انسٹاگرام نے ہیش ٹیگز کی حد محدود کرنے کا تجربہ شروع کردیا
اشاعت کی تاریخ: 2nd, December 2025 GMT
data-id="863a0a8" data-element_type="widget" data-widget_type="theme-post-content.default">
سوشل میڈیا پلیٹ فارم انسٹاگرام ایک بڑی تبدیلی کی جانب بڑھ رہا ہے، جس کے باعث متعدد صارفین پریشان نظر آ رہے ہیں۔
رپورٹس کے مطابق میٹا کی زیرملکیت فوٹو اور ویڈیو شیئرنگ کی معروف ایپلیکیشن انسٹاگرام نے پوسٹس میں ہیش ٹیگز کی تعداد محدود کرنے کا خاموش تجربہ شروع کر دیا ہے اور کئی صارفین کو ایک پوسٹ میں 3 سے زیادہ ہیش ٹیگز استعمال کرنے کی اجازت نہیں مل رہی۔
بعض صارفین نے بتایا کہ جیسے ہی وہ چوتھا ہیش ٹیگ ایڈ کرنے کی کوشش کرتے ہیں، ایک نوٹیفکیشن ظاہر ہوتا ہے جس میں لکھا ہوتا ہے کہ “آپ ایک پوسٹ میں صرف 3 ہیش ٹیگز استعمال کرسکتے ہیں۔”
دلچسپ بات یہ ہے کہ انسٹاگرام نے اس تبدیلی کا ابھی تک کوئی باضابطہ اعلان نہیں کیا، جبکہ یہ مسئلہ بھی تمام صارفین کو درپیش نہیں۔ اس سے اندازہ لگایا جا رہا ہے کہ یا تو کمپنی اس فیچر کو بتدریج متعارف کروا رہی ہے یا پھر محدود صارفین کے گروپ میں اس کی آزمائش جاری ہے۔
اگر یہ پابندی باقاعدہ طور پر نافذ کر دی گئی تو وہ صارفین متاثر ہوں گے جو اپنی پوسٹس کی رِیچ بڑھانے کے لیے درجنوں ہیش ٹیگز استعمال کرتے ہیں۔ فی الحال یہ واضح نہیں کہ انسٹاگرام اس فیچر کو کب عام کرے گا اور آیا یہ تبدیلی مستقل ہوگی یا صرف تجرباتی مرحلے تک محدود رہے گی۔
ٹیکنالوجی ماہرین کا کہنا ہے کہ ہیش ٹیگز کی تعداد کم کرنے کا مقصد اسپام اور غیر متعلقہ مواد کو کم کرنا ہوسکتا ہے، تاہم کمپنی کی جانب سے وضاحت آنے تک کچھ بھی حتمی کہنا مشکل ہے۔
واضح رہے کہ انسٹاگرام میں ہیش ٹیگز پوسٹس کو سرچ نتائج، ٹرینڈز اور الگورتھم کی بنیاد پر تجویز کردہ مواد میں ظاہر کروانے میں اہم کردار ادا کرتے ہیں، اس لیے ہیش ٹیگز کی تعداد میں کسی بھی تبدیلی سے مواد کی مرئیت متاثر ہو سکتی ہے۔ تاریخی طور پر انسٹاگرام ہر پوسٹ پر 30 ہیش ٹیگز تک استعمال کی اجازت دیتا رہا ہے، جس سے صارفین کو موضوعات، کمیونٹیز اور مخصوص دلچسپیوں کو ہدف بنانے کے لیے وسیع امکانات میسر ہوتے تھے۔
ویب ڈیسک
دانیال عدنان
ذریعہ
ذریعہ: Jasarat News
کلیدی لفظ: ہیش ٹیگز کی
پڑھیں:
آزاد کشمیر میں ڈیڑھ ماہ بعد انٹرنیٹ سروس بحال ہونا شروع
فائل فوٹوآزاد کشمیر میں ڈیڑھ ماہ بعد انٹرنیٹ سروس بحال ہونا شروع ہوگئی، میرپور ڈویژن میں انٹرنیٹ سروس جزوی طور پر بحال ہوئی۔
ذرائع کا کہنا ہے کہ وفاقی حکومت کی ہدایت پر پی ٹی اے نے انٹرنیٹ سروس کی بحالی کا عمل شروع کیا، آزاد کشمیر میں 5 جون سے انٹرنیٹ سروس معطل تھی۔
آزاد کشمیر میں امن و امان کی صورتحال کے باعث انٹرنیٹ سروس بند کی گئی تھی، چئیرمین پیپلز پارٹی بلاول بھٹو زرداری نے حکومت سے انٹرنیٹ بحال کرنے کا مطالبہ کیا تھا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی