پنجاب میں فضائی آلودگی شدید، کھلی فضا میں سانس لینا خطرناک
اشاعت کی تاریخ: 26th, October 2025 GMT
لاہور اور پنجاب کے وسطی علاقوں میں فضائی آلودگی میں اضافہ ہوگیا ہے، جس کی وجہ سے کھلی فضا میں سانس لینا شہریوں کے لیے خطرہ بن گیا ہے۔
لاہور کے راوی روڈ علاقے میں صبح کے اوقات میں ائیر کوالٹی انڈیکس (AQI) 810 تک پہنچ گیا، جبکہ شہر میں اوسط AQI 367 پارٹیکولیٹ میٹرز ریکارڈ کیا گیا۔ گوجرانوالہ میں 627 اور فیصل آباد میں 434 AQI درج ہوا۔
ماہرین شہریوں کو ماسک پہننے کی ہدایت کر رہے ہیں۔ محکمہ تحفظ ماحولیات کا کہنا ہے کہ ہوا کے کم دباؤ والے زونز اور سرحد پار سے آنے والی آلودگی اسموگ میں اضافے کی بڑی وجہ ہیں۔ ترجمان نے بتایا کہ بھارتی پنجاب سے آلودہ ہواؤں کی آمد سے لاہور اور وسطی پنجاب کی فضاء متاثر ہو رہی ہے، اور اسموگ کے اثرات لاہور، قصور، شیخوپورہ اور گوجرانوالہ میں واضح ہیں۔
ترجمان کے مطابق رات اور صبح کے اوقات میں نمی 95 سے 100 فیصد تک پہنچنے کی وجہ سے فضائی آلودگی میں اضافہ ہوتا ہے، اور جنوبی پنجاب و بھارتی پنجاب سے آنے والے دھوئیں اور گرد ذرات لاہور کی فضاء کو مسلسل متاثر کر رہے ہیں۔
زرعی علاقوں میں فصلوں کی کھلی آگ جلانے سے بچنے کے لیے مساجد اور دیہات میں آگاہی مہم چلائی جا رہی ہے، اور کسانوں کو بھی احتیاط کی ہدایت دی جا رہی ہے۔
لاہور کے زیادہ آلودگی والے علاقوں میں اسموگ گنز کے ذریعے فضاء میں برسات جیسا اثر پیدا کیا جا رہا ہے، جس سے فوری طور پر آلودگی میں کمی لائی جا رہی ہے۔ محکمہ تحفظ ماحولیات کا کہنا ہے کہ آئندہ 48 گھنٹوں میں فضائی آلودگی کی شدت میں کمی متوقع ہے۔
ذریعہ
ذریعہ: Daily Mumtaz
کلیدی لفظ: فضائی ا لودگی رہی ہے
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار