اسلام آباد پولیس سے منسوب سوشل میڈیا پر گردش کرنے والی آڈیو پر ترجمان کی وضاحت
اشاعت کی تاریخ: 5th, October 2025 GMT
اسلام آباد پولیس نے سوشل میڈیا پر گردش کرنے والی ایک مبینہ آڈیو کے حوالے سے وضاحت کرتے ہوئے کہا ہے کہ آڈیو میں کیا گیا دعویٰ سراسر بے بنیاد اور جھوٹا ہے۔
سوشل میڈیا پر گردش کرنے والی جھوٹی آڈیو کا معاملہ۔
سوشل میڈیا پر گردش کرنے والی ایک آڈیو میں جھوٹا دعویٰ کیا گیا ہے کہ AJK کے افراد کو راولپنڈی اسلام آباد کی باؤنڈری پر خاص طور پر چیک کیا جا رہا ہے۔ یہ خبر سراسر غلط ہے اور جھوٹی ہے۔
اسلام آباد پولیس کو ایسی کوئی ہدایات جاری…
— Islamabad Police (@ICT_Police) October 5, 2025
مذکورہ آڈیو میں یہ الزام عائد کیا گیا تھا کہ اسلام آباد پولیس نے خصوصی ہدایات دے رکھی ہیں کہ آزاد کشمیر سے آنے والوں کی سخت چیکنگ کی جائے اور ان کے خلاف کارروائی کی جائے۔
یہ آڈیو اس وقت سامنے آئی جب حال ہی میں جوائنٹ عوامی ایکشن کمیٹی نے احتجاج کیا، اور اس دوران ڈیوٹی پر تعینات اسلام آباد پولیس کے اہلکاروں کو بھی مظاہرین کی جانب سے تشدد کا نشانہ بنایا گیا۔
اسلام آباد پولیس کے ترجمان نے واضح کیا ہے کہ کسی بھی شہری یا گروہ کے خلاف ایسی کوئی خصوصی ہدایات جاری نہیں کی گئیں۔
ترجمان کے مطابق معمول کی سیکیورٹی چیکنگ تمام شہریوں کے لیے یکساں ہے اور کسی بھی علاقے یا برادری کو نشانہ نہیں بنایا جا رہا۔
پولیس ترجمان نے شہریوں سے اپیل کی ہے کہ سوشل میڈیا پر گردش کرنے والی گمراہ کن افواہوں اور جھوٹی آڈیوز پر یقین نہ کریں۔ اگر کسی کو کوئی شکایت ہو تو وہ فوری طور پر پکار 15 پر اطلاع دے۔
ترجمان نے یہ بھی واضح کیا کہ جھوٹی اور اشتعال انگیز اطلاعات پھیلانا قانونی جرم ہے، اور اس عمل میں ملوث افراد کے خلاف کارروائی کی جائے گی۔
یہ بھی پڑھیں: آزاد کشمیر میں مظاہرین کے ساتھ مذاکرات دانشمندانہ فیصلہ، بھارتی ہاتھ کو نظر انداز نہیں کیا جاسکتا، ماہرین
واضح رہے کہ آزاد کشمیر میں ہونے والے احتجاج کے بعد کچھ شر پسند عناصر پاکستان اور کشمیر کے رشتے کو کمزور کرنے کی سازش کررہے ہیں، لیکن مظفرآباد میں ایکشن کمیٹی کے ساتھ مذاکرات کرنے والی وفاقی مذاکراتی کمیٹی کے ارکان نے واضح کیا ہے کہ آزاد کشمیر سے پاکستان زندہ باد کے نعرے گونجتے رہیں گے، کوئی سازش کامیاب نہیں ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آزاد کشمیر احتجاج اسلام آباد پولیس ترجمان اسلام آباد پولیس مبینہ آڈیو وضاحت وی نیوز.
ذریعہ
ذریعہ: WE News
کلیدی لفظ: اسلام ا باد پولیس ترجمان اسلام ا باد پولیس مبینہ ا ڈیو وی نیوز سوشل میڈیا پر گردش کرنے والی اسلام ا باد پولیس
پڑھیں:
مہاجرین کی نشستوں کے مستقبل پر بڑا فیصلہ قریب، اہم پیش رفت سامنے آگئی
مظفرآباد: مہاجرین کی نشستیں آزاد جموں و کشمیر کی سیاست میں ایک بار پھر توجہ کا مرکز بن گئی ہیں، جہاں ان نشستوں کے مستقبل سے متعلق اہم پیش رفت سامنے آئی ہے۔ ذرائع کے مطابق وفاقی حکومت نے اس معاملے پر نرم رویہ اختیار کرتے ہوئے مکمل خاتمے کے بجائے نشستوں کی تعداد میں کمی کی تجویز پر غور شروع کر دیا ہے۔
ذرائع کا کہنا ہے کہ وادی کشمیر سے تعلق رکھنے والے مہاجرین کی چھ نشستیں کم کرنے کی ابتدائی تجویز زیر غور ہے۔ اس پیش رفت کو انتخابی اصلاحات کے حوالے سے ایک اہم قدم قرار دیا جا رہا ہے، جس سے طویل عرصے سے جاری سیاسی بحث کو کسی نتیجے تک پہنچانے میں مدد مل سکتی ہے۔
اطلاعات کے مطابق وفاقی حکومت جلد آزاد کشمیر کی قیادت کو اپنے مؤقف سے آگاہ کرے گی۔ اس سلسلے میں وزیراعظم آزاد کشمیر کی جانب سے جوائنٹ پبلک ایکشن کمیٹی سے رابطے کا بھی امکان ظاہر کیا جا رہا ہے تاکہ مختلف سیاسی اور سماجی حلقوں کو اعتماد میں لیا جا سکے۔
دوسری جانب آزاد کشمیر میں انتخابی اصلاحات کے موضوع پر کل ہونے والی آل پارٹیز کانفرنس بھی غیر معمولی اہمیت اختیار کر گئی ہے۔ سیاسی مبصرین کا کہنا ہے کہ مہاجرین کی نشستیں کم کرنے کی تجویز پر اتفاق رائے پیدا ہونے سے انتخابی نظام میں اصلاحات کی راہ ہموار ہو سکتی ہے۔
ذرائع کے مطابق اس معاملے پر مختلف سیاسی جماعتوں اور اسٹیک ہولڈرز کے درمیان مشاورت جاری ہے، جبکہ وفاقی حکومت بھی ایسا حل تلاش کرنے کی کوشش کر رہی ہے جو تمام فریقوں کے لیے قابل قبول ہو۔
سیاسی حلقوں کا ماننا ہے کہ اگر اس معاملے پر اتفاق رائے پیدا ہو جاتا ہے تو یہ آزاد کشمیر کی سیاسی تاریخ میں ایک اہم سنگ میل ثابت ہو سکتا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ