فوج میں موٹے عہدیداروں کا دور ختم ‘ امریکی وزیر جنگ
اشاعت کی تاریخ: 1st, October 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن (انٹرنیشنل ڈیسک) امریکی وزیرِ جنگ پیٹ ہیگسیتھ نے کہا ہے کہ امریکا کی فوج میں بھاری بھرکم اور موٹے جرنیلوں کا دور ختم ہوگیا ۔ میرین کور بیس میں خطاب کرتے ہوئے انہوں نے واضح کیا کہ اب ترقیاں کوٹے کے بجائے صرف میرٹ پر دی جائیں گی اور فوجی افسران کو اعلیٰ ترین جسمانی معیار پر پورا اترنا ہوگا۔ پیٹ ہیگسیتھ نے کہا کہ امریکی فوج میں داڑھی بڑھانے پر پابندی ہوگی جبکہ تمام فٹنس ٹیسٹ مردوں کے معیار کے مطابق لیے جائیں گے۔ ان کا کہنا تھا کہ غیرپیشہ وارانہ جسم اور موٹی توند رکھنے والے افسران برداشت نہیں کیے جائیں گے۔ انہوں نے خبردار کیا کہ جو افسران نئے اصولوں اور ایجنڈے کی حمایت نہیں کرتے وہ مستعفی ہوجائیں۔ امریکی فوج کے ہر فرد کو چاہے وہ 4اسٹار جنرل ہی کیوں نہ ہو اسے سال میں دوبارفٹنس ٹیسٹ دینا ہوگا۔ یہ بالکل ناقابل قبول ہے کہ پینٹاگون میں موٹے جرنیل اور ایڈمرلز دکھائی دیں۔ ڈیوٹی کے دوران ہر فرد کو روزانہ پی ٹی کرنا ہوگی، میں اسٹریچنگ اور یوگا کی بات نہیں کر رہا، غیر پیشہ ورانہ دور ختم ہو چکا ہے۔سب کو شیو کرنا ہوگی اور طے شدہ معیار کے مطابق بال کٹوانا ہوں گے۔ وزیر جنگ نے الزام عائد کیا کہ احمق سیاسی رہنماؤں نے فوج کو غلط سمت دی اور ادارے کو ایک سماجی ناانصافی کے محکمے میں بدل دیا، مگر اب یہ پالیسی ختم کر دی گئی ہے۔ پیٹ ہیگسیتھ نے سیاہ فام جنرل اور خاتون ایڈمرل کو جبری طور پر نکالنے کے فیصلے کا دفاع کیا۔
ذریعہ: Jasarat News
پڑھیں:
وزیراعظم آزاد کشمیر چوہدری انوار الحق کیخلاف تحریک عدم اعتماد پر رائے شماری آج ہوگی
( ویب ڈیسک )آزاد کشمیر کے وزیر اعظم چوہدری انوار الحق کے خلاف تحریک عدم اعتماد پر رائے شماری آج ہو گی۔
پیپلز پارٹی نے فیصل راٹھور کی وزارتِ عظمیٰ کے لیے 35 سے زائد ووٹوں کی حمایت کا دعویٰ کیا ہے۔
تحریک عدم اعتماد کامیاب ہونے کی صورت میں پاکستان پیپلزپارٹی کے فیصل ممتاز راٹھور کا آزاد کشمیر کے سولہویں جبکہ موجودہ اسمبلی کے چوتھے وزیر اعظم کے طور پر انتخاب عمل میں لایا جائے گا۔
گوادر اور تربت میں زلزلے کے جھٹکے
تحریک عدم اعتماد پر رائے شماری کے لئے اسمبلی کا اجلاس آج دوپہر 3 بجے مظفرآباد میں ہوگا۔
ذرائع کا کہنا ہے کہ تحریک عدم اعتماد کے لیے سادہ اکثریت میں 27 ووٹ درکار ہیں۔
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن