ہونڈا موٹر سائیکل آسان اقساط اور زیرو مارک اپ کے ساتھ کیسے حاصل کیے جا سکتے ہیں؟
اشاعت کی تاریخ: 6th, October 2025 GMT
اٹلس ہونڈا نے اسٹینڈرڈ چارٹرڈ بینک کے ’ایس سی آسان‘ پلان کے تحت اپنی موٹر سائیکلوں کی خریداری کے لیے آسان اقساط کی سہولت متعارف کرادی ہے۔
اس اسکیم کے تحت کریڈٹ کارڈ ہولڈرز زیرو فیصد مارک اپ کے ساتھ اپنی پسند کی ہونڈا موٹر سائیکل 3، 6 یا 12 ماہ کی اقساط میں خرید سکتے ہیں۔ بینک کی جانب سے صرف ایک مرتبہ پروسیسنگ فیس وصول کی جائے گی:
3 ماہ کے پلان پر 1.
6 ماہ کے پلان پر 5.99 فیصد
12 ماہ کے پلان پر 11.99 فیصد
مزید پڑھیں: صرف 14 ہزار روپے میں ہونڈا آئیکون ای خریدنے کا سنہری موقع، مگر کیسے؟
منتخب ماڈلز کے لیے ماہانہ اقساط کی تفصیل:ہونڈا CD 70 کی سرکاری قیمت 1 لاکھ 59 ہزار 900 روپے مقرر کی گئی ہے، جسے 13 ہزار روپے ماہانہ کی 12 اقساط میں خریدا جا سکتا ہے۔
ہونڈا CD 70 ڈریم کی قیمت 1 لاکھ 70 ہزار 900 روپے ہے، جس کی ماہانہ قسط 13 ہزار 965 روپے مقرر کی گئی ہے۔
اسی طرح ہونڈا پریدور کی قیمت 2 لاکھ 11 ہزار 900 روپے اور اس کی 12 ماہ کی قسط 17 ہزار 308 روپے ہے۔
ہونڈا CG 125 ماڈل 2 لاکھ 38 ہزار 500 روپے میں دستیاب ہے، جس کی ماہانہ قسط 19 ہزار 480 روپے ہوگی۔
مزید پڑھیں: ہونڈا نے سی جی 150 اور الیکٹرک بائیک لانچ کردی، قیمتیں بھی حیران کن
اس کے علاوہ ہونڈا CG 150 کی قیمت 4 لاکھ 59 ہزار 900 روپے اور اس کی قسط 37 ہزار 583 روپے رکھی گئی ہے۔
سب سے مہنگا ماڈل ہونڈا CB 150F ہے، جس کی قیمت 4 لاکھ 99 ہزار 900 روپے جبکہ 12 ماہ کی قسط 40 ہزار 833 روپے مقرر کی گئی ہے۔
کمپنی کے مطابق، یہ اسکیم خاص طور پر درمیانے طبقے کے صارفین کے لیے موٹر سائیکلوں کی خریداری کو مزید سہل بنانے کے لیے متعارف کرائی گئی ہے۔
مزید معلومات یا آرڈر کے لیے صارفین 24/7 ہیلپ لائن 021-111-002-002 پر رابطہ کرسکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسان اقساط ہونڈا
ذریعہ
ذریعہ: WE News
کلیدی لفظ: ہونڈا ہزار 900 روپے کی قیمت کے لیے گئی ہے
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا