقی نسواں
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) صوبائی وزیر ترقی نسواں سندھ شاہینہ شیر علی نے کہا ہے کہ خواتین کو مالی طور پر خود مختار بنانا ہماری اولین ترجیح ہے، خواتین کو معاشی سرگرمیوں میں شامل کرکے صوبے کی ترقی میں شراکت دار بنانا چاہتے ہیں۔ ان خیالات کا اظہار انہوں نے اپنے دفتر میں اجلاس کی صدارت کرتے ہوئے کیا۔ اس موقع پر سیکرٹری محکمہ ترقیِ نسواں سندھ رشید احمد زرداری، اسٹیٹ بینک آف پاکستان کے نمائندگان و دیگر افسران بھی شریک تھے۔ صوبائی وزیر شاہینہ شیر علی نے خواتین کو معاشی خود مختار بنانے اور صوبے میں روزگار کے نئے مواقع پیدا کرنے کے لیے کاروباری خواتین (بزنس وومن) کی مالی معاونت کے لیے منتخب مائیکرو فنانس بینکس (MFBs) اور مائیکرو فنانس اداروں (MFIs) کے تعاون سے جلد نئی اسکیم متعارف کروانے کی ہدایت دیں۔ قبل ازیں اجلاس میں اسکیم کے عملی طریقہ کار، شفاف قرض کی فراہمی اور خواتین کو اپنے کاروبار کے فروغ میں سہولت دینے کے اقدامات پر تفصیلی تبادلہ خیال کیا گیا۔
ذریعہ: Jasarat News
کلیدی لفظ: خواتین کو
پڑھیں:
مدینہ منورہ نے اہم گلوبل ایوارڈ جیت لیا ہے
data-id="863a0a8" data-element_type="widget" data-widget_type="theme-post-content.default">
مدینہ منورہ نے پائیدار ترقی کا شنگھائی گلوبل ایوارڈ جیت لیا ہے۔
عالمی میڈیا رپورٹ اور سعودی پریس ایجنسی کے مطابق مدینہ منورہ نے پائیدار ترقی کے میدان میں ایک اور عالمی اعزاز حاصل کرتے ہوئے شنگھائی گلوبل ایوارڈ برائے پائیدار ترقی کے تیسرے ایڈیشن میں کامیابی حاصل کی ہے۔
سعودی پریس ایجنسی کے مطابق یہ ایوارڈ مدینہ کی شہری اختراع، پائیداری اور معیارِ زندگی کو بہتر بنانے میں نمایاں کارکردگی کا اعتراف ہے۔
یہ ایوارڈ اس بات کی علامت ہے کہ مدینہ منورہ نے شہری ترقی کے لیے ایک متوازن قومی ماڈل اپنایا ہے۔ اس ماڈل کی خاص بات یہ ہے کہ اس میں شہریوں کی ضروریات اور معیارِ زندگی کو سب سے زیادہ اہمیت دی گئی ہے، یعنی ترقی کا عمل صرف عمارتوں یا ڈھانچوں تک محدود نہیں، بلکہ اس کا مقصد لوگوں کی روزمرہ زندگی کو بہتر بنانا ہے۔ اور یہ ماڈل ڈیجیٹل ٹیکنالوجی کے استعمال، ماحول کے تحفظ اور پائیدار ترقی کو فروغ دینے پر مبنی ہے۔
مدینہ منورہ کے میئر فہد بن محمد البلیہشی کا کہنا ہے کہ مدینہ اب پائیدار ترقی کے اہداف کو مقامی سطح پر عملی شکل دینے میں دنیا بھر کے لیے ایک مثال بن گیا ہے، ان کا کہنا ہے کہ شہر نے ایسا نظام قائم کیا ہے جو شہریوں کی شمولیت کو ترجیح دیتا ہے۔ شہریوں کی سہولت کے لیے اٹھائے جانے والے اقدامات میں اربن ڈیٹا پلیٹ فارم ’’منارا‘‘، پبلک ٹرانسپورٹ سسٹم ’’مدینہ بسیز‘‘، وادی العقیق ماحولیاتی بحالی منصوبہ قابلِ ذکر ہیں۔
واضح رہے کہ شنگھائی گلوبل ایوارڈ پائیدار ترقی کے اہداف میں نمایاں کارکردگی دکھانے والے شہروں کو دیا جاتا ہے۔ اس کے تیسرے ایڈیشن میں 33 ممالک کے 58 شہروں نے شرکت کی، جب کہ نتائج کا اعلان کولمبیا کے دارالحکومت بوگوٹا میں منعقدہ تقریب میں کیا گیا۔
ایس آئی اے نے سات کشمیریوں کے خلاف چارج شیٹ داخل کر دی