امریکی سفارت خانے تک لانگ مارچ کریں گے،سعد رضوی
اشاعت کی تاریخ: 10th, October 2025 GMT
data-id="863a0a8" data-element_type="widget" data-widget_type="theme-post-content.default">
لاہور:تحرِیک لبِیک پاکستان (ٹی ایل پی) کے امیر سعد حسین رضوی نے لاہور کی جامع مسجد رحمة العالمین میں جمعہ کے اجتماع سے خطاب کرتے ہوئے اعلان کیا ہے کہ ان کی جماعت لاہور سے امریکی سفارتخانے تک لانگ مارچ کرے گی۔
سعد رضوی نے کہا کہ اس مارچ میں وہ خود سب سے آگے چلیں گے، اس کے بعد ان کی شوریٰ اور پھر کارکنان پیش قدمی کریں گے۔ انھوں نے کہا گرفتاری، گولی اور شیل کوئی مسئلہ نہیں ہیں، شہادت ہمارا مقدر ہے۔
بی بی سی کے مطابق ٹی ایل پی کے سربراہ نے اپنے خطاب میں کہا کہ آپ کے لیے سفارتخانے مقدس ہیں تو ہمارے لیے بیت المقدس افضل ہے۔ اپنے مال، اپنے خون اور اپنی اولاد سے بھی بیت المقدس ہمیں افضل ہے۔
انہوں نے مزید کہا کہ جماعت نے کوئی پہل نہیں کی مگر ناموسِ رسالت کے دفاع کے لیے اور اس مرتبہ بیت المقدس کے سبب قدم اٹھایا گیا ہے۔انھوں نے حکومت پر تنقید کرتے ہوئے کہا کہ آپ ٹرمپ سے کونسا ہاتھ ملا کر آئے ہیں کہ پاکستان میں فلسطین کے حق میں بات بھی نہیں کرنے دے رہے۔
سعد رضوی نے ڈاکٹر عبدالقدیر کے یومِ وفات کا حوالہ دیتے ہوئے کہا کہ آپ کو چاہیے تھا کہ محسن پاکستان کے بنائے ہوئے میزائلوں سے اسرائیل کو جواب دیتے اور انھیں خراج تحسین پیش کرتے۔
امیرِ ٹی ایل پی کا کہنا تھا کہ امتِ مسلمہ میں ابھی بھی ایسے نوجوان موجود ہیں جو قربانی کے لیے تیار ہیں۔ انھوں نے کہا کہ ہمیں تو اپنا انجام پتہ ہے مگر گولی چلانے والوں کو اپنا انجام پتہ ہوتا تو وہ گھروں سے نہ نکلتے۔
ویب ڈیسک
Faiz alam babar
ذریعہ: Jasarat News
کلیدی لفظ: کہا کہ
پڑھیں:
ایف سی جوان ہمیشہ جنگ میں فتح حاصل کریں گے، کمانڈنٹ ایف سی
فوٹو: جیو نیوز/اسکرین گریبکمانڈنٹ فیڈرل کانسٹیبلری ریاض نذیر گاڑا نے کہا ہے کہ پشاور میں صبح ہیڈکوارٹر پر حملہ ہوا جس میں 3 جوان شہید ہوئے۔
جیو نیوز سے گفتگو میں انہوں نے کہا کہ پہلے دھماکے میں ایف سی کے 3 جوان شہید ہوئے۔
انہوں نے بتایا کہ دو خودکش بمبار ہیڈکوارٹر میں داخل ہوئے تھے، ہمارے جوانوں نے گیٹ کے ساتھ ہی دہشتگردوں کو ہلاک کردیا۔
سی سی پی او ڈاکٹر میاں سعید کے مطابق صدر روڈ کو ٹریفک کیلیے بند کردیا گیا ہے۔
ریاض نذیر گاڑا کا کہنا ہے کہ ہمارے جوانوں نے بہادری سے حملے کو ناکام بنادیا، ایف سی جوان ہمیشہ اس جنگ میں فتح حاصل کریں گے۔
واضح رہے کہ آج صبح پشاور میں فیڈرل کانسٹیبلری کے ہیڈکوارٹرز پر فتنہ الخوارج کے حملہ کو ناکام بنادیا گیا ہے۔
سیکیورٹی فورسز کی فائرنگ میں 3 دہشتگرد ہلاک ہوگئے۔ دہشتگردوں کے حملے میں ایف سی کے 3 اہلکاروں نے جامِ شہادت نوش کیا۔
پوری قوم دہشتگردی کیخلاف جنگ میں اپنی افواج کیساتھ کھڑی ہے: وزیراعظم