امجد ایڈووکیٹ کا بیان اعتراف جرم ہے، اسٹیبلشمنٹ جواب دے، تحریک انصاف
اشاعت کی تاریخ: 14th, December 2025 GMT
صوبائی کابینہ نے واضح کیا کہ گلگت بلتستان میں سخت موسمی حالات کے پیش نظر جنوری میں انتخابات کا انقعاد انتہائی مشکل ہے اور مطالبہ کیا ہے کہ جی بی انتخابات کے لئے مناسب و موزوں وقت مقرر کیا جائے۔ اسلام ٹائمز۔ تحریک انصاف گلگت بلتستان کی صوبائی کابینہ کا اجلاس صوبائی صدر خالد خورشید کی زیر صدارت ہوا۔ اجلاس کے بعد جاری اعلامیہ کے مطابق صوبائی کابینہ نے پی ٹی آئی و خالد خورشید حکومت گرائے جانے کے حوالے سے امجد ایڈووکیٹ کے بیان کو اسٹیبلشمنٹ کی سیاسی مداخلت کے حوالے سے اعتراف جرم اور اہم گواہی قرار دیا۔ صوبائی کابینہ نے مطالبہ کیا ہے کہ اسٹیبلشمنٹ کے ترجمان اس حوالے سے واضح جواب دیں۔ صوبائی کابینہ نے ایک بار پھر واضح کیا کہ پی ٹی آئی خالد خورشید حکومت کو عمران خان سے وفاداری کے بدلے میں امجد ایڈووکیٹ، حفیظ الرحمن سمیت دیگر گلگت بلتستان کے مذموم کرداروں کو استعمال کرکے گرایا گیا۔ صوبائی کابینہ نے دو ٹوک انداز میں کہا کہ امجد، حفیظ اور دیگر کردار ایک بار پھر عوام کا مینڈیت چرانے کے لئے کشکول لیکر در در کی ٹھوکریں کھا رہے ہیں لیکن عوام اس بار ان کا حقیقی چہرہ جان چکے ہیں، کسی صورت مینڈیت پر ڈاکہ زنی کی اجازت نہیں دینگے۔
صوبائی کابینہ نے واضح کیا کہ گلگت بلتستان میں سخت موسمی حالات کے پیش نظر جنوری میں انتخابات کا انقعاد انتہائی مشکل ہے اور مطالبہ کیا ہے کہ جی بی انتخابات کے لئے مناسب و موزوں وقت مقرر کیا جائے۔ صوبائی کابینہ نے الیکشن کمیشن گلگت بلتستان کی جانب سے چند اضلاع و حلقوں میں انتظامی آفیسران کی بطور ڈی آر او اور آر او تعیناتی پر شدید تحفظات کا اظہار کیا اور مطالبہ کیا ہے کہ ہنزہ و شگر سمیت تمام دیگر حلقہ جات میں بھی جوڈیشل آر اوز تعینات کئے جائیں۔ صوبائی کابینہ نے کہا ہے کہ تمام اضلاع و حلقوں میں جوڈیشل آر اوز کی تعیناتی سے فارم 45 کے حقیقی نتائج سامنے آنے کا امکان پیدا ہو گا۔ صوبائی کابینہ نے فیصلہ کیا ہے کہ ہنزہ و شگر سمیت دیگر حلقوں میں بھی جوڈیشل آر اوز کی تعیناتی کے لئے جلد پٹیشن دائر کی جائےُ گی۔ اعلامیہ کے مطابق صوبائی کابینہ نے واضح کیا ہے کہ جی بی الیکشن میں ہر صورت بانی چیئرمین عمران خان کی پارٹی پی ٹی آئی اور اس کے پرچم تلے بھرپور طاقت سے انتخابات لڑیں گے۔
اس حوالے سے مطالبہ کیا گیا ہے کہ پاکستان کے انتخابات میں پی ٹی آئی کے خلاف استعمال کئے گئے غیر جمہوری وُ غیر آئینی ہتھکنڈوں سے اجتناب کیا جائے، گلگت بلتستان کی حساسیت اور خصوصی حیثیت کو مدنظر رکھتے ہوئے بیلٹ پیپر پر عوام کے مقبول ترین عوامی لیڈر عمران خان کی پارٹی کا نام اور بلے کے نشان کی موجودگی یقینی بنائی جائے بصورت دیگر انتخابات پر بالکل ایسے سوالیہ نشان اٹھیں گے جیسے مقبوضہ کشمیر کے انتخابات پر سوال اٹھتے ہیں۔ صاف، شفاف اور منصفانہ انتخابات گلگت بلتستان کے عوام کا بینادی انسانی حق ہیں۔ گلگت بلتستان و پاکستان کی مقبول ترین پارٹی پی ٹی آئی کو اس کے نام و نشان سے محروم کرکے صاف و شفاف انتخابات کا انعقاد ممکن نہیں۔ الیکشن کمیشن اس حوالے سے اپنی آئینی و قانونی زمہ داری پوری کرے۔
ملکی حالیہ انتخابات میں دھاندلی و مداخلت کے سبب پی ٹی آئی کو گلگت بلتستان کے عام انتخابات کے حوالے بھی شدید خدشات ہیں، گلگت بلتستان کے انتخابات میں عوامی مینڈیٹ چرانے کی کسی بھی سازش کے خطے، ملک و قوم کے لئے سنگین دورس نتائج ہونگے۔ ملک و قوم کی خاطر ایسی کسی بھی کوشش سے مکمل اجتناب کیا جائے۔
ذریعہ
ذریعہ: Islam Times
کلیدی لفظ: صوبائی کابینہ نے مطالبہ کیا ہے کہ گلگت بلتستان کے پی ٹی آئی واضح کیا کیا جائے حوالے سے کے لئے
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع