تنخواہ کو مہینے کے آخر تک لے جانے کے 20 مؤثر طریقے
اشاعت کی تاریخ: 28th, November 2025 GMT
data-id="863a0a8" data-element_type="widget" data-widget_type="theme-post-content.default">
پاکستان میں تنخواہ دار طبقے کے لیے ماہ کے اختتام پر مالی دباؤ ایک عام مسئلہ ہے، اکثر لوگ مہینے کی بیس تاریخ کے بعد اخراجات پورے کرنے کے لیے قرض لینے پر مجبور ہو جاتے ہیں۔
ماہرین معیشت کا کہنا ہے کہ یہ صرف معاشی دباؤ نہیں بلکہ مالی منصوبہ بندی میں کمی اور ترجیحات کی غلطی کا نتیجہ بھی ہے، ماہرین نے ایسی 20 حکمتِ عملی پیش کی ہیں جو تنخواہ کو پورے مہینے تک موثر انداز میں چلانے میں مددگار ثابت ہو سکتی ہیں۔
1۔ ماہانہ بجٹ کی تیاری
تنخواہ ملتے ہی سب سے پہلے ماہانہ بجٹ تیار کرنا ضروری ہے۔ آمدن کے مطابق ضروری اور غیر ضروری اخراجات کی تفصیل مرتب کر کے خرچ کو منظم کیا جا سکتا ہے۔
2۔ بچت کو ترجیح دیں
ہر مہینے اپنی آمدن کا 10 سے 15 فیصد حصہ سب سے پہلے بچت میں ڈالیں۔ یہ عادت مالی مشکلات سے بچانے اور مستقبل کے لیے سرمایہ بنانے میں مددگار ثابت ہوتی ہے۔
3۔ لفافہ سسٹم اپنائیں
روزمرہ اخراجات کے لیے مختلف لفافے رکھیں، جیسے راشن، بجلی، پانی، فون اور ٹرانسپورٹ۔ اس سے غیر ضروری خرچ پر قابو پایا جا سکتا ہے۔
4۔ غیر ضروری سبسکرپشنز ختم کریں
موبائل ڈیٹا پیکجز اور غیر ضروری سبسکرپشنز پر ہر ماہ 1000 سے 2000 روپے ضائع ہو جاتے ہیں۔ فوری غیر ضروری سبسکرپشنز بند کر دیں۔
5۔ مہینے کا بڑا راشن ایک بار خریدیں
روزانہ چھوٹی چھوٹی خریداری بجٹ پر برا اثر ڈالتی ہے۔ بڑی مقدار میں راشن خرید کر مہینے بھر کے لیے ضروری سامان محفوظ کیا جا سکتا ہے۔
6۔ گھر کا کھانا دفتر لے جائیں
دفتر میں روزانہ کھانے، چائے اور اسنیکس پر ہونے والا خرچ ماہانہ بجٹ کو متاثر کرتا ہے۔ گھر سے تیار کھانا لے جانا بجٹ بچانے کا بہترین طریقہ ہے۔
7۔ غیر ضروری تقریبات میں کمی کریں
بار بار کی دعوتوں، تحائف اور دیگر سوشل تقریبات میں شرکت مالی دباؤ بڑھا دیتی ہے۔ ضروری اور اہم تقریبات تک محدود رہیں۔
8۔ سستی ٹرانسپورٹ استعمال کریں
پبلک ٹرانسپورٹ، بائیک شیئرنگ یا کار پولنگ کا استعمال سفر کے اخراجات کو نمایاں طور پر کم کر سکتا ہے۔
9۔ قسطوں پر خریداری سے گریز کریں
قسطوں پر اشیاء خریدنا وقتی سہولت فراہم کرتا ہے لیکن طویل مدت میں مالی دباؤ بڑھاتا ہے۔ ممکن ہو تو نقد خریداری کریں۔
10۔ کریڈٹ کارڈ استعمال میں محتاط رہیں
کریڈٹ کارڈ آسان خرچ کی سہولت دیتا ہے مگر ادائیگی میں تاخیر سے سود اور مالی مشکلات پیدا ہو سکتی ہیں۔
11۔ گھر میں بجلی کی بچت
غیر ضروری لائٹس، پنکھے اور اے سی بند رکھنا بجلی کے بل کو کم کرنے کا مؤثر طریقہ ہے۔
12۔ بچوں کے غیر ضروری اسکول اخراجات محدود کریں
مہنگے بیگز، جوتے اور اضافی سرگرمیاں بجٹ پر بوجھ ڈالتی ہیں۔ صرف ضروری اشیاء پر خرچ کریں۔
13۔ جمعہ بازار یا ہول سیل سے سبزی و فروٹ خریدیں
ہول سیل مارکیٹ میں قیمتیں عام دکانوں سے 30 سے 40 فیصد کم ہوتی ہیں، اس سے ماہانہ خرچ کم کیا جا سکتا ہے۔
14۔ آن لائن خریداری میں احتیاط
آن لائن سیلز پر ہر خریداری ضروری نہیں۔ غیر ضروری چیزیں صرف عارضی دل بہلانے کے لیے نہیں خریدنی چاہئیں۔
15۔ مہینے میں ایک بڑی تفریح
صرف ایک مرتبہ باہر کھانا یا تفریح کی اجازت دیں۔ بار بار عیاشی بجٹ پر برا اثر ڈالتی ہے۔
16۔ جنیرک برانڈز استعمال کریں
دوائیوں میں جنیرک برانڈز سستے اور معیاری ہوتے ہیں۔ اس سے 30 سے 60 فیصد تک رقم بچائی جا سکتی ہے۔
17۔ روزانہ اخراجات کا ریکارڈ رکھیں
موبائل ایپ میں روزانہ اخراجات لکھنے سے غیر ضروری خرچ خود بخود کم ہو جاتا ہے۔
18۔ غیر ضروری عادات ترک کریں
سگریٹ، پان، گٹکا اور غیر ضروری چائے کے استعمال سے بچیں۔ یہ صحت اور جیب دونوں پر بوجھ ڈالتی ہیں۔
19۔ اضافی آمدن کے ذرائع تلاش کریں
چھوٹے ہنر جیسے فری لانسنگ، ٹفن سروس، ٹیوشن یا ویڈیو ایڈیٹنگ سے ماہانہ آمدن بڑھائی جا سکتی ہے۔
20۔ گھر میں بجٹ میٹنگ کریں
گھر کے تمام افراد کے ساتھ بجٹ پر تبادلہ خیال مالی فیصلے بہتر بنانے اور اخراجات 15 سے 25 فیصد تک کم کرنے میں مددگار ہے۔
ماہرین معیشت کا کہنا ہے کہ اگر تنخواہ دار طبقہ ان اصولوں پر مستقل مزاجی سے عمل کرے تو مہینے کے آخر میں مالی تنگی سے نجات حاصل کی جا سکتی ہے اور بہتر مالی مستقبل کی بنیاد رکھی جا سکتی ہے۔
ذریعہ: Jasarat News
کلیدی لفظ: جا سکتی ہے جا سکتا ہے کے لیے
پڑھیں:
وزیراعظم نے تنخواہ دار طبقے پر ٹیکس ریٹ کم کرنے کی ہدایت جاری کردی
وزیراعظم نے تنخواہ دار طبقے پر ٹیکس ریٹ کم کرنے کی ہدایت جاری کردی WhatsAppFacebookTwitter 0 28 November, 2025 سب نیوز
سلام آباد (آئی پی ایس )چیئرمین فیڈرل بورڈ آف ریونیو راشد محمود لنگڑیال نے کہا ہے کہ وزیراعظم شہباز شریف نے تنخواہ دار طبقے پر ٹیکس کا ریٹ کم کرنے کی ہدایت جاری کر دی ہے۔اسلام آباد میں پاکستان بزنس کونسل کے سیمینار سے خطاب کرتے ہوئے چیئرمین ایف بی آر راشد محمود لنگڑیال نے کہا کہ وزیراعظم نے تنخواہ دار طبقے پر تیکس ریٹ کم کرنے کی ہدایت کی، جس کے بعد آئندہ مالی سال کے بجٹ میں تنخواہ دار طبقے کی ٹیکس رعایت کے لیے باقاعدہ کام کا آغاز کر دیا گیا ہے۔
راشد محمود لنگڑیال نے کہا کہ وزیراعظم نے بڑی کمپنیوں پر عائد سپر ٹیکس میں کمی کی بھی ہدایت دی ہے جس پر عمل درآمد کے لیے حکومتی سطح پر مشاورت شروع ہو چکی ہے۔انہوں نے کہا کہ وفاقی حکومت آئندہ مرحلوں میں بڑی کمپنیوں اور کاروبار پر سپر ٹیکس مرحلہ وار کم کرنے اور آخرکار ختم کرنے پر آمادہ ہے۔ان کا کہنا تھا کہ سپر ٹیکس میں ممکنہ کمی اور خاتمے کے حوالے سے عالمی مالیاتی ادارہ (آئی ایم ایف) سے بات چیت بھی کی جائے گی، سپر ٹیکس ختم کرنے کا مقصد ملک میں سرمایہ کاری کو فروغ دینا ہے۔
چیئرمین ایف بی آر نے وضاحت کی کہ ٹیکس ریٹ میں کمی کا براہ راست انحصار ٹیکس کمپلائنس اور ٹیکس دہندگان کی تعداد میں اضافے پر ہوگا، ملک میں ٹیکس دینے والوں کی تعداد جتنی بڑھے گی، ٹیکس ریٹ اتنا ہی کم کیا جا سکے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپنجاب اسمبلی میں نومنتخب ارکان نے اپنے عہدوں کا حلف اٹھا لیا پنجاب اسمبلی میں نومنتخب ارکان نے اپنے عہدوں کا حلف اٹھا لیا وفاقی ترقیاتی ادارے میں تقرر و تبادلے،متعدد افسران کو اضافی چارج مل گئے عوام کے لیے خوشی کی خبر، پیٹرولیم مصنوعات کی قیمتوں میں بڑی کمی کا امکان فافن نے 23 نومبر کو ہونے والے ضمنی انتخابات مجموعی طور پر بہتر قرار دے دیئے، رپورٹ جاری وفاقی آئینی عدالت نے صحافی ارشد شریف قتل کیس مقرر کردیا عمران خان کی صحت پر تشویش ہے، علیمہ خان کا محکمہ داخلہ اور آئی جی جیل خانہ جات پنجاب کو خطCopyright © 2025, All Rights Reserved
رابطہ کریں ہماری ٹیم
ہائیکورٹس میں تعینات ایڈیشنل ججوں کی مستقلی کیلئے جوڈیشل کمیشن کا اجلاس طلب