پرتگال کی پارلیمان نے نظرثانی شدہ امیگریشن قانون کی منظوری دے دی
اشاعت کی تاریخ: 1st, October 2025 GMT
data-id="863a0a8" data-element_type="widget" data-widget_type="theme-post-content.default">
لزبن(انٹرنیشنل ڈیسک) پرتگال کی پارلیمان نے نظرثانی شدہ امیگریشن قانون کی منظوری دے دی۔ خبررساں اداروں کے مطابق پارلیمان نے نیا امیگریشن قانون منظور کر لیا ہے، جس کے تحت غیر ملکیوں کے داخلے، رہائش اور اہلِ خانہ کے ساتھ ملنے کے ضوابط میں تبدیلی کی گئی ہے۔ یہ قانون حکومتی اتحادی جماعتوں اور 3اپوزیشن گروپوں کی حمایت سے منظور ہوا، جو اگست میں آئینی عدالت کے فیصلے کے بعد ضروری ہو گیا تھا۔ نئے قانون کے مطابق خاندان سے ملاقات کے ابتدائی اجازت نامے کی مدت 15 ماہ ہو گی، جب کہ شریک حیات کی امیگریشن کے لیے کم از کم 18 ماہ کی مشترکہ رہائش کا ثبوت درکار ہوگا۔رہائش کی تجدید کے لیے گھریلو آمدن میں اب سوشل ویلفیئر فوائد کو شامل نہیں کیا جائے گا۔
ذریعہ
ذریعہ: Jasarat News
پڑھیں:
کے پی اسمبلی کا منظور شدہ بلدیاتی حکومت کا نیا ترمیمی بل آئین و قانون سے متصادم ہے، الیکشن کمیشن
الیکشن کمیشن نے خیبر پختونخوا اسمبلی کا منظور شدہ بلدیاتی حکومت کا نیا ترمیمی بل آئین و قانون سے متصادم قرار دے دیا۔
اسلام آباد سے الیکشن کمیشن کے خط کے مطابق خیبر پختونخوا اسمبلی کی جانب سے کی جانے والی ترمیم آئین اور قانون سے متصادم ہے۔
الیکشن کمیشن آف پاکستان کے ایڈیشنل ڈائریکٹر جنرل چوہدری ندیم قاسم کی جانب سے چیف سیکریٹری خیبر پختونخوا کو تحریر کیے گئے خط کے مطابق خیبر پختونخوا اسمبلی نے بلدیاتی حکومت کا نیا ترمیمی بل 6 جولائی کو منظور کیا۔
الیکشن کمیشن کے خط کے مطابق گورنر کے پی نے بلدیاتی حکومت کے نئے ترمیمی بل کی توثیق کر دی ہے، ترمیم کے مطابق ضلع میں ویلیج اور نیبر ہڈ کونسل کی آبادی 30 سے 40 ہزار کے درمیان ہوگی، ترمیم کے مطابق الیکشن کمیشن حکومت سے مشاورت سے کوئی تبدیلی کر سکے گا۔
خط کے مطابق الیکشن ایکٹ اور آئین کے مطابق بلدیاتی حکومتوں کے الیکشن کے لیے حلقہ بندی کرنا الیکشن کمیشن کا اختیار ہے، حلقہ بندی کے معاملے پر حکومت سے مشاورت بھی آئین کی روح کے خلاف ہے۔
الیکشن کمیشن کے خط کے مطابق الیکشن کمیشن کے لیے اس ترمیم کے تحت 30 سے 40 ہزار کی آبادی کے لیے حلقہ بندی کرنا قابل عمل نہیں۔
خط کے متن کے مطابق آئین کے تحت کوئی قانون الیکشن کمیشن کے اختیارات نہیں لے سکتا، اتنی تاخیر سے یہ ترمیم کرنا بظاہر بلدیاتی انتخابات میں تاخیر کا حربہ ہے۔
الیکشن کمیشن کے خط کے مطابق خیبر پختونخوا حکومت اس معاملے پر معاونت کرے تاکہ بلدیاتی انتخابات کا انعقاد کیا جا سکے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی