وزیر خزانہ محمد اورنگزیب کے اصلاحاتی عزم اور نجی شعبے پر اعتماد کا خیز مقدم
اشاعت کی تاریخ: 25th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی(بزنس رپورٹر)پاکستان بزنس مین اینڈ انٹلیکچوئلزفورم اورآل کراچی انڈسٹریل الائنس کے صدر، نیشنل بزنس گروپ پاکستان اورایف پی سی سی آئی کی پالیسی ایڈوائزری بورڈ کے چیئرمین اورسابق صوبائی وزیرمیاں زاہد حسین نے وفاقی وزیرِخزانہ جناب محمد اورنگزیب خان کے حالیہ انٹرویوکوسراہا ہے۔ انہوں نے کاروباری برادری سے بات چیت کرتے ہوئے کہا کہ وزیرِخزانہ کی واضح، دو ٹوک معاشی حکمتِ عملی اورنجی شعبے پرمبنی ترقی کے وڑن سے کاروباری برادری کواطمینان حاصل ہوا ہے۔اس وڑن کے مطابق نجی شعبے کا ملک کی معاشی ترقی میں کلیدی کردار ہے۔میاں زاہد حسین نے کہا کہ وزیرِخزانہ کا یہ بیان کہ “نجی شعبہ معیشت کا انجن ہے، جبکہ حکومت کا کردار اسکو سہولت فراہم کرنا ہے”۔ یہ وہ مؤقف ہے جس کی کاروباری برادری طویل عرصے سے وکالت کررہی ہے۔ عالمی وملکی چیلنجزکے باوجود ملک کی معاشی شرحِ نمومیں بہتری کے لیے وزیرِخزانہ کا اعتماد سرمایہ کاروں کے لیے مثبت پیغام ہے۔ انہوں نے کہا کہ وزیرِخزانہ کی جانب سے ٹیکس اصلاحات، توانائی شعبے میں بہتری اورسرکاری اداروں (SOEs) کی نجکاری کے عزم کا اعادہ انتہائی حوصلہ افزا ہے۔ تاہم انہوں نے اس بات پرزور دیا کہ ٹیکس نیٹ میں توسیع، بینک مارک اپ میں کمی، اورگردشی قرضوں کے خاتمے کے بغیرکاروباری لاگت میں کمی ممکن نہیں ہے، جو عالمی منڈی میں مسابقت کے لیے انتہائی ضروری ہے۔میاں زاہد حسین نے کہا کہ معاشی آزادی، برآمدی مسابقت اور “ایسٹ ایشیا مارکیٹ” کے ماڈل کی جانب پیش قدمی ہی پاکستان کے لیے پائیدارترقی کا واحد راستہ ہے۔ کاروباری طبقہ حکومت کی اْن پالیسیوں کی مکمل حمایت کرتا ہے جوماضی کی فرسودہ سوچ سے ہٹ کربرآمدات اورصنعت کاری کوفروغ دیں۔ انہوں نے مزید کہا کہ سی پیک انفراسٹرکچرکی مونیٹائزیشن، خصوصی اقتصادی زونزکی ترقی، معدنیات، زراعت، آئی ٹی اور فارماسیوٹیکل جیسے کلیدی شعبوں میں سرمایہ کاری کے فروغ کے لیے حکومتی اقدامات نجی شعبے کی شمولیت اورترقی لیے شاندارمواقع فراہم کریں گے۔میاں زاہد حسین نے کہا کہ میکرواکنامک استحکام اہم ہے، مگریہ آخری منزل نہیں۔ اب وقت آگیا ہے کہ استحکام کوحقیقی کاروباری ترقی میں بدلا جائے۔ انہوں نے حکومت سے اپیل کی کہ سرخ فیتے کا خاتمہ، توانائی نرخوں میں کمی اورٹیکس نظام کی سادگی کے لیے فوری اقدامات کیے جائیں۔ انہوں نے کہا کہ وزیرِخزانہ کا بینکاری تجربہ عملی اصلاحات کے نفاذ میں کلیدی کردارادا کرسکتا ہے، اورکاروباری برادری پاکستان کی معاشی کامیابی کے لیے حکومت کے ساتھ تعاون کے لیے تیارہے۔میاں زاہد حسین نے حکومت کے اصلاحاتی ایجنڈے کی مکمل حمایت کا اعادہ کرتے ہوئے کہا کہ پالیسی سازی میں تسلسل اور کاروباری برادری کے ساتھ مشاورت کے ذریعے ہی معیشت کودیرپا خوشحالی کی جانب گامزن کیا جا سکتا ہے۔
ذریعہ: Jasarat News
کلیدی لفظ: میاں زاہد حسین نے کہا کہ وزیر خزانہ کاروباری برادری نے کہا کہ انہوں نے کے لیے
پڑھیں:
حکومت معاشی استحکام، سرمایہ کاری کے فروغ کیلئے پرعزم ہے، وزیر خزانہ
اسلام آباد(نیوزڈیسک) وزیرخزانہ محمداورنگزیب نے کہا ہے کہ حکومت جدت، رسمی معیشت اور ذمہ دارانہ ترقی کی حوصلہ افزائی پر مبنی کاروباری ماحول پیدا کرنے کے لیے پرعزم ہے۔
سرکاری خبر رساں ادارے ‘اے پی پی’ کی رپورٹ کے مطابق وزیرخزانہ نے کہاکہ حکومت رسمی معیشت کو مضبوط بنانے اور اور ذمہ دارو طویل المدتی سرمایہ کاری کو فروغ دینے میں پرعزم ہے، وزیرِ خزانہ نے غیر رسمی شعبے پر کڑی نگرانی کے حکومتی عزم پر زور دیتے ہوئے کہا کہ اس حوالے سے شروع کی گئی کوششوں کے متعدد صنعتوں میں واضح نتائج سامنے آرہے ہیں ، بہتر تعمیل، زیادہ شفافیت اور موثر ٹیکس نظام پاکستان کی معاشی بحالی کے مرکزی ستون ہیں۔
وزیرخزانہ نے کہاکہ وزارت خزانہ میں ٹیکس پالیسی آفس کا قیام ڈھانچہ جاتی اصلاحات کے حوالہ سے ایک بڑاقدم ہے ، اس سے نجی شعبے کے ساتھ پورا سال مستقل رابطے کی سہولت میسرہوگی اوراس کے نتیجے میں پالیسی میں بہتری اور اگلے بجٹ سے قبل موثرمشاورتی عمل درآمد کو ممکن بنایاجاسکے گا،نیسلے پاکستان کے وفد کی قیادت چیف ایگزیکٹو آفیسر جیسن ایون سینا کر رہے تھے جبکہ چیف فنانشل آفیسر مقصود احمد انجم اور ہیڈ آف کارپوریٹ افیئرز اینڈ سسٹین ایبلٹی شیخ وقار احمد بھی ان کے ہمراہ تھے۔
وفد نے وزیرِ خزانہ کو پاکستان کے ساتھ نیسلے کے دیرینہ تعلق اور مستقبل کی توسیعی منصوبہ بندی سے آگاہ کیا۔چیف ایگزیکٹوآفیسر نے کمپنی کی کاروباری مضبوطی کا جائزہ پیش کرتے ہوئے بتایا کہ نیسلے نے مقامیت ، پورٹ فولیو ایڈجسٹمنٹ، جدید آٹومیشن، کارکردگی میں بہتری اور مصنوعات میں مسلسل جدت کے ذریعے اپنے آپریشنز کو مستحکم کیا ہے۔ انہوں نے ٹیکنالوجی پر مبنی مینوفیکچرنگ میں نیسلے پاکستان کی نمایاں پیش رفت کو اجاگر کیا اور بتایا کہ شیخوپورہ اور خانیوال کی فیکٹریاں مکمل طور پر خودکار اور عالمی ڈائیگناسٹک نظام سے منسلک ہیں، جس سے پاکستان میں نیسلے کے آپریشنز عالمی معیار کی تنصیبات کے برابر ہو گئے ہیں۔
انہوں نے کہاکہ کمپنی میں پائیداری، زرعی خدمات کی تبدیلی، پیداواری صلاحیت میں اضافے اور جدید ٹیکنالوجیز کے استعمال کے لیے جاری اور آئندہ آنے والی سرمایہ کاری پر کام ہو رہا ہے،نیسلے شمسی اور بائیو ماس توانائی کے نظام، ڈیجیٹل ڈیش بورڈز، ماحول دوست پیکیجنگ اور سپلائی چین کی آٹومیشن پر عمل کر رہی ہے جس سے اخراجات اور گرین ہائوس گیسوں میں کمی آ رہی ہے اور کمپنی کی طویل المدتی مسابقت مزید مضبوط ہو رہی ہے۔ وفد نے بتایا کہ مقامی ویلیو کری ایشن کے فروغ کے وسیع تر عمل کے تحت نیسلے کی لوکلائزیشن کی کوششوں نے کمپنی کی مضبوطی کو واضح طور پر بڑھایا ہے۔
پاکستان کی پہلی ٹرانسجینڈر ڈاکٹر کی درخواست پر فوری سماعت کی استدعا منظور