کیا انکم ٹیکس گوشواروں کی ڈیڈ لائن بڑھے گی؟ ایف بی آر کا اعلان متوقع
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: فیڈرل بورڈ آف ریونیو (ایف بی آر) نے انکم ٹیکس گوشوارے جمع کرانے کی آخری تاریخ کے حوالے سے اہم اعلان کردیا ہے۔
ایف بی آر کے مطابق آج انکم ٹیکس گوشوارہ جمع کرانے کی آخری تاریخ ہے اور اس میں مزید توسیع نہیں کی جائے گی۔ حکام نے واضح کیا ہے کہ مقررہ تاریخ کے بعد گوشوارہ جمع نہ کرانے والوں کے خلاف کارروائی عمل میں لائی جائے گی، جبکہ بعد میں جمع کرانے والے ٹیکس دہندگان لیٹ فائلر کیٹیگری میں شمار ہوں گے اور ان پر ودہولڈنگ ٹیکس کی زیادہ شرح لاگو ہوگی۔
واضح رہے کہ کراچی سے ایم کیو ایم پاکستان کے رہنما ڈاکٹر فاروق ستار نے حکومت سے ٹیکس ریٹرن جمع کرانے کی تاریخ میں توسیع کا مطالبہ کیا تھا۔ ڈاکٹر فاروق ستار نے وزیراعظم، وزیر خزانہ اور چیئرمین ایف بی آر سے اپیل کی تھی کہ موجودہ معاشی حالات اور غیر معمولی مون سون بارشوں کے باعث تاجروں کو بغیر کسی جرمانے کے سہولت دی جائے اور انکم ٹیکس ریٹرن جمع کرانے کی تاریخ 15 اکتوبر سے بڑھا کر 30 نومبر کی جائے۔
ایف بی آر کی طرف سے جاری تازہ بیان میں یہ واضح کیا گیا ہے کہ تجویز کردہ توسیع منظور نہیں کی گئی اور مقررہ آخری تاریخ پر عمل درآمد ضروری ہے۔
.
ذریعہ
ذریعہ: Jasarat News
کلیدی لفظ: جمع کرانے کی انکم ٹیکس ایف بی آر
پڑھیں:
ضم اضلاع کیلئے ٹیکس استثنیٰ بحال کریں: گورنر خیبر پی کے کا وزیراعظم کو خط
پشاور (بیورو رپورٹ) گورنر خیبرپی کے فیصل کریم کنڈی نے وزیراعظم پاکستان سے ضم قبائلی اضلاع کیلئے وفاقی ٹیکس استثنیٰ بحالی کی درخواست کردی۔ وزیراعظم کو بھیجے گئے خط میں گورنر نے مطالبہ کیا کہ ضم شدہ اضلاع اور پاٹا کے لیے وفاقی ٹیکس استثنیٰ میں توسیع کرتے ہوئے انضمام کے وقت قبائلی عوام سے کیے گئے وعدوں کی پاسداری کی جائے۔ ضم قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ وفاقی ٹیکسوں کے خاتمے کے بغیر قبائلی عوام کو مکمل ٹیکس ریلیف فراہم نہیں کیا جا سکتا۔ صوبائی حکومت پہلے ہی ضم شدہ اضلاع اور پاٹا پر عائد تمام صوبائی ٹیکس ختم کر چکی ہے، تاہم وفاقی ٹیکس برقرار رہنے سے عوام کو مکمل ریلیف نہیں مل رہا۔ دریں اثناء گورنر فیصل کریم کنڈی سے پاکستان کونسل آف سائنٹیفک اینڈ انڈسٹریل ریسرچ (پی سی ایس آئی آر) پشاور کے ڈائریکٹر جنرل انجینئر سہیل امیر مروت نے گورنر ہاؤس پشاور میں ملاقات کی۔ ادارے کی تحقیق و ترقی (ریسرچ اینڈ ڈویلپمنٹ)، جاری پی ایس ڈی پی منصوبوں، ادارے کی تحقیقی صلاحیتوں اور استعداد سے متعلق تفصیلی بریفنگ دی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی