واٹس ایپ کا شارٹ کٹ فیچر متعارف، اسٹیٹس دیکھنے والوں سے براہِ راست چیٹ ممکن
اشاعت کی تاریخ: 29th, September 2025 GMT
واٹس ایپ نے ایک نیا فیچر متعارف کرا دیا ہے جس کے تحت اب صارفین ایک ہی ٹچ کے ذریعے اسٹیٹس ویو کرنے والے افراد سے براہِ راست چیٹ کرسکیں گے۔
ٹیک ویب سائٹ ڈبلیو اے بیٹا انفو کے مطابق اب اسٹیٹس ویوئرز کی فہرست میں ہر کانٹیکٹ کے ساتھ ایک بٹن شامل کر دیا گیا ہے، جسے دبانے سے فوری طور پر چیٹ ونڈو کھل جائے گی۔
یہ بھی پڑھیں: واٹس ایپ اسٹیٹس پر طویل وائس نوٹ لگانا اب ممکن
اس سے قبل صارفین کو کسی ویو کرنے والے شخص کو پیغام بھیجنے کے لیے پہلے اسٹیٹس اسکرین سے نکلنا پڑتا تھا اور پھر چیٹس ٹیب میں جا کر متعلقہ کانٹیکٹ کو منتخب کرنا پڑتا تھا۔ نیا شارٹ کٹ اس سارے عمل کو ختم کر کے براہِ راست چیٹ کو نہایت آسان بناتا ہے۔
اس فیچر کی بدولت صارفین اسٹیٹس دیکھنے کے فوراً بعد کسی بھی شخص کو تیز اور بے ساختہ پیغام بھیج سکیں گے۔
یہ نیا فیچر فی الحال واٹس ایپ بیٹا برائے آئی او ایس کے تازہ ترین ورژن میں تمام بیٹا ٹیسٹرز کے لیے دستیاب ہے، جبکہ آئندہ اپ ڈیٹس میں مزید صارفین تک اس کا دائرہ بڑھایا جائے گا۔
یہ بھی پڑھیں: خاص پیغام کی یادہانی کے لیے واٹس ایپ کا نیا فیچر متعارف
واٹس ایپ حالیہ عرصے میں کئی نئے اور منفرد فیچرز متعارف کرا چکا ہے۔ تازہ اپ ڈیٹ میں اسٹیٹس کے لیے کوئیک شیئرنگ آپشنز بھی شامل کیے گئے ہیں جبکہ اسٹیٹس لی آؤٹ کو دوبارہ ڈیزائن کیا گیا ہے، جس میں ویو کاؤنٹ کو بالکل انسٹاگرام اسٹوریز کی طرز پر بائیں جانب منتقل کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسٹاگرام ٹیکنالوجی شارٹ کٹ میٹا ناظرین واٹس ایپ.
ذریعہ
ذریعہ: WE News
کلیدی لفظ: انسٹاگرام ٹیکنالوجی شارٹ کٹ میٹا واٹس ایپ واٹس ایپ کے لیے
پڑھیں:
بجلی کی قیمت میں ایک روپے 72 پیسے اضافے کا امکان
کراچی کے ذرائع کے مطابق سینٹرل پرچیزنگ پاور ایجنسی (سی پی پی اے) نے نیپرا میں درخواست جمع کرا دی۔ سی پی پی اے کی اپریل کیلئے فیول کاسٹ ایڈجسٹمنٹ کی مد میں اضافے کیلئے درخواست پر نیپرا آج سماعت کرے گا۔ اسلام ٹائمز۔ بجلی صارفین کیلئے ایک اور مالی بوجھ کی تیاری کر لی گئی، جہاں بجلی کی قیمت میں ایک روپے 72 پیسے فی یونٹ اضافے کا امکان ہے۔ سینٹرل پرچیزنگ پاور ایجنسی (سی پی پی اے) نے نیپرا میں درخواست جمع کرا دی۔ سی پی پی اے کی اپریل کیلئے فیول کاسٹ ایڈجسٹمنٹ کی مد میں اضافے کیلئے درخواست پر نیپرا آج سماعت کرے گا، اضافے کی صورت میں اطلاق کے الیکٹرک سمیت تمام ڈسکوز کے صارفین پر ہوگا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ