بلوچستان: بھاگ ناڑی میں مسلح افراد کا تھانے پر حملہ، انسپکٹر شہید، دیگر اہلکاروں کو یرغمال بنا لیا
اشاعت کی تاریخ: 27th, October 2025 GMT
بلوچستان کے شہر بھاگ ناڑی میں مسلح افراد نے لیویز تھانے پر حملہ کر کے اُسے آگ لگا دی ہے جبکہ تھانے میں موجود اہلکاروں کو بھی یرغمال بنا لیا ہے۔
نجی ٹی وی کے مطابق ضلعی انتظامیہ کے ذرائع نے بتایا کہ مسلح افراد کے تھانے پر حملے کے دوران اہلکاروں اور دہشت گردوں کے درمیان فائرنگ کا تبادلہ بھی ہوا، جس کے نتیجے میں انسپکٹر لطف علی کھوسہ شہید ہو گئے ہیں۔
ذرائع کے مطابق حملہ آوروں نے قریب ہی قائم بینک میں بھی توڑ پھوڑ کی اور شہر میں گشت کیا۔
ذرائع نے مزید بتایا کہ مسلح افراد کی شہر میں موجودگی کے بعد سیکیورٹی فورسز کی بھاری نفری نے علاقے کو گھیرے میں لے لیا ہے۔
.ذریعہ: Daily Mumtaz
کلیدی لفظ: مسلح افراد
پڑھیں:
پی ٹی آئی سینیٹر خرم ذیشان کے گھر پر نامعلوم افراد کا حملہ، فائرنگ سے ایک شخص زخمی
پشاور کے علاقے حیات آباد میں منگل کی صبح نامعلوم افراد نے پاکستان تحریکِ انصاف کے سینیٹر خرم ذیشان کے سسرالی گھر پر فائرنگ کردی، جس کے نتیجے میں گھر کا ایک ملازم زخمی ہوگیا۔
خرم ذیشان نے گزشتہ اکتوبر میں خیبر پختونخوا سے جنرل سیٹ پر سینیٹر کا انتخاب جیتا تھا، یہ سیٹ شبلی فراز کی نااہلی کے باعث خالی ہوئی تھی۔
تحریک انصاف کے سینیٹر خرم ذیشان کے گھر پر گزشتہ رات فائرنگ کے بعد کے مناظر pic.twitter.com/4VK2nStNtU
— Muhammad Umair (@MohUmair87) December 9, 2025
تتارہ تھانے میں درج ایف آئی آر میں بتایا گیا ہے کہ واقعہ قریباً صبح ساڑھے 3 بجے پیش آیا، جب حملہ آوروں نے حیات آباد فیز ٹو میں موجود گھر کو نشانہ بنایا۔
پولیس کے مطابق سینیٹر کے برادر نسبتی سید اظہر حسین بخاری نے بیان دیا کہ وہ اس وقت گھر پر موجود تھے جب فائرنگ ہوئی۔ ان کے مطابق گھر میں کام کرنے والے ابرار احمد کو گولی لگی جس سے وہ زخمی ہوگیا۔
پی ٹی آئی خیبر پختونخوا کے ترجمان اکرام کھٹانہ نے واقعے کی تصدیق کرتے ہوئے کہاکہ حملے کے وقت خرم ذیشان گھر پر موجود نہیں تھے۔
ان کا کہنا تھا کہ حملہ آور پہلے گھر والوں کو دروازہ کھولنے پر آمادہ کرنے کی کوشش کرتے رہے اور ناکامی پر فائرنگ شروع کر دی۔
سینیٹر خرم ذیشان نے تاحال اس حوالے سے کوئی ردِعمل نہیں دیا۔
واضح رہے کہ گزشتہ ماہ بھی پی ٹی آئی کے ایم پی اے انور زیب خان کے گھر پر خارشگان تحصیل میں مبینہ کواڈ کاپٹر حملہ ہوا تھا، جس میں ان کا ایک پرائیویٹ سیکیورٹی گارڈ زخمی ہوگیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پی ٹی آئی سینیٹر خرم ذیشان زخمی فائرنگ نامعلوم افراد وی نیوز
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر