سندھ میں توانائی کے نئے ذخائر، درآمدی انحصار میں کمی کی امید
اشاعت کی تاریخ: 1st, October 2025 GMT
آئل اینڈ گیس ڈیولپمنٹ کمپنی لمیٹڈ (او جی ڈی سی ایل) کے ترجمان کے مطابق صوبہ سندھ کے ضلع خیرپور میں دریافت ہونے والے ذخائر سے یومیہ 2 کروڑ 25 لاکھ مکعب فٹ گیس اور 690 بیرل خام تیل حاصل ہوگا۔
یہ بھی پڑھیں:وزیرستان میں گیس و تیل کے نئے ذخائر دریافت
او جی ڈی سی ایل نے بتایا کہ اس منصوبے کے تحت کھودا جانے والا بترسِم ایسٹ-1 کنواں 30 جون 2025 کو شروع ہوا تھا، جس کی کھدائی 3800 میٹر گہرائی تک مکمل کی گئی۔
ترجمان کا کہنا ہے کہ اس دریافت سے نہ صرف ملکی توانائی کے ذخائر میں نمایاں اضافہ ہوگا بلکہ تیل اور گیس کے درآمدی بل میں کمی کی بدولت معیشت کو بھی سہارا ملے گا۔
مزید یہ کہ مقامی وسائل کے استعمال سے توانائی کی طلب و رسد کے فرق پر قابو پانے میں مدد ملے گی، جس سے مستقبل میں ملک کا انحصار بیرونی ذرائع پر کم ہو گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئل او جی ڈی سی ایل خیرپور سندھ گیس.
ذریعہ
ذریعہ: WE News
کلیدی لفظ: او جی ڈی سی ایل خیرپور گیس
پڑھیں:
ایف بی آر کا انکم ٹیکس ریٹرنز جمع کرانے سے متعلق اہم اعلان
اسلام آباد:ایف بی آر نے انکم ٹیکس ریٹرنز جمع کرانے سے متعلق اہم اعلان کردیا۔
فیڈرل بورڈ آف ریونیو (ایف بی آر) نے اعلان کیا ہے کہ ٹیکس سال 2026 کے انکم ٹیکس ریٹرن جمع کرانے کا باقاعدہ آغاز 27 جولائی سے ہوگا۔ ترجمان کی جانب سے تمام ٹیکس دہندگان کو ہدایت کی ہے کہ وہ اپنے ٹیکس گوشوارے درست، مکمل اور دیانتداری کے ساتھ جمع کرائیں تاکہ ٹیکس نظام کو مزید مؤثر بنایا جا سکے۔
ترجمان ایف بی آر کے مطابق ٹیکس ریٹرن میں فراہم کی جانے والی تمام معلومات درست اور حقیقت پر مبنی ہونا ضروری ہیں۔ انہوں نے کہا کہ ہر ٹیکس دہندہ اس بات کو یقینی بنائے کہ گوشوارے میں درج تمام تفصیلات حقائق کے مطابق ہوں تاکہ شفافیت اور درستگی برقرار رہے۔
ایف بی آر کے ترجمان نے کہا کہ بروقت اور درست ٹیکس گوشوارے مضبوط ٹیکس نظام کے قیام میں اہم کردار ادا کرتے ہیں۔ ان کا کہنا تھا کہ ٹیکس دہندگان کی ذمہ داری ہے کہ وہ مقررہ طریقہ کار کے مطابق اپنے ریٹرن بروقت جمع کرائیں اور معلومات کی درستگی کا خاص خیال رکھیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم