پیپلز پارٹی 27 ویں آئینی ترمیم پر لین دین کرکے مک مکا کے چکر میں ہے، اسد قیصر
اشاعت کی تاریخ: 7th, November 2025 GMT
اسلام آباد:
پی ٹی آئی رہنما اسد قیصر نے کہا ہے کہ پیپلز پارٹی 27 ویں آئینی ترمیم پر لین دین کرکے مک مکا کے چکر میں ہے۔
ہائی کورٹ میں مقدمات کی تفصیلات فراہمی کے حوالے سے درخواست دائر کرنے کے موقع پر میڈیا کے نمائندوں سے گفتگو کرتے ہوئے اسد قیصر کا کہنا تھا کہ ستائیسویں آئینی ترمیم پیپلزپارٹی کی سیاست کا سوال ہے۔ پی پی کو اس پیکیج کو مکمل طور پر مسترد کرنا چاہیے۔ بلاول کے نانا اور والدہ کی جمہوریت کے لیے بہت خدمات ہیں۔ 73 کا آئین بھٹو صاحب کا بڑا تحفہ تھا۔
انہوں نے کہا کہ پیپلزپارٹی کی ذمہ داری ہے کہ آئین کے تحفظ کے لیے کھڑی ہو لیکن مجھے لگ رہا ہے کہ پیپلزپارٹی مک مکا کے چکر میں ہے۔ پی پی چاہتی ہے کچھ لین دین سے کام چل جائے ۔ اس لیے مجھے اندیشہ ہے وہ دو تین پر ساتھ دے دیں گے اور دو تین مسترد کردیں گے۔ اگر پیپلز پارٹی اس موقع پر کھڑی ہوگئی تو ان کی پریکٹیکل سیاست میں واپسی کا آغاز ہوگا۔
اسد قیصر نے کہا کہ سائلین کے ساتھ عدالتوں کا ایسا رویہ ہوگا ۔ انتظامیہ کے کہنے پر عدلیہ میں ایسے کیسز میں چھیڑ چھاڑ ہوگی ۔ ایسے اقدامات سے عدلیہ کی ساکھ متاثر ہوگی۔ تین رکنی بینچ کے فیصلے پر عملدرآمد نہ ہو نا عدلیہ پر سوالیہ نشان ہے۔ جب تک ججز خود کھڑے نہیں ہوں گے عدلیہ آزاد نہیں ہو گی۔ اس وقت ملک میں عملا انصاف ناپید ہوچکا ہے۔ ججز جب کھڑے ہوں گے تو عوام بھی ان کے ساتھ کھڑے ہوں گے۔
انہوں نے کہا کہ کے پی ہاؤس پر پولیس کا چھاپا نفرت بڑھانے کے مترادف ہے۔ آئینی تحفظ والی جگہوں پر ایسی کارروائیاں فیڈریشن کو نقصان پہنچاتی ہیں۔ میں ایسے رویے کی بھرپور مذمت کرتا ہوں ۔
انہوں نے مزید کہا کہ حامد رضا کی جمہوریت اور قانون کے لیے خدمات کو خراج تحسین پیش کرتا ہوں ۔ ان پر بننے والے مقدمات کی بھی مذمت کرتا ہوں ۔ امید کرتا ہوں ان کے کیسز جلد از جلد مقرر ہوں تاکہ انہیں انصاف ملے۔
.ذریعہ: Express News
کلیدی لفظ: کرتا ہوں نے کہا کہا کہ
پڑھیں:
پیپلز پارٹی کی سیاست پر سوالیہ نشان ہے، مجھے مک مکا نظر آ رہا ہے، اسد قیصر
پیپلز پارٹی کی سیاست پر سوالیہ نشان ہے، مجھے مک مکا نظر آ رہا ہے، اسد قیصر WhatsAppFacebookTwitter 0 7 November, 2025 سب نیوز
اسلام آباد(سب نیوز) سابق اسپیکر قومی اسمبلی اسد قیصر نے کہا ہے کہ پیپلز پارٹی کی سیاست پر سوالیہ نشان ہے، اگرچہ بلاول بھٹو کے نانا ذوالفقار علی بھٹو کی جمہوریت کے لیے بڑی خدمات ہیں، مگر موجودہ صورتحال میں مجھے مک مکا نظر آ رہا ہے۔
میڈیا سے گفتگو کرتے ہوئے اسد قیصر نے کہا کہ افسوس ناک امر ہے کہ عدالتوں میں کیسز سیاسی بنیادوں پر چلائے جا رہے ہیں، جس سے عدلیہ کی ساکھ متاثر ہو رہی ہے۔
ان کا کہنا تھا کہ افتخار چوہدری جب کھڑے ہوئے تو پورا پاکستان ان کے ساتھ تھا، وہ ایک مثال ہیں۔کے پی کے ہاؤس میں پولیس کارروائی پر ردعمل دیتے ہوئے انہوں نے کہا کہ صوبائی مقامات پر اس قسم کی کارروائیاں نفرتیں بڑھانے اور فیڈریشن کو نقصان پہنچانے کے مترادف ہیں۔ ایسے رویے ملک میں تقسیم اور نفرت کو ہوا دے رہے ہیں جس کی بھرپور مذمت کرتے ہیں۔
اسد قیصر نے کہا کہ حامد رضا نے بہت قربانیاں دی ہیں، ان کی خدمات کو خراج تحسین پیش کرتے ہیں اور امید کرتے ہیں کہ ان کے کیسز جلد سنے جائیں گے۔
انہوں نے مزید کہا کہ لارجر بینچ کے فیصلے پر عمل درآمد نہ ہونا بھی ایک بڑا سوالیہ نشان ہے۔ ملک میں امن، انصاف اور قانون ناپید ہو چکا ہے۔ ضرورت ہے کہ عدالتیں اپنے بنیادی کردار کی طرف لوٹیں اور ججز اپنے ضمیر کے مطابق کھڑے ہوں۔
سابق اسپیکر نے کہا کہ اگر ججز کھڑے ہوں گے تو پوری قوم ان کے ساتھ کھڑی ہوگی۔ تمام سیاسی قوتوں، ججز اور سول سوسائٹی سے توقع ہے کہ وہ آئین کی سربلندی کے لیے متحد ہوں گے، کیونکہ یہی پاکستان کے مستقبل کا سوال ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراستنبول مذاکرات: افغان سرزمین سے دہشت گردی کسی صورت قبول نہیں، پاکستان ستائیسویں ترمیم پر مشاورت کیلئے آج طلب کیا گیا وفاقی کابینہ کا اجلاس ملتوی سینیٹ میں ستائیسویں آئینی ترمیم پیش ہونے کے دن سینیٹرز کے اعزاز میں خصوصی ناشتہ ہوگا پی ٹی آئی رہنماؤں کے وارنٹ گرفتاری کا معاملہ، اسلام آباد پولیس کے پی ہاؤس پہنچ گئی سنی اتحاد کونسل کے چئیرمین صاحبزادہ حامد رضا گرفتار سی ڈی اے کے پارلیمنٹ میں تعینات سٹاف کو نکالنے کی خبریں من گھڑت اور بے بنیاد ہیں،ترجمان قومی اسمبلی چمن بارڈرپر فائرنگ، پاکستانی فورسز نے افغانستان کو بھر پورجواب دیا: وزارتِ اطلاعاتCopyright © 2025, All Rights Reserved
رابطہ کریں ہماری ٹیم
ضیاءالحسن لنجار ایڈووکیٹ ممبر سندھ بار کونسل منتخب ہوگئے