چمپینزیز کی سہیلی، جنگل کی آواز؛ ممتاز سماجی کارکن انتقال کرگئیں
اشاعت کی تاریخ: 2nd, October 2025 GMT
دنیا بھر میں جنگلی حیات کی بقا اور ماحولیاتی تحفظ کی تحریک کی روح رواں ڈیم جین گوڈال 91 برس کی عمر میں انتقال کرگئیں۔
ڈیم جین گوڈال ایک مطالعاتی دورے پر کیلی فورنیا پہنچی تھیں جہاں مختلف تحقیقی اداروں اور جامعات میں لیکچر دیئے۔ اسی دوران ان کی طبیعت بگڑ گئی اور وہ دوران علاج چل بسیں۔
جین گوڈال لندن میں 3 اپریل 1934 کو پیدا ہوئیں۔ بچپن سے ہی انہیں جانوروں سے بے حد محبت تھی، اور ابتدائی تعلیم و تربیت کے فوری بعد ہی ایک ایسے سفر کا آغاز ہوا جس نے پوری دنیا کو متاثر کیا۔
انھوں نے 1960 میں،تنزانیہ کے گومبی اسٹریم گیم ریزرو کی طرف قدم رکھا، جہاں جنگل میں رہنے والے چمپینزیز کی زندگی کا مطالعہ شروع کیا۔
ڈیم جین گوڈال نے عام رائے کے برعکس یہ ثابت کیا کہ چمپینزیز نہ صرف جذبات رکھتے ہیں بلکہ انسانوں سے ملتے جلتے پیچیدہ سماجی تعلقات اور رشتہ داریاں بھی پائی جاتی ہیں۔
انھوں نے یہ بھی پایا کہ چمپینزیز اوزار کا استعمال کرنے کی مہارت بھی جانتے ہیں۔ اس سے قبل سجھا جاتا تھا کہ یہ ہنر صرف انسانوں کے پاس ہے۔
یہ ڈیم جین گوڈال ہی تھیں جنھوں نے پہلی بار یہ انکشاف کرکے سب کو حیران کردیا کہ چمپینزیز گوشت بھی کھاتے ہیں ورنہ اس سے قبل اس جانور کو ہمیشہ صرف سبزی خود سمجھا گیا۔
بعد ازاں 1977 میں انھوں نے اپنے نام سے جین گوڈال انسٹی ٹیوٹ کی بنیاد رکھی اور جنگی حیات اور جانوروں کی بقا اور رہائشی ماحول کے تحفظ کے لیے کام کیا۔
اپنی اس سرگرمی کو دوام بخشنے کے لیے ڈیم جین گوڈال نے 1991 میں Roots & Shoots تحریک کا آغاز کیا۔
جس کا مقصد نوجوانوں کو ماحول، جانور اور انسان کے تعلق کی اہمیت سے روشناس کروانا تھا۔ یہ اس مقصد کے لیے پہلی عالمی کاوش ثابت ہوئی۔
جین گوڈال کو متعدد اعزازات سے نوازا گیا جن میں بشمول برطانوی سے ’’ڈیم‘‘ کا خطاب، امریکی صدر کا "Medal of Freedom"، اور دیگر بین الاقوامی سائنس و تحفظِ حیوانات کے اعزازات شامل ہیں۔
.
ذریعہ: Express News
پڑھیں:
پی ٹی آئی کارکن فلک جاوید کے جسمانی ریمانڈ میں 4 روز کی توسیع
لاہور کی ایک عدالت نے پاکستان تحریک انصاف (پی ٹی آئی) کی کارکن فلک جاوید کے جسمانی ریمانڈ میں مزید 4 روز کی توسیع کردی۔
نیشنل سائبر کرائم انویسٹی گیشن ایجنسی (این سی سی آئی اے) نے جب فلک جاوید کا 4 روزہ جسمانی ریمانڈ ختم ہوا تو اسے ضلع کچہری لاہور میں جوڈیشل مجسٹریٹ نعیم وٹو کی عدالت میں پیش کیا اور ریمانڈ میں توسیع کی درخواست کی۔
فلک جاوید کے وکیل نے عدالت سے استدعا کی کہ مزید جسمانی ریمانڈ کی ضرورت ہے، ایسا کرنا غیر ضروری ہوگا۔
عدالت نے دونوں طرف کے دلائل سننے کے بعد فیصلہ محفوظ رکھا اور بعد ازاں فلک جاوید کے جسمانی ریمانڈ میں 4 روز کی توسیع کا حکم دیا۔
فلک جاوید پر 2 مقدمات درج ہیں جن میں ریاست مخالف ٹویٹس کرنے اور ایک صوبائی وزیر کی نامناسب تصویر اپ لوڈ کرنے کے الزامات شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پی ٹی آئی جسمانی ریمانڈ ریمانڈ میں توسیع فلک جاوید وی نیوز
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت