نوبل انعام 2025 کا اعلان آج، اب تک کتنے امریکی صدور کو یہ اعزاز مل چکا ہے؟
اشاعت کی تاریخ: 10th, October 2025 GMT
امریکہ کی تاریخ میں اب تک 4 صدور کو نوبل امن انعام سے نوازا جا چکا ہے، جنہوں نے بین الاقوامی سفارت کاری، انسانی حقوق اور عالمی امن کے فروغ میں اہم کردار ادا کیا۔ ان تمام رہنماؤں کا تعلق مختلف تعلیمی اداروں سے رہا ہے اور عالمی سطح پر امن قائم کرنے کے لیے غیر معمولی کوششوں کے سبب دنیا کے سب سے باوقار اعزازات میں سے ایک کے مستحق ٹھہرے۔
تھیوڈور روزویلٹ (1906): روس-جاپان جنگ کے خاتمے میں ثالثیتھیوڈور روزویلٹ، جو 1901 سے 1909 تک امریکہ کے 26ویں صدر رہے، نے ہارورڈ یونیورسٹی سے تعلیم حاصل کی اور بعد ازاں کولمبیا لا اسکول میں داخلہ لیا۔ انہیں 1906 میں روس اور جاپان کے درمیان جنگ کے خاتمے میں ثالثی پر نوبل امن انعام دیا گیا۔ وہ نوبل انعام حاصل کرنے والے پہلے امریکی شہری بھی تھے۔
ووڈرو ولسن (1919): لیگ آف نیشنز کے بانیووڈرو ولسن، 28ویں صدر (1913–1921)، نے پرنسٹن یونیورسٹی سے گریجویشن کیا اور جانز ہاپکنز یونیورسٹی سے سیاسیات میں پی ایچ ڈی کی ڈگری حاصل کی — وہ امریکہ کے واحد صدر ہیں جنہوں نے ڈاکٹریٹ کی سطح کی تعلیم حاصل کی۔ انہیں 1919 میں لیگ آف نیشنز کے قیام پر نوبل امن انعام دیا گیا، جس کا مقصد عالمی سطح پر پائیدار امن قائم کرنا تھا۔
جمی کارٹر (2002): انسانی حقوق اور جمہوریت کے فروغ میں خدماتامریکہ کے 39ویں صدر جمی کارٹر (1977–1981) نے امریکی نیول اکیڈمی سے تعلیم حاصل کی اور نیول آفیسر کے طور پر خدمات انجام دیں۔ انہیں 2002 میں ان کی دہائیوں پر محیط امن، جمہوریت اور انسانی حقوق کے لیے کوششوں کے اعتراف میں نوبل امن انعام سے نوازا گیا۔ یہ خدمات انہوں نے اپنے عہدِ صدارت کے بعد ’کارٹر سینٹر‘ کے ذریعے انجام دیں۔
باراک اوباما (2009): عالمی سفارت کاری اور مفاہمت کے فروغ پر اعزاز44ویں امریکی صدر باراک اوباما (2009–2017) نے کولمبیا یونیورسٹی سے سیاسیات میں گریجویشن کیا اور بعد ازاں ہارورڈ لا اسکول سے قانون کی ڈگری حاصل کی، جہاں وہ ’ہارورڈ لا ریویو‘ کے پہلے سیاہ فام صدر بھی بنے۔ انہیں 2009 میں بین الاقوامی سفارت کاری اور اقوام کے مابین تعاون کے فروغ کے لیے نوبل امن انعام سے نوازا گیا۔
یہ چار صدور، تھیوڈور روزویلٹ، ووڈرو ولسن، جمی کارٹر، اور باراک اوباما نہ صرف اپنے اپنے ادوار میں اہم عالمی کردار ادا کرنے میں کامیاب رہے، بلکہ انہوں نے اعلیٰ تعلیمی اداروں سے تعلیم حاصل کر کے عالمی امن کے لیے نمایاں خدمات انجام دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باراک اوباما ڈونلڈ ٹرمپ نوبل امن انعام.
ذریعہ
ذریعہ: WE News
کلیدی لفظ: باراک اوباما ڈونلڈ ٹرمپ یونیورسٹی سے باراک اوباما تعلیم حاصل کے فروغ حاصل کی کے لیے
پڑھیں:
جی بی الیکشن: مسلم لیگ ن نے اسکردو سے بڑی کامیابی حاصل کر لی
فیصل جمیل :گلگت بلتستان انتخابات 2026 کے سلسلے میں سیاسی سرگرمیاں عروج پر پہنچ گئی ہیں اور مختلف سیاسی جماعتوں کے مرکزی رہنما انتخابی مہم میں بھرپور حصہ لے رہے ہیں،انتخابات کیلئے پولنگ 7 جون کو ہوگی۔
الیکشن سے قبل ہی حاجی اکبر تابان امیدوار پاکستان مسلم لیگ ن نے اسکردو سے بڑی کامیابی حاصل کر لی، مہا جرین 1971 نے مسلم ن کی مکمل حمایت کا اعلان کر دیا ہے۔
دوسری جانب چیئرمین پیپلزپارٹی بلاول بھٹو زرداری اور خاتون اول آصفہ بھٹو آج گلگت اور ہنزہ کا دورہ کریں گے، دونوں رہنما ہنزہ میں عوامی اجتماع سے خطاب کریں گے جبکہ بلاول بھٹو زرداری کی گلگت میں پارٹی ٹکٹ ہولڈرز سے ملاقاتیں بھی متوقع ہیں۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
چیئرمین پی ٹی آئی بیرسٹر گوہر سکردو اور دیگر اضلاع میں انتخابی سرگرمیوں میں مصروف رہیں گے، وہ پارٹی رہنماؤں کے انتخابی دفاتر کا دورہ کریں گے اور کارکنان سے بھی خطاب کریں گے۔
مسلم لیگ (ن) کے رہنما خواجہ سعد رفیق، عابد شیر علی، مرتضیٰ جاوید عباسی اور عابد رضا کوٹلہ مختلف مقامات پر جلسوں سے خطاب کریں گے۔
پارٹی ذرائع کے مطابق ن لیگی رہنما آج مجموعی طور پر چار مقامات پر عوامی اجتماعات سے خطاب کریں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ادھر وفاقی وزیر انجنئیر امیر مقام بھی گلگت میں موجود ہیں جہاں ان کی مختلف سیاسی رہنماؤں سے ملاقاتیں شیڈول ہیں۔
گلگت بلتستان اسمبلی انتخابات کے لیے سیاسی جماعتوں کی جانب سے ووٹرز کو متحرک کرنے کی کوششیں آخری مرحلے میں داخل ہو چکی ہیں ۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ