پاکستان تحریک انصاف نے حکومت کی پیشکش قبول کرلی
اشاعت کی تاریخ: 8th, December 2025 GMT
پاکستان تحریک انصاف نے حکومت کی جانب سے دی جانے والی پیشکش قبول کر لی۔
ذرائع کے مطابق وفاقی وزیر رانا ثناءاللہ کی جانب سے دی گئی پیشکش کو پی ٹی آئی نے قبول کر لیا جس میں بانی چیئرمین عمران خان کو جیل میں دی جانے والی سہولیات کا جائزہ لینے کے لیے خصوصی کمیٹی تشکیل دینے کا فیصلہ شامل ہے۔
ذرائع کے مطابق مشترکہ پارلیمانی پارٹی اجلاس میں اکثریتی اراکین نے اس فیصلے کی حمایت کی، ذرائع کا کہنا ہے کہ کمیٹی میں پی ٹی آئی کے وکلا، سینیٹرز اور اراکینِ قومی اسمبلی کو شامل کرنے کی ہدایت جاری کر دی گئی ہے۔
ذرائع کے مطابق رانا ثناءاللہ نے گزشتہ روز باضابطہ طور پر کمیٹی تشکیل دینے کی پیشکش کی تھی جسے اب پی ٹی آئی کی قیادت نے قبول کرلیا ہے۔
پی ٹی آئی نے یہ بھی فیصلہ کیا ہے کہ کمیٹی کی سربراہی رانا ثناءاللہ ہی کریں گے جبکہ پی ٹی آئی کے نمائندے اور وکلاء کمیٹی کے ہمراہ جیل جا کر سہولیات کا براہِ راست جائزہ لیں گے۔
پی ٹی آئی ذرائع کے مطابق پی ٹی آئی کا مؤقف ہے کہ انہیں واضح طور پر دکھایا جائے کہ ان کے بانی چیئرمین کو جیل میں کون کون سی سہولیات فراہم کی جا رہی ہیں۔
.ذریعہ: Express News
کلیدی لفظ: ذرائع کے مطابق پی ٹی آئی قبول کر
پڑھیں:
9 مئی کو تحریکِ انصاف اور 10 مئی کو بھارت کو شکست دی، عطا اللہ تارڑ
لاہور(ڈیلی پاکستان آن لائن)وفاقی وزیر اطلاعات و نشریات عطاء اللّٰہ تارڑ کا کہنا ہے کہ 9 مئی کو تحریکِ انصاف اور 10 مئی کو بھارت کو شکست دی، تحریکِ انصاف پاکستان کا دفاع کمزور کرنا چاہتی ہے۔
لاہور میں خطاب کے دوران انہوں نے کہا کہ خیبرپختونخوا حکومت نے صوبے کو کھنڈر بنادیا ہے۔عطاء اللّٰہ تارڑ نے کہا کہ پشاور کے اتوار بازار میں پی ٹی آئی کا جلسہ بری طرح ناکام ہوا ہے۔انہوں نے کہا کہ پی ٹی آئی خیبرپختون خوا میں 12 سال سے حکومت کر رہی ہے، جہاں ایک منصوبہ شروع نہ کر سکی۔وفاقی وزیر نے کہا کہ ہم انتخابی مہم میں کیے گئے تمام وعدے پورے کر رہے ہیں، بانیٔ پی ٹی آئی کی خواہش تھی کہ پاکستان ڈیفالٹ کر جائے، یہ پارٹی ملک کو کمزور کرنا چاہتی ہے۔
بلوچستان میں فتنہ الہندوستان کو کہیں چھپنے نہیں دیا جائیگا،مکمل خاتمے تک آپریشنز جاری رہیں گے: محسن نقوی
اُن کا کہنا ہے کہ چیف آف ڈیفنس فورسز کا خوف دشمن پر طاری ہے، ملک کی معیشت بہتر ہونے میں فیلڈ مارشل عاصم منیر کا بڑا کردار ہے۔عطاء تارڑ نے مزید کہا کہ انہوں نے 190 ملین پاؤنڈ کا ڈاکا مارا اس لیے جیل میں ہیں، انہوں نے شہداء کی یادگاروں کو گرایا، وہ کام کیا جو دشمن کرنا چاہتا تھا۔انہوں نے کہا کہ بانیٔ پی ٹی آئی کی بہنیں فوج کے خلاف بھارتی میڈیا پر بات کرتی ہیں، شرم آنی چاہیے۔
مزید :
ایئربس کے نئے اے320 طیاروں میں بڑی پیداواری خامی، ڈیلیوری شیڈول متاثر