پاکستان خطے میں ایک عظیم ملک کے طور پر ابھر رہا ہے، گورنر سندھ
اشاعت کی تاریخ: 4th, October 2025 GMT
تقریب سے خطاب میں کامران ٹیسوری نے نوجوانوں کو ترقی، ہنر اور مثبت سوچ کا پیغام دیتے ہوئے کہا کہ کامیابی چاہتے ہو تو منفی سوچ ذہن سے نکال دو۔ بڑی سوچ رکھو گے، تو بڑے کام کرو گے، ہنر پیدا کرو، یہی وقت کی ضرورت ہے۔ اسلام ٹائمز۔ گورنر سندھ کامران خان ٹیسوری نے کہا ہے کہ پاکستان ترقی کی راہ پر گامزن ہے اور اب خطے میں ایک عظیم ملک کے طور پر ابھر رہا ہے، ہم نے پانچ گنا طاقتور دشمن کو شکست دے کر انڈیا کی بالادستی ختم کی۔ انہوں نے مزید کہا کہ پاکستان میں ٹیلنٹ کی کمی نہیں، قطر کی ترقی میں 70 فیصد حصہ پاکستانی انجینئرز کا ہے اور ورلڈ بینک میں سب سے زیادہ قابل افراد بھی پاکستانی ہیں۔ ان خیالات کا اظہار گورنر سندھ نے TAFSMUN 2025 کے افتتاح کے بعد تقریب سے خطاب کرتے ہوئے کیا۔ گورنر سندھ نے کہا کہ گورنر ہاؤس میں جاری مفت آئی ٹی کورسز کے ذریعے ہزاروں نوجوانوں کو ڈیجیٹل دنیا سے جوڑا جا چکا ہے۔ انہوں نے بتایا کہ تربیت کے دوران کئی نوجوان اب ہزاروں ڈالرز ماہانہ کمانے کے قابل ہو چکے ہیں۔ گورنر سندھ نے اعلان کیا کہ انشاء اللہ آئی ٹی کورسز کا دائرہ پورے سندھ تک پھیلایا جائے گا تاکہ ہر نوجوان کو جدید ہنر سے آراستہ کیا جا سکے۔
کامران خان ٹیسوری نے "امید کی گھنٹی" کا حوالہ دیتے ہوئے کہا کہ ہر شہری بلا خوف و خطر اپنی شکایات درج کروا سکتا ہے، کیونکہ گورنر ہاؤس کے دروازے عوام کے لیے ہر وقت کھلے ہیں، رمضان المبارک کے دوران تین سالوں میں 13 لاکھ افراد نے گورنر ہاؤس میں افطار کیا، جبکہ 10 لاکھ راشن باکس مستحق افراد میں تقسیم کیے گئے۔ گورنر سندھ نے نوجوانوں کو ترقی، ہنر اور مثبت سوچ کا پیغام دیتے ہوئے کہا کہ کامیابی چاہتے ہو تو منفی سوچ ذہن سے نکال دو۔ بڑی سوچ رکھو گے، تو بڑے کام کرو گے، ہنر پیدا کرو، یہی وقت کی ضرورت ہے۔ گورنر سندھ نے تنقید کے بجائے تصحیح کی ضرورت پر زور دیتے ہوئے پاکستان میں پرائمری ایجوکیشن کمیشن کے قیام کی تجویز بھی پیش کی، جسے وقت کی اہم ضرورت قرار دیا۔
ذریعہ: Islam Times
کلیدی لفظ: گورنر سندھ نے دیتے ہوئے کہا کہ
پڑھیں:
حکمران عوام سے جمع کیا گیا ٹیکس درست جگہ استعمال کریں، گورنر سندھ
data-id="863a0a8" data-element_type="widget" data-widget_type="theme-post-content.default">
کراچی : گورنر سندھ کامران خان ٹیسوری نے کہا ہے کہ حکمران عوام سے جمع کیا گیا ٹیکس صحیح جگہ استعمال کریں، ٹیکس کے پیسوں کا درست استعمال سیاستدانوں کا کام ہے۔
میڈیا سے گفتگو کرتے ہوئے کامران ٹیسوری کا کہنا تھا کہ وزیراعظم اور فیلڈ مارشل ملکی خوشحالی کیلئے دن رات کوشاں ہیں، خطے میں کوئی سب سے پیچھے رہ گیا تو وہ پاکستان ہے۔
گورنر سندھ نے کہا کہ عوامی مسائل حل کرنا منتخب عوامی نمائندوں کی ذمے داری ہے، ملکی ترقی اور خوشحالی کے لیے سب کو مل کر کام کرنا ہوگا۔
کامران ٹیسوری نے کہا کہ پولیس پر عوام کا اعتماد نہیں، عوام کا اعتماد بحال کرنے کی ضرورت ہے، ادارے میں اصلاحات کی ضرورت ہے، ملک کو معاشی طور پر مستحکم کرنے کی ضرورت ہے۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ