’’یرغمالیوں کی واپسی کے بعد حماس کا صفایا ضروری ہے‘‘ ؛ اسرائیلی وزیر خزانہ کا اشتعال انگیز بیان
اشاعت کی تاریخ: 9th, October 2025 GMT
غزہ امن معاہدے کے اعلان کے بعد بھی اسرائیلی حکومت کے بعض وزرا سخت مؤقف سے پیچھے ہٹنے کو تیار نہیں۔ اسرائیلی وزیرِ خزانہ بیزلیل سموٹریچ نے واضح طور پر کہا ہے کہ یرغمالیوں کی واپسی کے بعد حماس کو مکمل طور پر تباہ کردینا چاہیے۔
عرب میڈیا کے مطابق سموٹریچ نے اپنے تازہ بیان میں کہا کہ اسرائیل کو حماس کے حقیقی خاتمے اور غزہ کے مکمل تخفیفِ اسلحہ کےلیے اپنی تمام تر طاقت استعمال کرنا ہوگی تاکہ آئندہ یہ تنظیم اسرائیل کے لیے کسی بھی خطرے کا باعث نہ بن سکے۔
سموٹریچ نے کہا کہ ’’یرغمالیوں کی رہائی کے بعد ہم آرام نہیں کریں گے، بلکہ پورے عزم کے ساتھ آگے بڑھیں گے تاکہ حماس کا وجود ہمیشہ کے لیے ختم کر دیا جائے۔‘‘
سموٹریچ نے مزید کہا کہ وہ غزہ جنگ کے خاتمے کے لیے حماس کے ساتھ جنگ بندی کے حق میں ووٹ نہیں دیں گے، کیونکہ اُن کے مطابق ایسی جنگ بندی اسرائیل کی قومی سلامتی کے مفاد کے خلاف ہوگی۔
یہ بیان اُس وقت سامنے آیا ہے جب اسرائیل اور حماس نے امریکی صدر ڈونلڈ ٹرمپ کے مجوزہ غزہ امن معاہدے کے پہلے مرحلے پر اتفاق کر لیا ہے۔
صدر ٹرمپ نے گزشتہ روز اپنے سوشل میڈیا پیغام میں اعلان کیا تھا کہ اس معاہدے کے تحت تمام یرغمالیوں کی جلد رہائی ممکن بنائی جائے گی، جبکہ اسرائیل اپنی افواج کو متفقہ لائن تک واپس بلائے گا۔
تاہم سموٹریچ کے اس جارحانہ بیان نے اس تاثر کو تقویت دی ہے کہ اسرائیلی حکومت کے اندر اب بھی ایسے عناصر موجود ہیں جو امن عمل کو ایک وقتی حربہ سمجھتے ہیں، اور غزہ میں مکمل فوجی برتری کے خواہاں ہیں۔
.ذریعہ: Express News
کلیدی لفظ: یرغمالیوں کی سموٹریچ نے کے بعد
پڑھیں:
مذاکرات میں پیش رفت، حماس اور اسرائیل کے مابین قیدیوں و یرغمالیوں کی فہرستوں کا تبادلہ
قاہرہ میں جاری غزہ جنگ بندی مذاکرات کے دوران ایک اہم پیش رفت سامنے آئی ہے۔ حماس کے سینئر رہنما طاہر النونو نے بدھ کے روز بتایا کہ حماس اور اسرائیل کے مذاکرات کاروں نے قیدیوں اور یرغمالیوں کی فہرستوں کا تبادلہ کیا ہے، جو کسی ممکنہ معاہدے کی صورت میں رہا کیے جائیں گے۔
النونو نے کہا کہ حماس مذاکرات میں مثبت رویہ اختیار کیے ہوئے ہے اور ایک معاہدے تک پہنچنے کے حوالے سے پر امید ہے۔
بدھ کو قطر کے وزیراعظم شیخ محمد بن عبدالرحمن آل ثانی، ترکی کے انٹیلی جنس سربراہ ابراہیم کالن، امریکہ کے خصوصی مشرقِ وسطیٰ ایلچی اسٹیو وٹکوف، اور صدر ٹرمپ کے داماد جیرڈ کشنر بھی مصر کے سیاحتی مقام شرم الشیخ میں تیسرے روز جاری ان مذاکرات میں شریک ہوئے۔
یہ بھی پڑھیں:
یہ بالواسطہ مذاکرات امریکی صدر ڈونلڈ ٹرمپ کے گزشتہ ماہ پیش کردہ 20 نکاتی منصوبے کی بنیاد پر ہو رہے ہیں، جس میں جنگ بندی، تمام یرغمالیوں کی رہائی، حماس کا غیر مسلح ہونا اور اسرائیلی افواج کے بتدریج انخلا کی تجاویز شامل ہیں۔
صدر ٹرمپ نے منگل کو وائٹ ہاؤس میں صحافیوں سے گفتگو کرتے ہوئے کہا کہ یہ ایک حقیقی موقع ہے کہ ہم کچھ کر سکتے ہیں۔
’ممکن ہے کہ مشرقِ وسطیٰ میں امن قائم ہو، اور یہ صرف غزہ کے مسئلے سے آگے کی بات ہے۔ ہم فوری طور پر تمام یرغمالیوں کی رہائی چاہتے ہیں۔‘
مزید پڑھیں:
انہوں نے کہا کہ اگر جنگ بندی کا معاہدہ طے پا جاتا ہے تو امریکا اس بات کو یقینی بنانے کے لیے ہر ممکن کوشش کرے گا کہ تمام فریق اس پر عمل کریں۔
دریں اثنا، عالمی سطح پر جنگ کے خاتمے کے لیے دباؤ میں اضافہ ہو رہا ہے۔ غزہ کے بیشتر علاقے تباہ ہو چکے ہیں، اقوامِ متحدہ قحط کا اعلان کر چکی ہے، اور اسرائیلی یرغمالیوں کے اہل خانہ اپنے پیاروں کی واپسی کے منتظر ہیں۔
اقوامِ متحدہ کی ایک تحقیقاتی رپورٹ نے گزشتہ ماہ اسرائیل پر ’نسل کشی‘ کا الزام عائد کیا تھا۔
مزید پڑھیں:
گزشتہ ہفتے کے آخر میں اٹلی، اسپین، آئرلینڈ اور برطانیہ سمیت دنیا بھر کے مختلف شہروں میں لاکھوں افراد نے فلسطین کے حق میں احتجاج کرتے ہوئے فوری جنگ بندی کا مطالبہ کیا۔
نیدرلینڈز میں مظاہرین نے حکومت سے فلسطینی ریاست کو تسلیم کرنے کا مطالبہ کیا، جبکہ برطانیہ میں ہزاروں افراد نے وزیر اعظم کیئر اسٹارمر کی اپیل کے باوجود ریلیوں میں شرکت کی اور 7 اکتوبر کی مناسبت سے اجتماعات منعقد کیے۔
حماس کے سینیئر مذاکرات کار خلیل الحیہ نے کہا کہ ان کا گروپ صدر ٹرمپ اور ثالث ممالک سے اس بات کی واضح ضمانتیں چاہتا ہے کہ جنگ ہمیشہ کے لیے ختم کر دی جائے۔
غزہ کی وزارتِ صحت کے مطابق اسرائیلی فوجی کارروائیوں میں اب تک کم از کم 67 ہزار 160 افراد ہلاک ہو چکے ہیں، جنہیں اقوام متحدہ قابلِ اعتبار اعداد و شمار قرار دیتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل اقوام متحدہ جنگ بندی حماس صدر ٹرمپ غزہ فلسطین مذاکرات نسل کشی وائٹ ہاؤس
جمرود ، کلاس روم میں کھلونا بم پھٹ گیا ، چار بچے زخمی