نہ صرف جانوروں کا بلکہ سیاسی جماعتوں کی بیماریوں کا بھی اچھا علاج کرینگے: مریم نواز
اشاعت کی تاریخ: 9th, January 2025 GMT
وزیراعلیٰ پنجاب مریم نواز— تصویر بشکریہ جیو ٹی وی
وزیراعلیٰ پنجاب مریم نواز نے کہا ہے کہ نہ صرف جانوروں کی بیماریوں کا علاج کریں گے بلکہ کئی سیاسی جماعتوں کو جو بیماریاں ہیں اس کا بھی اچھا علاج کریں گے۔
پاکپتن میں تقریب سے خطاب کرتے ہوئے انہوں نے کہا کہ نواز شریف دور کے بعد معیشت کے حوالے سے ایک بار پھر اچھی خبریں آنا شروع ہو گئی ہیں، آج نواز شریف کی بیٹی کی حکومت میں عوام کو ترقیاتی اسکیموں کا ثمر مل رہا ہے۔
انہوں نے کہا کہ پنجاب میں آٹے اور روٹی کی قیمت بڑھنے نہیں دی، باقی صوبوں میں بڑھ گئی ہے، پاکستان میں مہنگائی کم ہوئی ہے، اسٹاک مارکیٹ نے 76 سال کا ریکارڈ توڑ دیا ہے۔
انہوں نے کہا کہ لائیو اسٹاک اسکیم کارڈ حاصل کرنے والوں میں 2 خواتین بھی شامل ہیں، لائیو اسٹاک پروگرام کے لیے بڑی شرائط نہیں رکھیں، 90 ہزار لوگوں کو لائیو اسٹاک کارڈ دیے جائیں گے۔
وزیر اطلاعات پنجاب عظمیٰ بخاری نے کہا ہے کہ 2014ء سے جاری گھٹیا مہم کے باوجود مریم نواز ہر گزرتے دن کے ساتھ مقبول اور طاقتور ہو رہی ہیں۔
مریم نواز نے کہا کہ اس کارڈ کے ذریعے 4 لاکھ جانوروں کے لیے پیسے مختص کیے ہیں، لوگوں کی ذرائع آمدنی بڑھنی چاہیے، آپ کو 2 لاکھ 70 ہزار 4 ماہ کے لیے دیے جارہے ہیں، جانوروں کے لیے چارہ خرید سکتے ہیں۔
انہوں نے کہا کہ نواز شریف ہمیشہ کہتے ہیں پنجاب کے عوام کی زندگی میں بہتری لانا میری ذمہ داری ہے، لوگ جانتے ہیں نواز شریف جو وعدہ کرتے ہیں وہ پورا کرتے ہیں، لوگ جانتے ہیں نواز شریف کی بیٹی بھی وعدہ پورا کرے گی۔
.ذریعہ: Jang News
کلیدی لفظ: مریم نواز
پڑھیں:
گڈ گورننس ن لیگ کا ایجنڈا، جرائم کی شرح میں نمایاں کمی آ چکی: وزیراعلیٰ پنجاب مریم نواز
وزیراعلیٰ پنجاب مریم نواز نے کہا ہے کہ عوامی خدمت، تیز رفتار ترقی اور شفاف گورننس ہی مسلم لیگ ن کا اصل ایجنڈا ہے، پنجاب میں جرائم کی شرح میں نمایاں کمی آئی ہے، شہروں اور دیہات کا امن بحال ہوا ہے۔
وزیر اعلیٰ پنجاب مریم نواز شریف سے ساہیوال ڈویژن کے ارکان قومی و صوبائی اسمبلی اور پارٹی ٹکٹ ہولڈرز نے ملاقات کی۔
یہ بھی پڑھیں: وزیراعلیٰ مریم نواز سے جرمن پارلیمنٹ کی رکن کی ملاقات، مختلف امور اور تجاویز پر تبادلہ خیال
ملاقات میں عوامی فلاح کے منصوبوں، امن و امان، سڑکوں کی بحالی، ستھرا پنجاب، صحت اور ٹرانسپورٹ کے شعبوں میں جاری اصلاحات پر تفصیلی بات چیت کی۔
“وزیر اعلیٰ پنجاب مریم نواز شریف سے ساہیوال ڈویژن کے ارکان قومی و صوبائی اسمبلی اور پارٹی ٹکٹ ہولڈرز کی ملاقات”
????عوامی فلاح کے منصوبوں ،امن و امان ،روڈز کی بحالی، ستھراپنجاب،صحت اور ٹرانسپورٹ کے شعبوں میں جاری اصلاحات پر تفصیلی بات چیت
????ساہیوال ڈویژن کے ارکان اسمبلی نے پنجاب… pic.twitter.com/DlUseUpbXm
— PMLN (@pmln_org) November 2, 2025
اس موقع پر وزیراعلیٰ پنجاب مریم نواز نے کہاکہ اضلاع میں پبلک ٹرانسپورٹ اور سڑکوں کی بحالی صرف انفراسٹرکچر نہیں بلکہ روزگار اور خوشحالی کا ذریعہ ہے۔
انہوں نے کہاکہ ستھرا پنجاب پروگرام صرف صفائی نہیں بلکہ ایک نیا کلچر ہے۔
ساہیوال ڈویژن کے ارکان اسمبلی نے پنجاب بھر میں 20 ہزار کلومیٹر طویل سڑکوں کی بحالی پر وزیر اعلیٰ مریم نواز شریف کو سراہا۔
ساہیوال ڈویژن کے ارکان اسمبلی نے جدید کیتھ لیب کے قیام اور الیکٹرو بسز لانچ کرنے پر وزیراعلیٰ مریم نواز شریف کی قیادت کو خراجِ تحسین پیش کیا۔
اراکین اسمبلی کا کہنا تھا کہ وزیر اعلیٰ پنجاب مریم نواز کی لیڈر شپ میں پنجاب آج پرامن، صاف اور برق رفتاری سے ترقی کرتا صوبہ ہے۔
یہ بھی پڑھیں: ہتھیار اٹھانے والی جماعت سیاسی یا مذہبی نہیں رہتی، مریم نواز ٹی ایل پی کے خلاف کھل کر بول پڑیں
ان کا کہنا تھا کہ وزیراعلیٰ مریم نواز شریف نے صوبے میں ترقیاتی کاموں کی رفتار کو نئی بلندیوں تک پہنچا دیا ہے۔
انہوں نے مزید کہاکہ کیتھ لیبز اور الیکٹرو بس سروس جیسے منصوبے عوام دوست قیادت کی روشن مثال ہیں، ہر طبقہ ان سے مستفید ہورہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جرائم کی شرح گڈ گورننس مریم نواز ملاقات وزیر اعلیٰ پنجاب وی نیوز
کراچی میں کیمیکل ملے دودھ کی فروخت کا انکشاف، 27 دکانیں سیل