’کمیٹی نے امن پر سیاست کو ترجیح دی‘، نوبیل انعام پر وائٹ ہاؤس برہم
اشاعت کی تاریخ: 10th, October 2025 GMT
نوبیل امن انعام کے حالیہ اعلان کے بعد وائٹ ہاؤس نے اس بات پر ردِعمل ظاہر کیا ہے کہ امریکی صدر ڈونلڈ ٹرمپ کو ایک بار پھر یہ انعام نہیں دیا گیا۔
وائٹ ہاؤس کے ترجمان نے بیان میں کہا کہ صدر ٹرمپ امن معاہدے کرتے رہیں گے، جنگوں کا خاتمہ کریں گے اور انسانی جانیں بچائیں گے۔
یہ بھی پڑھیں:
ترجمان نے نوبیل کمیٹی پر تنقید کرتے ہوئے کہا کہ اس فیصلے سے واضح ہوتا ہے کہ کمیٹی نے امن پر سیاست کو ترجیح دی ہے۔
بیان میں کہا گیا کہ ٹرمپ انتظامیہ کے دور میں کئی اہم سفارتی اقدامات کیے گئے جنہوں نے مشرقِ وسطیٰ سمیت دنیا کے مختلف خطوں میں امن کے امکانات کو بڑھایا، تاہم نوبیل کمیٹی نے ایک بار پھر ان کی کوششوں کو تسلیم نہیں کیا۔
مزید پڑھیں:
واضح رہے کہ نوبیل امن انعام وینزویلا کی اپوزیشن رہنما ماریا کورینا ماچادو کو دیا گیا ہے، جنہیں وینزویلا میں جمہوریت اور شہری حقوق کے لیے انتھک جدوجہد پر یہ اعزاز دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رد عمل نوبیل امن انعام وائٹ ہاؤس.ذریعہ: WE News
کلیدی لفظ: نوبیل امن انعام وائٹ ہاؤس وائٹ ہاؤس
پڑھیں:
بنگلادیش نے آئرلینڈ کو ٹیسٹ سیریز میں وائٹ وائش کردیا
بنگلادیش نے دوسرے ٹیسٹ میچ میں آئرلینڈ کو 217 رنز سے شکست دے کر سیریز میں وائٹ وائش کردیا۔
میرپور میں کھیلے گئے میچ میں 509 رنز کے ہدف کے تعاقب میں آئرش ٹیم 291 رنز پر آل آؤٹ ہوگئی۔
کرٹس کیمپھر 71 رنز بناکر ناقابل شکست رہے۔ ہیری ٹیکٹر 50، گیون ہوئے 37 اور جورڈن نیل 30 رنز بناکر آؤٹ ہوئے۔
بنگلادیش کی جانب سے تیج الاسلام اور حسن مراد نے 4،4 جبکہ خالد احمد اور مہدی حسن میراز نے ایک ایک وکٹ حاصل کی۔
یاد رہے کہ بنگلادیش نے ٹاس جیت کر پہلے بیٹنگ کرتے ہوئے پہلی اننگز میں 476 رنز بنائے تھے۔
لٹن داس 128 اور مشفق الرحیم 106 رنز بناکر نمایاں رہے۔ مومن الحق نے 63 رنز کی اننگز کھیلی تھی۔
آئرلینڈ کی جانب سے اینڈی میک برائن نے 6 جبکہ میتھیو ہمفریز اور گیون ہوئے نے 2،2 وکٹیں حاصل کی تھیں۔
آئرش ٹیم اپنی پہلی اننگز میں 265 رنز بناکر آؤٹ ہوگئی تھی۔ لوکران ٹکر 75 رنز بناکر ناٹ آؤٹ رہے جبکہ جورڈن نیل 49 اور اسٹیفن ڈوہینی 46 رنز بناکر آؤٹ ہوئے۔
بنگلادیش کی جانب سے تیج الاسلام نے 4، خالد احمد اور حسن مراد نے 2، 2 جبکہ عبادت حسین اور مہدی حسن میراز نے ایک ایک وکٹ حاصل کی تھی۔
بنگلادیش نے اپنی دوسری اننگز 297 رنز 4 کھلاڑی آؤٹ پر ڈکلیئر کردی تھی۔ مومن الحق 87 اور شادمان اسلام 78 رنز بناکر نمایاں رہے تھے۔
پوری قوم دہشتگردی کیخلاف جنگ میں اپنی افواج کیساتھ کھڑی ہے: وزیراعظم