جیمنی پرو: گوگل کی پاکستانی طلبہ کو شاندار مفت پیشکش
اشاعت کی تاریخ: 9th, October 2025 GMT
گوگل نے اعلان کیا ہے کہ پاکستان کے وہ طلبہ جن کی عمر 18 سال یا اس سے زائد ہے ایک سال کے لیے گوگل کے جدید ترین اے آئی پرو پلان تک مفت رسائی حاصل کر سکیں گے۔
یہ بھی پڑھیں: گوگل جیمنی پہلی بار چیٹ جی پی ٹی کو پیچھے چھوڑنے میں کامیاب، یہ کام کیسے ہوا؟
گوگل کی جانب سے جمعرات کو جاری کردہ پریس ریلیز کے مطابق اس اقدام کا مقصد طلبہ کو کسی اضافی لاگت کے بغیر جدید مصنوعی ذہانت کے ٹولز کے ذریعے تعلیم، تحقیق اور تخلیقی صلاحیتوں کو فروغ دینا ہے۔
گوگل کا جیمنی اے آئی پرو پلان طلبہ کو اپنی جدید ترین اے آئی خصوصیات تک رسائی فراہم کرتا ہے جس میں شامل ہے جیمنی پرو2.
اس کے علاوہ جیمنی اب گوگل ایپس میں بھی دستیاب ہے یعنی اے آئی معاونت براہ راست Gmail، Docs، Sheets، Slides اور Meet جیسے پلیٹ فارمز پر حاصل کی جا سکتی ہے جس سے طلبہ ای میلز کو سمرائز کر سکتے ہیں، پریزنٹیشنز تیار کر سکتے ہیں اور ڈیٹا کا تجزیہ مؤثر انداز میں کر سکتے ہیں۔
طلبہ کو گوگل کا نوٹ بک ایل ایم بھی فراہم کیا جائے گا جو ایک ذاتی نوعیت کا اے آئی ریسرچ اور تحریری معاون ٹول ہے۔
مزید پڑھیے: گوگل کے جیمنی اے آئی میں آڈیو فائل اپلوڈ کرنے کی سہولت متعارف
مزید برآں طلبہ کو Veo 3 اور Flow جیسے جدید فیچرز تک بھی رسائی حاصل ہو گی جن کے ذریعے متن یا تصاویر سے ویڈیوز تیار کی جا سکتی ہیں۔
گوگل کی اس پیشکش میں دو ٹیرا بائٹ کلاؤڈ اسٹوریج بھی شامل ہے جو Google گوگل ڈرائیو، جی میل اور گوگول فوٹوز پر دستیاب ہو گا تاکہ طلبہ اپنی نوٹس، منصوبے اور دیگر تعلیمی مواد کو محفوظ طریقے سے رکھ سکیں۔
مزید پڑھیں: گوگل نے جیمنی 2.5 فلیش امیج اے آئی متعارف کرا دیا، خصوصیات کیا ہیں؟
پریس ریلیز میں کہا گیا کہ یہ آفر گوگل کے اس وسیع تر مشن کا حصہ ہے جس کا مقصد ہر طالب علم کو جدیداے آئی ٹولز سے بااختیار بنانا اور ان کی تخلیقی صلاحیتوں کو اجاگر کرنا ہے۔
گوگل کے مطابق یہ اسکیم ایشیا پیسیفک کے متعدد ممالک میں متعارف کرائی گئی ہے جن میں پاکستان بھی شامل ہے۔
یہ بھی پڑھیے: گوگل کا نیا سنگ میل، ’جیمنی 2.5 ڈیپ تھنک‘ ماڈل متعارف، خصوصیات کیا ہیں؟
گوگل نے اہل طلبہ کو دعوت دی ہے کہ وہ آن لائن رجسٹریشن کے ذریعے اس آفر سے فائدہ اٹھائیں اور ایک سال کے لیے مفت سبسکرپشن حاصل کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے آئی جیمنی جیمنی پرو گوگل اے آئی ماڈل گوگل جیمنی
ذریعہ
ذریعہ: WE News
کلیدی لفظ: اے ا ئی گوگل اے ا ئی ماڈل گوگل جیمنی کے ذریعے گوگل کے طلبہ کو شامل ہے اے ا ئی
پڑھیں:
ایمریٹس کپتان دنیا کے سب سے زیادہ معاوضہ لینے والے پائلٹس میں شامل
مشرقِ وسطیٰ کی سب سے بڑی فضائی کمپنی ایمریٹس ایئرلائن (Emirates Airline)نے 2026 میں بھی دنیا کی سب سے زیادہ پرکشش اور زیادہ تنخواہیں دینے والی ایئرلائنز میں اپنی مضبوط پوزیشن برقرار رکھی ہے۔
تازہ رپورٹس کے مطابق ایمریٹس نہ صرف اپنے پائلٹس کو خطیر تنخواہیں فراہم کر رہی ہے بلکہ انہیں متعدد اضافی مراعات بھی دی جا رہی ہیں، جس کی وجہ سے دنیا بھر کے تجربہ کار پائلٹس اس ایئرلائن میں ملازمت کو ترجیح دیتے ہیں۔ اعلیٰ معیارِ زندگی، ٹیکس فری آمدن اور بہتر کیریئر مواقع اسے عالمی سطح پر ایک نمایاں ایئرلائن بناتے ہیں۔
اعداد و شمار کے مطابق ایمریٹس میں کام کرنے والے فرسٹ آفیسرز کی سالانہ آمدن تقریباً 4 لاکھ 20 ہزار سے 6 لاکھ 20 ہزار درہم کے درمیان ہوتی ہے، جو امریکی کرنسی میں تقریباً 1 لاکھ 14 ہزار سے 1 لاکھ 69 ہزار ڈالر کے برابر بنتی ہے۔ تنخواہ کا انحصار طیارے کی قسم اور تجربے پر ہوتا ہے، خاص طور پر بوئنگ 777 اور ایئربس A380 جیسے طویل فاصلے کے طیاروں پر تعینات پائلٹس زیادہ آمدن حاصل کرتے ہیں۔
دوسری جانب کپتانوں کی تنخواہیں اس سے کہیں زیادہ ہیں۔ رپورٹ کے مطابق 2026 میں ایمریٹس کے کپتان سالانہ 9 لاکھ سے 14 لاکھ 50 ہزار درہم تک کما سکتے ہیں، جو تقریباً 2 لاکھ 45 ہزار سے 3 لاکھ 95 ہزار امریکی ڈالر کے برابر ہے۔ الٹرا لانگ ہال طیاروں جیسے ایئربس A380 کے کپتان اضافی الاؤنسز اور فلائنگ ڈیوٹی کی وجہ سے اس سے بھی زیادہ آمدن حاصل کر سکتے ہیں۔
مزیدپڑھیں:بجٹ میں عوام کو ریلیف دینے کیلئے پر عزم ہیں،شہباز شریف
ایمریٹس کی سب سے بڑی کشش اس کی ٹیکس فری تنخواہ ہے، جس کے باعث پائلٹس کی خالص آمدن دیگر مغربی ممالک کی ایئرلائنز کے مقابلے میں زیادہ ہو جاتی ہے۔ اس کے علاوہ کمپنی اپنے ملازمین کو رہائش یا ہاؤسنگ الاؤنس، سفری الاؤنس، میڈیکل اور انشورنس سہولیات، اہل خانہ کے لیے سفری رعایتیں، بچوں کی تعلیم میں مدد اور بیرون ملک قیام کے دوران ہوٹل و کھانے کے اخراجات جیسی مراعات بھی فراہم کرتی ہے۔
بیڑے کے حوالے سے ایمریٹس دنیا کے سب سے بڑے وائیڈ باڈی طیاروں کے آپریٹرز میں سے ایک ہے، جس میں 116 ایئربس A380، 118 بوئنگ 777-300ER، 10 بوئنگ 777-200LR اور 19 ایئربس A350-900 شامل ہیں۔ کمپنی نے مستقبل کے لیے مزید 359 طیاروں کے بڑے آرڈرز بھی دیے ہیں جن میں بوئنگ 777-9، بوئنگ 777-8، بوئنگ 787 اور ایئربس A350 شامل ہیں۔
پائلٹ بننے کے لیے ایمریٹس میں سخت معیار مقرر ہیں۔ فرسٹ آفیسر کے لیے کم از کم 2 ہزار فلائنگ آورز جبکہ کپتان کے لیے 7 ہزار سے زائد فلائنگ آورز کے ساتھ ساتھ ہزاروں گھنٹوں کا کمانڈ تجربہ لازمی ہوتا ہے۔ اس کے علاوہ بین الاقوامی سول ایوی ایشن کے لائسنس، میڈیکل سرٹیفکیٹ اور انگریزی زبان میں مہارت بھی بنیادی شرائط میں شامل ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ