دہلی کی آلودگی پر نریندر مودی کی خاموشی ناقابلِ قبول ہے، راہل گاندھی
اشاعت کی تاریخ: 28th, November 2025 GMT
کانگریس رکن پارلیمنٹ نے مطالبہ کیا کہ پارلیمنٹ میں اس صحت بحران پر فوری، جامع اور تفصیلی بحث کرائی جائے تاکہ عوام کو درپیش اس سنگین مسئلے کے حل کیلئے مؤثر حکمتِ عملی وضع کی جاسکے۔ اسلام ٹائمز۔ کانگریس کے رہنما اور پارلیمنٹ میں لیڈر آف اپوزیشن راہل گاندھی نے جمعہ کے روز وزیراعظم نریندر مودی پر دہلی میں بگڑتی ہوئی فضائی آلودگی کے مسئلے پر تشویشناک خاموشی اختیار کرنے کا الزام عائد کیا ہے۔ انہوں نے مطالبہ کیا کہ پارلیمنٹ میں اس صحت بحران پر فوری، جامع اور تفصیلی بحث کرائی جائے تاکہ عوام کو درپیش اس سنگین مسئلے کے حل کے لئے مؤثر حکمتِ عملی وضع کی جا سکے۔ راہل گاندھی نے اپنے بیان میں کہا کہ دہلی اور این سی آر میں مسلسل دو ہفتوں سے انتہائی خراب سے سنگین سطح تک پہنچنے والی فضائی آلودگی نہ صرف شہریوں کے لئے پریشانی کا باعث ہے بلکہ یہ ایک حقیقی صحت ہنگامی صورتحال کی شکل اختیار کر چکی ہے۔ انہوں نے سوشل میڈیا پلیٹ فارم ایکس پر ایک ویڈیو بھی جاری کی، جس میں وہ دہلی کی چند ماؤں سے ملاقات کرتے نظر آ رہے ہیں، جنہوں نے اپنے بچوں کی صحت، دمے کے بڑھتے کیسز اور تھکن و کمزوری کے بارے میں شدید تشویش کا اظہار کیا۔
راہل گاندھی نے کہا کہ دہلی کے لاکھوں خاندان تھکے، خوفزدہ اور غصے میں ہیں کیونکہ ان کے بچے مسلسل زہریلی ہوا میں سانس لینے پر مجبور ہیں۔ انہوں نے وزیراعظم سے براہِ راست سوال کیا کہ مودی جی، ہندوستان کے بچے آپ کے سامنے گھٹ رہے ہیں، آپ خاموش کیسے رہ سکتے ہیں، آپ کی حکومت میں نہ ہنگامی اقدامات دکھائی دیتے ہیں، نہ کوئی واضح منصوبہ، نہ ہی جوابدہی۔ انہوں نے مطالبہ کیا کہ مرکز ایک سخت، قابلِ نفاذ اور ملک گیر سطح پر مؤثر نیشنل ایکشن پلان تیار کرے، جس میں صنعتی آلودگی پر قابو، گاڑیوں کے اخراج کے سخت پیمانے، فصلوں کی باقیات جلانے کے مستقل حل اور شہروں میں سبزہ کاری کے منصوبوں کو ترجیح دی جائے۔
دہلی کے ماہرینِ صحت کی متفقہ رائے ہے کہ موجودہ فضائی آلودگی انسانی صحت کے لئے شدید خطرہ ہے۔ ڈاکٹروں کے مطابق مسلسل زہریلے ذرات کی نمائش سے بچوں اور حساس مریضوں میں سانس کی نالی میں سوزش، پھیپھڑوں کی کارکردگی میں کمی اور دل و دماغ کے امراض کے بگڑنے جیسے مسائل سامنے آ رہے ہیں۔ ماہرین نے خاص طور پر بچوں، دمے کے مریضوں، ضعیف افراد اور تمباکو نوشی کرنے والوں کے لیے باقاعدہ اسکریننگ اور احتیاطی تدابیر کی ضرورت پر زور دیا ہے۔ راہل گاندھی نے کہا کہ ہمارے بچوں کو صاف ہوا چاہیئے، بہانے نہیں۔ انہوں نے مودی حکومت سے فوری مداخلت کا مطالبہ کیا تاکہ دہلی کے شہریوں کو اس جان لیوا صورتحال سے نجات دلائی جا سکے۔
ذریعہ
ذریعہ: Islam Times
کلیدی لفظ: راہل گاندھی نے مطالبہ کیا انہوں نے کیا کہ
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار