انسٹاگرام کے نئے حفاظتی فیچرز والدین کیلیے ایک خوش آئند پیش رفت ہیں، بلاول بھٹو
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد:۔ پاکستان پیپلزپارٹی کے چیئرمین بلاول بھٹو زرداری سے میٹا پلیٹ فارم انکارپوریشن کے وسطی و جنوبی ایشیا کے پبلک پالیسی ڈائریکٹر صارم عزیز کی قیادت میں وفد نے زرداری ہائوس اسلام آباد میں ملاقات کی۔ ملاقات کے دوران وفد نے چیئرمین بلاول بھٹو زرداری کو میٹا اے آئی (Meta AI) کے حوالے سے تفصیلی بریفنگ دی۔
وفد نے انسٹاگرام کے نئے ٹین اکائونٹس فیچر پر بھی روشنی ڈالی، جس کا مقصد کم عمر صارفین کو ایک محفوظ ڈیجیٹل ماحول فراہم کرنا ہے۔ بریفنگ میں بتایا گیا کہ بچوں کے لیے انسٹاگرام اکائونٹس میں پیغامات بھیجنے پر پابندیاں ہوں گی، نامناسب الفاظ خودکار طور پر فلٹر ہوجائیں گے اور وقت کی حد مقرر کی گئی ہے، ایک گھنٹے کے استعمال کے بعد ایپ بند ہونے کا پیغام ظاہر ہوگا۔
میٹا کے وفد اور چیئرمین بلاول بھٹو زرداری کے درمیان اے آئی سے متعلق قانون سازی پر تجاویز کا بھی تبادلہ ہوا۔ بلاول بھٹو زرداری نے کہا کہ پاکستان کی نوجوان نسل مصنوعی ذہانت (AI) کے ذریعے آنے والی تبدیلیوں کو ذمہ داری سے قبول کررہی ہے اور پاکستانی نوجوان ڈیجیٹل عہد کا سامنا کرنے کے لیے مکمل طور پر تیار ہیں۔
بلاول بھٹو زرداری نے کہا کہ انسٹاگرام کے نئے حفاظتی فیچرز والدین کے لیے ایک خوش آئند پیش رفت ہیں جو اپنے بچوں کی آن لائن تربیت اور تحفظ کے بارے میں فکرمند رہتے ہیں۔
ذریعہ: Jasarat News
کلیدی لفظ: بلاول بھٹو زرداری
پڑھیں:
بلاول بھٹو، فضل الرحمان کی قومی اسمبلی میں اپوزیشن لیڈر کے معاملے پر بیٹھک
فوٹو: سوشل مڈیاچیئرمین پاکستان پیپلز پارٹی بلاول بھٹو زرداری اور جمعیت علماء اسلام کے سربراہ مولانا فضل الرحمان قومی اسمبلی کی اپوزیشن لیڈر کے معاملے پر بیٹھک ہوئی۔
اسلام آباد میں بلاول بھٹو زرداری نے مولانا فضل الرحمان سے اُن کی رہائش گاہ پر ملاقات کی ہے، اس موقع پر نیئر بخاری، جمیل سومرو، ہمایوں خان اور مولانا اسعد محمود موجود تھے۔
ذرائع کے مطابق بلاول بھٹو اور فضل الرحمان کی ملاقات میں قومی اسمبلی میں اپوزیشن لیڈر کی تقرری کا معاملہ زیر بحث آیا ہے۔
اس دوران اپوزیشن کی عددی حیثیت سے متعلقہ امور پر مشاورت ہوئی، بلاول بھٹو اپوزیشن لیڈر کی تقرری کے معاملے پر مولانا فضل الرحمان کے ساتھ اتحاد کے خواہاں ہیں۔
پیپلز پارٹی کے قومی اسمبلی میں 74 ارکان ہیں، جے یوآئی 6 جنرل نشستوں سمیت 10 ممبران کے ساتھ ایوان میں موجود ہے۔
پی ٹی آئی کی جانب سے محمود اچکزئی کی نامزدگی پر 74 ارکان نے دستخط کیے ہیں اور درخواست اسمبلی سیکریٹریٹ میں جمع کروا دی ہے۔
مریم نواز کا لندن ہائیکورٹ میں مقدمہ جیتنے پر چینل نے معافی مانگ لی