ٹنڈوجام ،بلڈر پر ریلوے کی زمین پر ہائوسنگ اسکیم چلانے کا انکشاف
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
ٹنڈوجام (نمائندہ جسارت )ٹنڈوجام میں مقامی بلڈر کی جانب سے ریلوے کی سرکاری زمین پر ہاؤسنگ اسکیم چلانے کا انکشاف ریلوئے کی ملی بھگت سے ریلوئے کی اراضی پر مسلسل قبضہ مافیا کر رہی ہے تفصیلات کے مطابق ٹنڈوجام کے قریب کھٹیان اسٹیشن روڈ پر 252 رہائشی اور 50 سے زائد کمرشل پلاٹوں کی اسکیم شروع کرکے متعدد افراد کو لاکھوں روپے کے پلاٹ فروخت کیے گئے ہیں اور کیے جارہے ہیں اس اراضی کے متعلق انکشاف ہوا ہے کہ یہ اراضی ریلوئے کی ہے اس انکشاف کے بعد یہاں پر پلاٹ لینے والے افراد کے اندر کھلبلی مچ گئی ہے کہ اس انکشاف کے بعد ان کی رقم ڈوب گئی ہے افسوسناک بات یہ ہے کہ اس اراضی پر سندھ بلڈنگ کنٹرول اتھارٹی اور دیگر متعلقہ سرکاری اداروں نے کیوں نہیں ایکشن لیا اور اس کام کو نہیں رکوایا گیا جب کہ اب یہاں پر لوگوں نے جنھوں نے پلاٹ خریدے ہیں انھوں نے اپنے مکان اور دکانیں تعمیر کرنا شروع کردیں ہیںاہم زرائع سے یہ بھی معلوم ہوا ہے کہ 35 ایکڑ 33 گھنٹے پر مشتمل قادری بلڈرز کی ہاؤسنگ اسکیم کی زمین کو ریونیو ڈپارٹمنٹ نے ریلوے ڈپارٹمنٹ کی سرکاری زمین قرار دیتے ہوئے ”ساتوان فارم” ریلوے کے نام پر جاری کرکیا تھا اسکیم میں استعمال ہونے والی زمین کے ریلوے ڈپارٹمنٹ کے نام پر کاغذات ہیں اور بعد میں ان کاغذات میں ہیر پھیر کر کے اقبال حسین چانڈیو کے نام پر 20 ایکڑ 8 گھنٹے اور امیر بخش چانڈیو کے نام پر 15 ایکڑ 25 گھنٹے سرکاری زمین کو ریکارڈ میں جعلسازی کے ذریعے نجی زمین ظاہر کیا گیاتھا باجود کہ ریلوئے کے پاس اس اراضی کے کاغذات ہونے کہ باوجود اس نے اس جگہ پر کیوں ہاوسنگ اسکیم کو روکا نہیںجس سے محسوس ہوتا ہے اس سارے معاملے میں ریلوئے کے افسران بھی ملوث ہیں اور بلڈر نے ان کی ملی بھگت سے ہاؤسنگ اسکیم شروع کردی اور سیکڑوں افراد سے کروڑوں روپے وصول کر کے پلاٹ فروخت کرنے کا سلسلہ جاری رکھا ریونیو ڈپارٹمنٹ کی جانب سے دیہہ رئیس میں 267 سے 286 تک کے سروے نمبروں میں 35 ایکڑ 33 گھنٹے زمین کو سرکاری زمین قرار دیتے ہوئے اسے ریلوئے ڈپارٹمنٹ کی ملکیت قرار دی ۔
ذریعہ
ذریعہ: Jasarat News
کلیدی لفظ: سرکاری زمین کے نام پر
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ