ایڈمرل نوید اشرف کا دورہ بنگلہ دیش، دوطرفہ میری ٹائم تعلقات میں سنگ میل قرار
اشاعت کی تاریخ: 13th, November 2025 GMT
چیف آف دی نیول اسٹاف ایڈمرل نوید اشرف کا بنگلہ دیش کا سرکاری دورہ کامیابی کے ساتھ اختتام پذیر ہوگیا، جس کے دوران انہوں نے اعلیٰ عسکری قیادت سے اہم ملاقاتیں کیں اور مختلف بحری تنصیبات کا دورہ کیا۔
اس دورے کا مقصد دونوں ممالک کے درمیان دفاعی تعلقات کو فروغ دینا اور خطے میں امن و استحکام کے لیے مشترکہ عزم کو مزید مضبوط بنانا تھا۔
ایڈمرل نوید اشرف کا دورہ پی این ایس سیف کے چٹاگرام پورٹ کے قیام کے ساتھ منسلک تھا۔
دورے کے دوران انہوں نے بنگلہ دیش کے چیف آف آرمی اسٹاف جنرل وقارالزمان، چیف آف نیول اسٹاف ایڈمرل ایم نظم الحسن، چیف آف ایئراسٹاف ایئر چیف مارشل حسن محمود خان اور آرمڈ فورسز کے پرنسپل اسٹاف آفیسر لیفٹیننٹ جنرل ایس ایم قمر الحسن سے علیحدہ علیحدہ ملاقاتیں کیں۔
ملاقاتوں میں دفاعی اور بحری امور، خطے میں سیکیورٹی تعاون، اور باہمی دلچسپی کے پیشہ ورانہ معاملات پر تبادلہ خیال کیا گیا۔
دونوں ممالک کی قیادت نے دوطرفہ تعلقات کو مزید مستحکم کرنے اور خطے میں امن و استحکام کے فروغ کے لیے مشترکہ عزم کا اعادہ کیا۔
ایڈمرل نوید اشرف نے بنگلہ دیش کے نیشنل ڈیفنس کالج کا بھی دورہ کیا، جہاں انہیں ادارے کے مینڈیٹ اور تربیتی پروگراموں پر تفصیلی بریفنگ دی گئی۔
اس موقع پر انہوں نے این ڈی سی کے صدر اور فیکلٹی ممبران سے بات چیت کی اور دفاعی تعلیم کے فروغ میں ادارے کے کردار کو سراہا۔
چٹاگرام میں بنگلہ دیش نیوی کے اعلیٰ حکام، بشمول کمانڈر چٹاگرام، کمانڈر نیوی فلیٹ اور ایریا سپرنٹنڈنٹ ڈاکیارڈ نے بھی نیول چیف سے ملاقاتیں کیں۔
ایڈمرل نوید اشرف نے بنگلہ دیش نیول اکیڈمی کا دورہ کرتے ہوئے وہاں کے اعلیٰ پیشہ ورانہ معیار کو سراہا اور میری ٹائم شعبے میں جدید تعلیم و تربیت کی اہمیت پر زور دیا۔
دورے کے دوران چٹاگرام پورٹ پر پی این ایس سیف پر ایک خصوصی عشائیے کا اہتمام کیا گیا، جہاں سربراہ پاک بحریہ ایڈمرل نوید اشرف اور پاکستان کے ہائی کمشنر عمران حیدر نے بنگلہ دیش نیوی کے چیف آف دی نیول اسٹاف کا پرتپاک استقبال کیا۔
عشائیے میں دونوں ممالک کے سفارت کاروں، اعلیٰ عسکری حکام، اسکالرز، صحافیوں اور کاروباری شخصیات نے شرکت کی۔
یہ دورہ پاکستان اور بنگلہ دیش کے درمیان بحری تعلقات میں ایک اہم سنگ میل کی حیثیت رکھتا ہے اور توقع ہے کہ دونوں ممالک کے درمیان میری ٹائم سیکیورٹی تعاون کو مزید تقویت ملے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایڈمرل نوید اشرف بنگلہ دیش پاکستان چیف آف دی نیول اسٹاف.
ذریعہ
ذریعہ: WE News
کلیدی لفظ: ایڈمرل نوید اشرف بنگلہ دیش پاکستان چیف آف دی نیول اسٹاف چیف آف نیول اسٹاف ایڈمرل چیف آف دی نیول اسٹاف دورے کے دوران سے ملاقات کی دونوں ممالک کا دورہ
پڑھیں:
محسن نقوی کا نیشنل پولیس اکیڈمی اسلام آباد کا دورہ، ایم سی ایم سی کورس پر نظرثانی کی اصولی منظوری
(اویس کیانی)نیشنل پولیس اکیڈمی کے اپ گریڈیشن پراجیکٹ پر کام تیزی سے جاری ہے، ایلیٹ ٹریننگ سکول میں ریپلنگ ٹاور پر 80 فیصد، جاگنگ ٹریک اور آبسٹیکلز پر 70 فیصد کام مکمل کر لیا گیا۔
وفاقی وزیر داخلہ محسن نقوی نے نیشنل پولیس اکیڈمی اسلام آباد کا دورہ کیا۔
اس موقع پر وزیر داخلہ محسن نقوی کی زیر صدارت اپ گریڈیشن پراجیکٹ سے متعلق جائزہ اجلاس ہوا، جس میں نیشنل پولیس اکیڈمی کی اپ گریڈیشن کے سلسلے میں جاری منصوبوں پر پیش رفت کا جائزہ لیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
نیشنل پولیس اکیڈمی کے اپ گریڈیشن پراجیکٹ پر کام تیز
ایلیٹ ٹریننگ سکول میں ریپلنگ ٹاور پر 80 فیصد،جاگنگ ٹریک اور آبسٹیکلز پر 70 فیصد کام مکمل
وفاقی وزیر داخلہ محسن نقوی کا نیشنل پولیس اکیڈمی کا دورہ، اپ گریڈیشن پراجیکٹ پر پیش رفت کا جائزہ لیا pic.twitter.com/PSzCboerya
اجلاس میں ایلیٹ سکول کی فائرنگ رینج اور باونڈری وال کو 2 ماہ میں مکمل کرنے کا ٹاسک دیا گیا۔
دوران اجلاس نیشنل پولیس اکیڈمی کو مرحلہ وار سولر انرجی پر منتقل کرنے کا فیصلہ کیا گیا، ایم سی ایم سی کورس پر نظرثانی کی اصولی منظوری دی گئی، تمام کلاس رومز کو جدید آئی ٹی سہولیات سے لیس کرنے کی ہدایت بھی کی گئی۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ڈی جی ایف آئی اے، چیئرمین سی ڈی اے، آئی جی اسلام آباد پولیس، ڈپٹی کمانڈنٹ نیشنل پولیس اکیڈمی، ڈپٹی کمشنر اسلام آباد اور دیگر اعلیٰ افسران بھی اس موقع پر موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ