پنجاب کے مختلف شہروں میں آندھی اور موسلا دھار بارش، متعدد علاقوں میں بجلی معطل
اشاعت کی تاریخ: 5th, October 2025 GMT
لاہور:
پنجاب بھر میں آندھی اور موسلا دھار بارش نے موسم کو خوشگوار بنا دیا ہے، جبکہ کئی علاقوں میں بجلی کی فراہمی معطل ہونے سے شہریوں کو مشکلات کا سامنا کرنا پڑا۔
صوبائی دارالحکومت لاہور میں مختلف علاقوں میں طوفانی بارش اور تیز ہواؤں کا سلسلہ وقفے وقفے سے جاری ہے۔
لکشمی چوک، نسبت روڈ، مال روڈ، ڈیوس روڈ، گلبرگ، جوہر ٹاؤن، گرین ٹاؤن اور ٹاؤن شپ سمیت متعدد علاقوں میں تیز بارش ریکارڈ کی گئی۔
موجودہ درجہ حرارت 26 ڈگری سینٹی گریڈ ہے، جبکہ آج زیادہ سے زیادہ درجہ حرارت 31 اور کم سے کم 19 ڈگری سینٹی گریڈ رہنے کا امکان ہے، محکمہ موسمیات کے مطابق آئندہ 24 گھنٹوں کے دوران بارش کا سلسلہ جاری رہے گا۔
سرائے مغل، ہنجرائے خورد، ہنجرائے کلاں، اور ہلہ شیخم سمیت گردونواح میں موسلا دھار بارش سے موسم خوشگوار ہو گیا، جبکہ متعدد فیڈرز ٹرپ کرنے کے باعث درجنوں علاقوں میں بجلی کی فراہمی معطل ہو گئی۔
شہریوں نے گرمی سے نجات پر خوشی کا اظہار کیا مگر بجلی بندش پر پریشانی بھی نظر آئی۔
اوکاڑہ شہر اور گردونواح میں گرج چمک کے ساتھ طوفانی بارش ہوئی جس سے گرمی کا زور ٹوٹ گیا۔ شہریوں نے موسم کی تبدیلی کو خوش آئند قرار دیا۔
ساہیوال اور قریبی علاقوں میں تیز آندھی اور ہلکی بارش ہوئی آندھی کے باعث متعدد علاقوں میں بجلی بند ہوگئی تاہم بارش کے بعد حبس میں کمی آئی اور موسم خوشگوار ہو گیا۔
سانگلہ ہل شہر اور مضافاتی علاقوں میں گرج چمک اور تیز ہواؤں کے ساتھ موسلا دھار بارش ہوئی۔ بجلی کی بندش نے معمولات زندگی متاثر کیے۔ بارش کے بعد گرمی کی شدت کم ہو گئی۔
چونیاں، کالاشاہ کاکو اور بنگہ حیات ان علاقوں میں بھی تیز بارش اور آندھی کے باعث موسم سہانا ہوگیا تاہم کئی علاقوں میں نشیبی علاقے زیر آب آ گئے اور بجلی کا نظام متاثر ہوا۔ بنگہ حیات میں ژالہ باری کی بھی اطلاعات موصول ہوئیں۔
پاکپتن شہر اور گردونواح میں گرد کا طوفان چھا گیا جس کے باعث شہریوں کو پریشانی کا سامنا کرنا پڑا، جبکہ بعض مقامات پر بارش کے آثار بھی دیکھنے میں آئے۔
قصور شہر اور گردونواح میں بھی بادلوں کی گرج اور تیز ہواؤں کے ساتھ بارش ہوئی جس سے موسم خوشگوار ہو گیا۔
.
ذریعہ
ذریعہ: Express News
کلیدی لفظ: موسلا دھار بارش علاقوں میں بجلی گردونواح میں بارش ہوئی کے باعث شہر اور
پڑھیں:
کیا فواد خان نے بھی سرجری کروالی؟ نئی تصاویر پر سوشل میڈیا پر بحث
پاکستانی شوبز انڈسٹری کے معروف اداکار اور گلوکار فواد خان ایک بار پھر اپنے منفرد انداز کی وجہ سے سوشل میڈیا پر توجہ کا مرکز بن گئے ہیں۔ حال ہی میں ان کی نئی تصاویر سامنے آئیں، جن میں ان کی شخصیت اور چہرے کے خدوخال پہلے کے مقابلے میں کچھ مختلف دکھائی دیے، جس کے بعد مداحوں کے درمیان دلچسپ بحث چھڑ گئی۔
سوشل میڈیا پر وائرل ہونے والی ان تصاویر نے چند ہی لمحوں میں صارفین کی توجہ حاصل کرلی۔ متعدد افراد نے فواد خان کے نئے انداز پر اپنے خیالات کا اظہار کیا، جبکہ تصاویر مختلف پلیٹ فارمز پر تیزی سے گردش کرنے لگیں۔
بعض مداحوں کا کہنا ہے کہ فواد خان ہر روپ میں پرکشش دکھائی دیتے ہیں اور ان کی شخصیت ہمیشہ کی طرح متاثر کن ہے۔ کچھ صارفین نے رائے دی کہ اداکار کے نئے چہرے کے نقوش معروف ترک اداکاروں سے کافی حد تک مشابہت رکھتے ہیں، جس کی وجہ سے ان کا انداز مزید منفرد محسوس ہو رہا ہے۔
View this post on Instagramدوسری جانب کچھ سوشل میڈیا صارفین نے اس نئے لک پر تنقید بھی کی۔ ان کا دعویٰ تھا کہ فواد خان نے کم عمر دکھائی دینے کے لیے ممکنہ طور پر مختلف کاسمیٹک یا سرجیکل طریقۂ کار اختیار کیے ہیں، تاہم اداکار کی جانب سے ان قیاس آرائیوں پر کوئی ردعمل سامنے نہیں آیا۔
اگرچہ تصاویر پر مختلف آرا سامنے آرہی ہیں، لیکن فواد خان کا نیا انداز ایک بار پھر ثابت کر گیا کہ وہ جہاں بھی نظر آئیں، مداحوں اور سوشل میڈیا صارفین کی توجہ اپنی جانب مبذول کر ہی لیتے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار