ورلڈ کلچر فیسٹیول میں شرکت کے لیے پہلی بار سعودی فنکاروں کی پاکستان آمد
اشاعت کی تاریخ: 16th, October 2025 GMT
پاکستان پہلی بار سعودی عرب کے فنکاروں کی میزبانی کرے گا جو ورلڈ کلچر فیسٹیول میں شرکت کے لیے کراچی پہنچیں گے۔
یہ میلہ 31 اکتوبر سے 7 دسمبر تک جاری رہے گا اور آرٹس کونسل آف پاکستان کے مطابق اسے دنیا کا سب سے بڑا ثقافتی فیسٹیول قرار دیا جا رہا ہے۔
141 ممالک کے فنکاروں کی شرکتفیسٹیول میں 141 ممالک کے فنکار شرکت کریں گے جن میں 37 افریقہ، 41 ایشیا، 36 یورپ، 13 شمالی امریکا، 11 جنوبی امریکا اور 3 اوشیانا سے ہوں گے۔
یہ بھی پڑھیں:سعودی عرب میں لیبر اصلاحات: غیرملکی محنت کشوں کے لیے نئے دور کا آغاز
یہ 7 ہفتوں پر مشتمل میلہ 45 تھیٹر پرفارمنسز، 60 میوزک شوز، 25 ڈانس نمائشوں، 6 آرٹ ایکزیبیشنز، 25 ورکشاپس اور 15 مباحثوں پر مشتمل ہوگا۔
محمد احمد شاہ کا بیان، ثقافتی ہم آہنگی کا پیغامآرٹس کونسل آف پاکستان کے صدر محمد احمد شاہ نے عرب نیوز سے گفتگو میں کہا کہ اس سال مشرقِ وسطیٰ کے مختلف ممالک کے ثقافتی گروپ بھی حصہ لے رہے ہیں۔
ہم سعودی ولی عہد محمد بن سلمان کے آرٹ اور کلچر کے فروغ کے لیے کیے گئے اقدامات کے شکر گزار ہیں۔
انہوں نے مزید کہا کہ مستقبل میں پاکستان اور سعودی عرب کے درمیان ثقافتی تعلقات کو مزید مضبوط کیا جائے گا۔
امن اور بین الثقافتی مفاہمت کا فروغکراچی میں پریس کانفرنس کے دوران محمد احمد شاہ نے کہا کہ فیسٹیول کا مقصد امن، برداشت اور بین الثقافتی ہم آہنگی کو فروغ دینا ہے۔
یہ بھی پڑھیں:سعودی عرب میں ریلوے سفر میں 41 فیصد اضافہ، محکمہ شماریات
ان کے مطابق تنازعہ زدہ خطوں سے تعلق رکھنے والے فنکار بھی اس میلے میں شرکت کریں گے تاکہ دنیا پاکستان کا پرامن چہرہ دیکھ سکے۔
ریکارڈ توڑ دلچسپی، 2800 سے زائد فلمیں موصولانہوں نے بتایا کہ فیسٹیول کے لیے دنیا بھر سے 2800 سے زائد فلمیں موصول ہو چکی ہیں، جو کسی بھی عالمی فیسٹیول کے مقابلے میں ایک نیا ریکارڈ ہے۔
ان کے مطابق بھارت اور اسرائیل کے فلم سازوں نے بھی فیسٹیول میں شرکت کے لیے رابطہ کیا تھا۔
سندھ حکومت کی معاونت اور پاکستانی فلموں کی شمولیتمحمد احمد شاہ نے سندھ انتظامیہ کی معاونت کو سراہتے ہوئے کہا کہ فیسٹیول میں پاکستانی فلمیں بھی بین الاقوامی اندراجات کے ساتھ نمائش کے لیے پیش کی جائیں گی۔
یہ ایونٹ نہ صرف پاکستان کے ثقافتی تنوع کو اجاگر کرے گا بلکہ عالمی سطح پر ملک کے پرامن اور تخلیقی تشخص کو بھی نمایاں کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان سعودی عرب سعودی فنکار کراچی آرٹس کونسل محمد احمد شاہ.
ذریعہ
ذریعہ: WE News
کلیدی لفظ: پاکستان سعودی فنکار کراچی ا رٹس کونسل محمد احمد شاہ محمد احمد شاہ فیسٹیول میں میں شرکت کہا کہ کے لیے
پڑھیں:
تاریخ میں پہلی بار پاکستان کے دو پروجیکٹ اقوام متحدہ کی سطح پر شارٹ لسٹ
وزیر اطلاعات پنجاب عظمیٰ بخاری۔فوٹو: فائلوزیر اطلاعات پنجاب عظمیٰ بخاری کا کہنا ہے کہ تاریخ میں پہلی بار پاکستان کے دو پروجیکٹ اقوام متحدہ کی سطح پر شارٹ لسٹ ہوئے، ورلڈ سمٹ آن دی انفارمیشن سوسائٹی (ڈبلیو ایس آئی ایس) میں دو منصوبوں کی شارٹ لسٹنگ کے ساتھ دنیا کا واحد ملک بن گیا۔
عظمیٰ بخاری نے کہا کہ اقوامِ متحدہ ڈبلیو ایس آئی ایس پرائز 2026 میں پنجاب کا ورچوئل سینٹر فار چائلڈ سیفٹی میرا پیارا عالمی چیمپئن پروجیکٹ قرار پایا، ورچوئل سینٹر فار چائلڈ سیفٹی ’’میرا پیارا‘‘ پروجیکٹ دنیا کے ٹاپ فائیو میں شامل ہوگیا۔
صوبائی وزیر نے کہا کہ پنجاب حکومت کا ورچوئل ویمن پولیس اسٹیشن بھی دنیا بھر کے ٹاپ 20 پروجیکٹس میں شارٹ لسٹ ہوگیا، ورچوئل سینٹر فار چائلڈ سیفٹی کی بدولت 77 ہزار سے زائد گمشدہ بچے بازیاب، ماؤں کی گودیں ہری ہو گئیں، حکومت نے 3 ہزار اسپیشل (معذور) بچوں کو بھی تلاش کر کے خاندانوں سے ملوایا، بدسلوکی، آن لائن استحصال اور کمزور بچوں کے تحفظ کے ہزاروں کیسز حل کیے گئے۔
عظمیٰ بخاری نے کہا کہ پنجاب میں اب تک مختلف کیٹیگریز کے 1,45,772 کیسز رپورٹ، 1,36,157 کیسز کو کامیابی سے حل کیا گیا، رپورٹ ہونے والے مقدمات میں سے 26,274 ایف آئی آرز رجسٹرڈ،7,081 چالان عدالتوں میں جمع کروا دیے گئے۔
صوبائی وزیر نے مزید بتایا کہ گمشدہ اور اغوا ہونے والے 54,741 بچوں میں سے 53,811 بچوں کو کامیابی سے تلاش کر کے اہلخانہ سے ملا دیا گیا، ریسکیو ٹیموں کی کارروائی کے نتیجے میں 22,989 بچے ملے، 21,178 کو خاندانوں کے سپرد کیا گیا، اس وقت سسٹم میں 930 بچے لاپتہ اور 1,811 بچے تاحال غیر شناخت شدہ ہیں۔
وزیر اطلاعات پنجاب نے کہا کہ بچوں پر تشدد اور ابیوز کے 15,447 کیسز رپورٹ ہوئے، 5,075 ایف آئی آرز درج کی گئیں، چائلڈ ابیوز کیسز میں 3,830 ملزمان کو گرفتار کر کے 4,168 مقدمات کے چالان عدالتوں میں جمع کروائے جا چکے ہیں، بچوں کے خلاف آن لائن اور ڈیجیٹل ابیوز کے 191 کیسز سامنے آئے، 14 ایف آئی آرز درج اور 5 ملزمان کو گرفتار کیا گیا۔
عظمیٰ بخاری نے کہا کہ خصوصی افراد کے مجموعی طور پر 4,377 کیسز رپورٹ ہوئے، 2,984 افراد کو بازیاب کروا کے خاندانوں سے ملایا گیا، خصوصی افراد کے تحفظ کو یقینی بنانے کے لیے پولیس نے اب تک 646 ایف آئی آرز درج کیں، چائلڈ پروٹیکشن بیورو میں 251 اور دارالامان میں 14 متاثرہ افراد کو فوری پناہ اور حکومتی سرپرستی فراہم کی گئی۔
انہوں نے کہا کہ وزیر اعلیٰ پنجاب مریم نواز نے میرا پیارا یو این گلوبل چیمپئن قرار دیے جانے پر اظہار تشکر کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ