معروف ڈانسر مہک ملک نے پی ایس ایل فیصل آباد کی ٹیم خرید لی؟
اشاعت کی تاریخ: 28th, November 2025 GMT
پاکستانی سوشل میڈیا پر گزشتہ چند دنوں سے یہ دعویٰ گردش کررہا ہے کہ معروف ٹرانس جینڈر ڈانسر اور ٹک ٹاک شخصیت مہک ملک نے پاکستان سپر لیگ (PSL) کی نئی فیصل آباد فرنچائز خرید لی ہے، اور وہ مبینہ طور پر پی ایس ایل ٹیم کی پہلی ٹرانس جینڈر مالک بن گئی ہیں۔
یہ خبر بڑی تعداد میں صارفین شیئر کر رہے ہیں اور کئی لوگ اسے ایک بڑی سماجی تبدیلی کے طور پر پیش کر رہے ہیں۔
آن لائن پوسٹس میں دعویٰ کیا جارہا ہے کہ مہک ملک نے فیصل آباد کی نئی پی ایس ایل ٹیم کے مالکانہ حقوق حاصل کرلیے ہیں۔ سوشل میڈیا صارفین کے مطابق مہک ملک اپنی ’شہرت اور نوجوانوں میں مقبولیت‘‘ کو فرنچائز میں لانا چاہتی ہیں، اور پی ایس ایل انتظامیہ اس پیش رفت کا خیرمقدم کر رہی ہے۔
کچھ پوسٹس میں یہ بھی دعویٰ کیا جا رہا ہے کہ مہک ملک کی ملکیت ’’پاکستان میں کھیلوں کے شعبے میں صنفی شمولیت کی بڑی مثال‘‘ ہوگی۔
View this post on Instagramلیکن فیکٹ چیک کے مطابق، ان تمام دعوؤں کی تاحال کوئی سرکاری تصدیق موجود نہیں۔ پاکستان سپر لیگ (PSL) کی جانب سے مہک ملک کے کسی فرنچائز خریدنے کا کوئی سرکاری اعلامیہ جاری نہیں ہوا۔ پاکستان کرکٹ بورڈ (PCB) کی طرف سے بھی اس طرح کی خبر کی تردید یا تصدیق نہیں کی گئی۔
دستیاب شواہد کے مطابق یہ دعوے صرف سوشل میڈیا افواہوں پر مبنی ہیں جن کے پیچھے کوئی قابلِ اعتماد ذریعہ نہیں۔
اصل سرکاری پیش رفت کیا تھی؟
پی سی بی نے حال ہی میں اعلان کیا تھا کہ پی ایس ایل 11 میں دو نئی ٹیمیں شامل ہوں گی، جس سے 2026 کے سیزن کےلیے ٹیموں کی کل تعداد چھ سے بڑھ کر آٹھ ہوجائے گی۔ پاکستان کرکٹ بورڈ نے توسیع کی تصدیق کرتے ہوئے بتایا کہ نئی فرنچائزز کی نیلامی 6 جنوری 2026 کو شیڈول ہے۔ دو نئی ٹیموں کا اضافہ لیگ کی ایک بڑی تنظیم نو ہے۔
کامیاب بولی دہندگان کو چھ شہروں کی شارٹ لسٹ میں سے ایک ٹیم کا نام اور شہر کا انتخاب کرنا ہوگا جن میں فیصل آباد، راولپنڈی، حیدر آباد، سیالکوٹ، مظفر آباد، اور گلگت شامل ہیں، اور ان دو نئی فرنچائزز کی نیلامی 6 جنوری 2026 کو ہوگی۔ یعنی ابھی تک نئی ٹیم کا نام اور نیلامی نہیں ہوئی ہے۔
فیکٹ چیک کے بعد ٹیم اس نتیجے پر پہنچی ہے کہ:
مہک ملک کے پی ایس ایل ٹیم کی مالک بننے کا دعویٰ غیرتصدیق شدہ ہے۔ پی ایس ایل یا پی سی بی نے اس سے متعلق کوئی سرکاری بیان جاری نہیں کیا۔ سوشل میڈیا پر گردش کرنے والی تمام پوسٹس کو افواہیں قرار دیا جا سکتا ہے جب تک ادارہ جاتی سطح پر کوئی معلومات جاری نہ کی جائیں۔پی ایس ایل سے متعلق اصل معلومات تک رسائی کےلیے پی سی بی اور پی ایس ایل کی آفیشل ویب سائٹ دیکھی جاسکتی ہے۔
.ذریعہ: Express News
کلیدی لفظ: سوشل میڈیا پی ایس ایل
پڑھیں:
ضمنی انتخابات: کس حلقے میں کتنا ووٹر ٹرن آؤٹ رہا؟ الیکشن کمیشن نے بتا دیا
—فائل فوٹوالیکشن کمیشن آف پاکستان نے قومی اسمبلی کی 6 اور صوبائی اسمبلی کی7 نشستوں پر ہوئے ضمنی انتخابات کے ووٹر ٹرن آؤٹ کے بارے میں بتا دیا۔
الیکشن کمیشن کے مطابق ضمنی انتخابات میں ووٹر ٹرن آؤٹ مجموعی طور پر 28.58 فیصد رہا، جبکہ این اے 18 ہری پورمیں ووٹر ٹرن آؤٹ 42.09 فیصد رہا۔
لاہور ضمنی انتخابات میں ن لیگ کی واضح برتری، قومی...
این اے 185 پر ووٹر ٹرن آؤٹ 32.61 فیصد، این اے 96 فیصل آباد میں 26.46 فیصد، این اے 143 ساہیوال میں 21.43 فیصد رہا۔
این اے 129 لاہور میں ووٹر ٹرن آؤٹ 18.67 فیصد، این اے 104 فیصل آباد میں 13.23 فیصد،پی پی 269 مظفر گڑھ میں 50.82 فیصد، پی پی 98 فیصل آباد میں 36.82 فیصد رہا۔
پی پی 73 سرگودھا میں ووٹر ٹرن آؤٹ 34.45 فیصد، پی پی 87 میانوالی میں 27 فیصد، پی پی 116 فیصل آباد میں 22.94 فیصد اور پی پی 203 ساہیوال میں 22.4 فیصد رہا۔
انسدادِ دہشت گردی عدالت نے یاسمین راشد کی ضمانت منظور کرلی