وزیراعلیٰ سندھ: پہلا ای چالان معاف، دوبارہ خلاف ورزی پر جرمانہ لازمی
اشاعت کی تاریخ: 30th, October 2025 GMT
وزیراعلیٰ سندھ مراد علی شاہ نے کہا ہے کہ ای چالان سسٹم کے تحت پہلے چالان کو معاف کیا جائے گا، لیکن ٹریفک قوانین کی دوبارہ خلاف ورزی کرنے والوں کو جرمانہ ادا کرنا ہوگا۔
جیو نیوز کے مطابق وزیراعلیٰ سندھ سے آئی جی سندھ غلام نبی میمن نے ملاقات کی، جس میں آئی جی نے ٹریفک قوانین کی خلاف ورزیوں پر تفصیلی رپورٹ پیش کی۔ رپورٹ کے مطابق ای ٹکٹنگ سسٹم کے ذریعے 35 سرکاری گاڑیوں کے چالان کیے گئے، جن میں سیٹ بیلٹ نہ باندھنے، ریڈ لائیٹ کی خلاف ورزی، ٹینٹڈ گلاس کے استعمال اور موبائل فون کے غلط استعمال کے معاملات شامل تھے۔
وزیراعلیٰ نے کہا کہ ٹریفک قوانین کی پاسداری سب کی ذمہ داری ہے اور شہریوں کی حفاظت کے لیے ضروری ہے۔ انہوں نے ہدایت دی کہ پہلے چالان کو معاف کیا جائے، لیکن دوبارہ خلاف ورزی کرنے والے کو جرمانہ ادا کرنا ہوگا۔
آئی جی سندھ نے وضاحت کی کہ پہلے چالان کی صورت میں 10 دن کے اندر رابطہ کرنے پر فیس معاف کی جا سکتی ہے۔ رپورٹ میں بتایا گیا کہ 28 اکتوبر کو لیاری ایکسپریس وے پر پولیس گاڑی SPE-950 کا پہلا چالان سیٹ بیلٹ نہ باندھنے پر ہوا۔
وزیراعلیٰ سندھ نے مزید کہا کہ سندھ پولیس کا جدید ای ٹکٹنگ سسٹم مؤثر ثابت ہو رہا ہے، اور قانون سب کے لیے یکساں ہے۔ انہوں نے شہریوں اور پولیس دونوں پر زور دیا کہ قانون کی پاسداری یقینی بنائی جائے۔
ذریعہ
ذریعہ: Daily Mumtaz
کلیدی لفظ: خلاف ورزی
پڑھیں:
کراچی: کیماڑی سے اغواء 7 سالہ بچی کیساتھ قتل سے پہلے زیادتی کی تصدیق
— فائل فوٹوکراچی کے علاقے کیماڑی کے قریب جھاڑیوں سے ملنے والی 7 سالہ بچی کی لاش کی پوسٹ مارٹم رپورٹ سامنے آ گئی۔
پولیس سرجن ڈاکٹر سمیعہ کے مطابق پوسٹ مارٹم میں بچی سے زیادتی کے شواہد ملے ہیں، بچی کو تشدد کا نشانہ بھی بنایا گیا تھا۔
انہوں نے بتایا ہے کہ موت کی وجہ جاننے کے لیے مختلف اعضاء کے نمونے لیب بھجوا دیے ہیں۔
یہ بھی پڑھیے بابا بھٹ جزیرے سے اغواء 7 سالہ بچی زیادتی کے بعد قتل، ملزم مقابلے میں ہلاکپولیس کے مطابق بچی کے قتل میں ملوث مبینہ ملزم پولیس مقابلے میں گزشتہ روز مارا گیا۔
پولیس نے بتایا ہے کہ بچی کی لاش ملنے کے بعد حاصل کی گئی سی سی ٹی وی ویڈیو میں ملزم کو دیکھا گیا تھا۔
سی سی ٹی وی ویڈیو میں ملزم کو بورا اٹھائے جیٹی سے آتے اور جاتے دیکھا گیا تھا۔
اس حوالے سے ڈی آئی جی ساؤتھ کا کہنا ہے کہ اگر کوئی اور شخص بھی واقعے میں ملوث ہوا تو اس کے خلاف بھی کارروائی کی جائے گی۔
بھارت سے جنگ اور افغانستان میں کارروائی خارج ازامکان نہیں، وزیردفاع