سینیٹ میں آئی ایم ایف رپورٹ کا جواب دے چکا ہوں، وزیر خزانہ محمد اورنگزیب
اشاعت کی تاریخ: 8th, December 2025 GMT
وفاقی وزیر خزانہ محمد اورنگزیب(فائل فوٹو)۔
وفاقی وزیر خزانہ محمد اورنگزیب نے کہا ہے کہ سینیٹ میں آئی ایم ایف رپورٹ کا جواب دے چکا ہوں، یہ رپورٹ حکومت نے ہی تیار کی ہے۔ آئی ایم ایف نے اصلاحات کی تعریف بھی کی ہے۔
وزیر خزانہ محمد اورنگزیب کا پیر کو قومی اسمبلی میں اظہار خیال کرتے ہوئے کہنا تھا کہ کچھ ڈھانچہ جاتی خامیاں ہیں انہوں نے اس کی بات کی ہے، اراکین پارلیمنٹ یہ رپورٹ ضرور پڑھیں اس میں 15 سفارشات بھی ہیں۔
وزیر خزانہ نے کہا کہ ان سفارشات کی روشنی میں 31 دسمبر سے پہلے ایکشن پلان دیں گے، کافی چیزیں ایسی ہیں جن پر کام جاری ہے۔
محمد اورنگزیب نے کہا کہ کئی امور پر قانون سازی ہوچکی ہے، انھوں نے اس موقع پر آئی ایم ایف کی سفارشات پڑھ کر بھی سنائیں۔
وزیر خزانہ کا کہنا تھا ہوسکتا ہے آئی ایم ایف کے اپنے ماہرین بھی آئیں ہم خیر مقدم کریں گے۔
.
ذریعہ
ذریعہ: Jang News
کلیدی لفظ: وزیر خزانہ محمد اورنگزیب آئی ایم ایف
پڑھیں:
وزیر اعلیٰ سہیل آفریدی نے بجٹ پاس کرنےکی بات کی تو علیمہ خان نے ٹوک دیا
علیمہ خان : فائل فوٹوبانی پاکستان تحریک انصاف (پی ٹی آئی) کی بہن علیمہ خان نے خیبر پختونخوا کا بجٹ پاس کرنے کی بات پر سہیل آفریدی کو تنبیہ کردی۔
راولپنڈی میں میڈیا سے گفتگو کے دوران وزیر اعلیٰ سہیل آفریدی نے بجٹ پاس کرنے کی بات کی تو علیمہ خان نے ٹوک دیا، بانی پی ٹی آئی کی بہن نے کہا کہ آپ بجٹ پاس کیوں کر رہے ہیں؟ ان سے کہیں پہلے میری ملاقات کروائیں۔
وزیر اعلیٰ خیبر پختونخوا سہیل آفریدی گورکھ پور ناکے پر پہنچ گئے، سہیل آفریدی سرکاری پروٹوکول میں گورکھ پور ناکے پر پہنچے۔
علیمہ خان نے کہا کہ بانی پی ٹی آئی نے پچھلے سال بھی کہا تھا میرے ساتھ بجٹ ڈسکس کرو، آپ آج بھی ان سے کہیں بجٹ سے پہلے بانی پی ٹی آئی سے ملاقات کروائیں۔
انہوں نے کہا کہ بانی پی ٹی آئی کو تنہا کیا گیا جو غیر قانونی اور غیر آئینی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ