سعودی عرب کی جدید ایف 35 لڑاکا طیارے خریدنے کی درخواست پینٹاگون نے منظور کر لی
اشاعت کی تاریخ: 5th, November 2025 GMT
data-id="863a0a8" data-element_type="widget" data-widget_type="theme-post-content.default">
سعودی عرب کی ایف-35 جنگی طیاروں کی خریداری کی درخواست پینٹاگون کے ایک اہم مرحلے سے کامیابی کے ساتھ گزر گئی ہے اور اب یہ معاملہ مزید منظوری کے مراحل میں داخل ہو گیا ہے۔
بین الاقوامی خبر رساں ادارے کے مطابق سعودی عرب نے امریکہ سے 48 جدید ایف-35 طیارے خریدنے کی درخواست دی ہے، جو اربوں ڈالر مالیت کے ممکنہ دفاعی معاہدے میں تبدیل ہو سکتی ہے۔
یہ سودہ مشرق وسطیٰ میں فوجی طاقت کے توازن پر گہرا اثر ڈال سکتا ہے اور اسرائیل کی روایتی فوجی برتری کے حوالے سے واشنگٹن کے مؤقف کو چیلنج کر سکتا ہے۔
ذرائع کے مطابق سعودی عرب نے رواں سال کے آغاز میں امریکی صدر ڈونلڈ ٹرمپ سے براہ راست ان طیاروں کی فراہمی کی درخواست کی تھی۔ یہ جدید جنگی طیارے امریکی کمپنی لاک ہیڈ مارٹن تیار کرتی ہے۔
پینٹاگون اس وقت اس مجوزہ فروخت پر غور کر رہا ہے اور ابھی حتمی فیصلہ نہیں کیا گیا۔ اس سے پہلے معاہدے کی منظوری کے لیے مزید مراحل طے کرنا ہوں گے جن میں کابینہ کی منظوری، صدر کی حتمی اجازت اور کانگریس کو باضابطہ اطلاع دینا شامل ہے۔
ذرائع کے مطابق پینٹاگون کئی ماہ سے اس منصوبے پر کام کر رہا ہے، اور معاملہ اب دفاعی سیکریٹری کی سطح پر پہنچ چکا ہے۔
ابھی تک اس سودے کی مالیت اور تفصیلات عوام کے سامنے نہیں لائی گئیں۔
لاک ہیڈ مارٹن کے ترجمان کے مطابق، بین الحکومتی فوجی سودے حکومتوں کے درمیان طے پاتے ہیں، اس لیے اس بارے میں واشنگٹن ہی بہتر طور پر وضاحت کر سکتا ہے۔
ذریعہ
ذریعہ: Jasarat News
کلیدی لفظ: کی درخواست کے مطابق
پڑھیں:
نیتن یاہو کا لبنان میں فوجی کارروائیاں مزید تیز کرنے کا اعلان
تل ابیب: اسرائیلی وزیر اعظم نیتن یاہو نے لبنان میں فوجی کارروائیوں کو مزید وسعت دینے کا اعلان کرتے ہوئے اسرائیلی فوج کو اپنی موجودگی اور آپریشنز بڑھانے کی ہدایت جاری کر دی۔
غیر ملکی خبر رساں ایجنسی کے مطابق اسرائیلی وزیر اعظم نیتن یاہو نے کہا ہے کہ بیوفورٹ قلعے پر قبضہ ایک “ڈرامائی قدم” اور اسرائیلی پالیسی میں بڑی تبدیلی کی علامت ہے۔
انہوں نے کہا کہ اسرائیل غزہ، مصر اور لبنان سمیت مختلف محاذوں پر سرگرم ہے۔ اور سرحدوں سے باہر سیکیورٹی زونز قائم کیے جا رہے ہیں تاکہ اسرائیلی آبادی کو تحفظ فراہم کیا جا سکے۔
نیتن یاہو نے کہا کہ اسرائیلی فوج کو ہدایت دی گئی ہے کہ لبنان میں اپنی موجودگی کو مزید مضبوط اور وسیع کیا جائے۔ خصوصاً ان علاقوں میں جہاں ماضی میں حزب اللہ کا اثر و رسوخ رہا ہے۔
اسرائیلی وزیر اعظم نے دعویٰ کیا ہے کہ اکتوبر 2023 سے اب تک حزب اللہ کے 8 ہزار جنگجو مارے جا چکے ہیں۔
دوسری جانب رپورٹس کے مطابق جنگ بندی کے بعد سے اب تک متعدد اسرائیلی ہلاکتیں بھی سامنے آئی ہیں، جن میں حالیہ ڈرون حملے میں مارا گیا ایک فوجی بھی شامل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ