پاک بھارت جنگ میں7 طیارےگرائے گئے تھے، ٹرمپ نے پھر مودی سرکار کو آئینہ دکھا دیا
اشاعت کی تاریخ: 16th, October 2025 GMT
data-id="863a0a8" data-element_type="widget" data-widget_type="theme-post-content.default">
امریکی صدر ڈونلڈ ٹرمپ نے ایک بار پھر حالیہ پاک بھارت کشیدگی کا ذکر کرتے ہوئے دعویٰ کیا ہے کہ پاکستان نے بھارت کے سات طیارے گرائے تھے۔
اوول آفس میں میڈیا سے گفتگو کے دوران صدر ٹرمپ نے کہا کہ وہ اب تک آٹھ جنگیں رکوا چکے ہیں، اور بھارت و پاکستان کے درمیان جوہری جنگ کے امکانات بہت قریب آ چکے تھے۔ اُن کے مطابق پاک بھارت کشیدگی میں سات بھارتی طیارے مار گرائے گئے۔
صدر ٹرمپ نے کہا کہ پاکستانی وزیراعظم شہباز شریف نے اُن سے کہا کہ انہوں نے لاکھوں جانیں بچائیں۔ ٹرمپ کے مطابق وزیراعظم کا اشارہ اس ممکنہ ایٹمی جنگ کی طرف تھا جو دونوں ممالک کے درمیان چھڑ سکتی تھی۔
گفتگو کے دوران ٹرمپ نے بھارت کی جانب سے روس سے تیل کی خریداری کا بھی تذکرہ کیا۔ انہوں نے کہا کہ بھارتی وزیراعظم نریندر مودی نے یقین دہانی کرائی ہے کہ بھارت اب روس سے تیل نہیں خریدے گا، اور وہ اس فیصلے سے خوش ہیں۔
صدر ٹرمپ نے حماس کے حوالے سے کہا کہ وہ چاہتے ہیں کہ حماس کو غیر مسلح کیا جائے، اور اس مقصد کے لیے امریکی فوج کو استعمال کرنے کی ضرورت نہیں پڑے گی۔
انہوں نے مزید کہا کہ چین کے ساتھ تجارتی کشیدگی جاری ہے جبکہ امریکا یوکرین جنگ کو ختم کرنے کی بھی کوشش کر رہا ہے۔
ذریعہ: Jasarat News
کلیدی لفظ: کہا کہ
پڑھیں:
فٹبال کی تاریخ میں نایاب واقعہ، 17 کھلاڑیوں کو ریڈ کارڈز دکھا دیے گئے
جنوبی امریکی ملک بولیویا میں کوپا بولیویا کپ کے ایک میچ کے بعد غیر معمولی ہنگامہ دیکھنے کو ملا، جس میں پولیس کو حالات قابو میں لانے کے لیے آنسو گیس کا استعمال کرنا پڑا۔
برطانوی میڈیا کے مطابق یہ مقابلہ بلومنگ اور ریئل اورورو کے درمیان ہوا، جو 2-2 سے برابر رہا۔ اس نتیجے کے باعث بلومنگ ٹیم مجموعی اسکور کی بنیاد پر کوارٹر فائنل میں پہنچ گئی۔
میچ کے اختتام پر معمولی تکرار ایک بڑے تصادم میں بدل گئی، جس میں دونوں ٹیموں کے کھلاڑی اور عملہ شامل تھے۔ مقامی رپورٹس کے مطابق ریئل اورورو کے کھلاڑی سیباسٹین زیبالوس کو حریف ٹیم نے روکنے کی کوشش کی، لیکن وہ خود کو چھڑا کر دیگر کھلاڑیوں کو دھکے دینے لگے۔ ان کے ساتھی جولیو ویلا نے بھی مشتعل ہو کر مکّے برسائے، جس سے صورتحال مزید بگڑ گئی۔
اطلاعات کے مطابق ریئل اورورو کے کوچ مارسيلو روبلیدو بھی تنازعے میں ملوث ہوئے اور مبینہ طور پر ایک قومی ٹیم کے اسٹاف رکن کے ساتھ تکرار کے دوران زمین پر گر پڑے، جنہیں کندھے اور سر پر چوٹیں لگیں۔
ہنگامہ قابو میں لانے کے لیے تقریباً 20 پولیس اہلکار میدان میں آئے اور آنسو گیس استعمال کی۔ بلومنگ کے کوچ موریسیو سوریہ نے کھلاڑیوں کو فوراً ڈریسنگ روم میں منتقل کر کے حالات کو پرسکون کرنے کی کوشش کی۔
میچ آفیشل کی رپورٹ کے مطابق جھگڑے میں ملوث بلومنگ کے 7 اور اورورو کے 4 کھلاڑیوں سمیت دونوں ٹیموں کے کوچز اور اسسٹنٹس سمیت کل 17 افراد کو ریڈ کارڈز دکھائے گئے۔ رپورٹ میں بتایا گیا کہ کم از کم 6 کھلاڑی کوپا بولیویا کپ سے مکمل طور پر باہر ہوگئے ہیں۔
یہ واقعہ فٹبال کی تاریخ میں نایاب سمجھا جا رہا ہے، جہاں ایک میچ میں اتنے زیادہ کھلاڑیوں کو ریڈ کارڈز ملے۔
بالی ووڈ مکمل نقالی پر، دھریندر پاکستانی فلم چوہدری کا چربہ ہے، نادیہ خان