ملائیشین وزیراعظم کی شہبازشریف سےاردو میں شعرپڑھنےکی فرمائش
اشاعت کی تاریخ: 6th, October 2025 GMT
کوالالمپور:ملائیشیا کے وزیراعظم محمد انور ابراہیم نے پاکستانی ہم منصب شہبازشریف سے اردو میں شعر پڑھنے کی فرمائش کی۔
کوالالمپور میں مشترکہ پریس کانفرنس کے دوران اس وقت دلچسپ صورتحال پیدا ہوئی جب وزیراعظم شہباز شریف نے علامہ اقبال کے مشہور و معروف شعر ’خودی کو کر بلند اتنا کہ ہر تقدیر سے پہلے، خدا بندے سے خود پوچھے بتا تیری رضا کیا ہے‘ اس کا انگریزی زبان میں مفہوم بیان کرنا چاہا تاہم ملائیشین وزیراعظم نے شہباز شریف کو روکتے ہوئے کہا کہ ’پہلے یہ شعر اردو میں پڑھیں۔
جس پر انہوں نے کہا کہ ’جی بالکل کیوں کہ میں جانتا ہوں آپ اردو بہت اچھی سمجھ لیتے ہیں‘ اس کے بعد انہوں نے شعر پڑھا تو انور ابراہیم نے بھی اس کا جواب اردو میں شعر کا مصرع پڑھ کر دیا، جس پر شہباز شریف نے انہیں داد دی اور ہال بھی تالیوں سے گونج اٹھا۔
بتایا جارہا ہے کہ وزیر اعظم محمد شہباز شریف اس وقت ملائیشیاءکے سرکاری دورے پر ہیں جہاں انہوں نے ملائیشیاءکے وزیر اعظم انور ابراہیم سے آج پتراجایا میں پردانا پوترا میں ملاقات کی۔
.
ذریعہ: Al Qamar Online
کلیدی لفظ: شہباز شریف
پڑھیں:
وزیراعظم شہباز شریف کی پی آئی اے نجکاری کا عمل تیز کرنے کی ہدایت
وزیراعظم شہباز شریف نے پاکستان انٹرنیشنل ایئر لائنز (پی آئی اے) کی نجکاری کا عمل تیز کرنے کی ہدایت کی ہے۔
وزیراعظم محمد شہباز شریف کی صدارت میں ایک اعلیٰ سطحی اجلاس منعقد ہوا، جس میں پی آئی اے کی نجکاری اور مستقبل کے بزنس منصوبے پر غور کیا گیا۔ اس موقع پر وزیراعظم نے نجکاری کے تمام مراحل کو تیز رفتاری اور شفاف طریقے سے مکمل کرنے کی سخت ہدایت دی ہے۔
یہ بھی پڑھیں: پی آئی اے نجکاری: واحد کمپنی بلیو ورلڈ سٹی نے ریزور سے کم بولی لگادی، معاملہ ملتوی
وزیراعظم نے کہا ہے کہ نجکاری کے دوران پی آئی اے سمیت تمام سرکاری اداروں کی نجکاری کے عمل کو براہِ راست ٹیلی ویژن اور ڈیجیٹل پلیٹ فارمز پر نشر کیا جائے گا تاکہ عوام سمیت سرمایہ کاروں میں اعتماد پیدا ہو۔
اجلاس کو بتایا گیا کہ اظہارِ دلچسپی جمع کرانے کی تاریخ 3 جون 2025 مقرر کی گئی ہے، اور حکومت پی آئی اے کے 51 تا 100 فیصد شیئرز فروخت کرنے کی منصوبہ بندی کر رہی ہے، جس کے ساتھ انتظامی کنٹرول بھی منتقلی کا حصہ ہوگا۔
اسی دوران وزیراعظم نے سرمایہ کار آؤٹ ریچ کے لیے روڈ شوز اور باضابطہ حکمتِ عملی بنانے پر زور دیا ہے تاکہ نجکاری کے عمل میں شفافیت اور وسیع شراکتداری کو یقینی بنایا جائے۔
یہ بھی پڑھیں: اداروں کی نجکاری کا عمل شفاف ہوگا، نائب وزیراعظم و وزیرخارجہ اسحاق ڈار
اجلاس میں متعلقہ حکام نے بریفنگ میں بتایا کہ حکومت نے قابض کاروباری مشیروں کے ساتھ مل کر جامع سرمایہ کار رابطہ حکمتِ عملی تیار کی ہے اور اسے مکمل طور پر نافذ کیا جا رہا ہے۔
وزیراعظم کو یہ بھی بریفنگ دی گئی کہ سابق نجکاری کی پہلی کوشش میں بولی دینے والوں کی تعداد کم رہی تھی، اور موجودہ بار وہی غلطی نہ دہرائی جائے گی۔
مزید یہ کہ وزیراعظم نے ہدایت کی کہ نجکاری کا شیڈول مقررہ وقت میں مکمل ہو، وزیر اعظم آفس نے کہا ہے کہ کسی قسم کی سستی اور لاپروائی برداشت نہیں کی جائے گی۔
یہ بھی پڑھیں: پی آئی اے نجکاری، کیا صوبے قومی ایئرلائن خرید سکتے ہیں؟
اجلاس کے دوران شریک حکام نے بتایا کہ حکومتی نجکاری کمیشن نے سرمایہ کاروں کو اعتماد میں لینے اور نجکاری کی عملداری کو ضمانت دینے کے لیے تجاویز پر غور کیا ہے، اور ان تجاویز کو نافذ کرنے کا کام جاری ہے۔
مزید برآں، وزیراعظم نے خسارے میں چلنے والے سرکاری اداروں کی نجکاری کو ملکی معیشت کی ترقی اور اصلاحاتی ایجنڈے کے لیے ناگزیر قرار دیا ہے، اور پی آئی اے کی مثال دیتے ہوئے کہا ہے کہ نجکاری ایک موثر اور جامع اصلاحاتی قدم ہے۔
یہ فیصلہ ایسے وقت پر آیا ہے جب پی آئی اے 20 سالوں کے بعد ممکنہ منافع کمانے کے قریب ہے۔ وزیراعظم اور دیگر حکام کے مطابق نجکاری کے بعد پی آئی اے کو مالیاتی استحکام حاصل ہوگا اور اعلیٰ معیار کی سروس فراہم کرنے والے ایک جدید ایئر لائن میں تبدیل کیا جائے گا۔
بریفنگ میں یہ بھی بتایا گیا کہ نجکاری کے حوالے سے یہ شرط رکھی گئی ہے کہ نجکاری کے بعد پی آئی اے کا نام اور اس کی تھیم نہیں بدلی جائے گی، بزنس پلان کے تحت 2029 میں پی آئی اے فلیٹ میں قابل پرواز طیاروں کی تعداد 18 سے بڑھا کر 38 کی جائے گی۔
بریفنگ میں بتایا گیا کہ اس وقت قومی ایئر لائن 30 سے زائد شہروں میں سروس مہیا کر رہی ہے ؛ بزنس پلان کی تحت 2029 تک پی آئی اے کی سروسز 40 سے زائد شہروں تک بڑھائی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی آئی اے نجکاری وزیراعظم شہباز شریف
عدلیہ کا کردار بڑا تاریک رہا، ان ججز کا ضمیر دہائیوں سے سویا ہوا تھا، وزیر دفاع