واشنگٹن میں یومِ سیاہ کشمیر کی تقریب، کشمیری عوام سے یکجہتی اور اقوامِ متحدہ کی قراردادوں پر عملدرآمد کا مطالبہ
اشاعت کی تاریخ: 28th, October 2025 GMT
امریکا میں پاکستانی سفارتخانے میں یومِ سیاہ کشمیر کی تقریب منعقد ہوئی، جس میں بھارت کے غیر قانونی زیر قبضہ جموں و کشمیر کے عوام کے حقِ خودارادیت کی حمایت کا اعادہ کیا گیا۔
تقریب میں پاکستانی امریکن کمیونٹی، تعلیمی اداروں، تھنک ٹینکس، میڈیا اور سول سوسائٹی سے تعلق رکھنے والے افراد نے شرکت کی اور کشمیری عوام سے یکجہتی کا اظہار کیا۔
مزید پڑھیں:’دنیا کے منصفو‘ نغمہ جو کشمیر کی آواز بن گیا
اس موقع پر صدرِ پاکستان، وزیراعظم اور نائب وزیراعظم و وزیرِ خارجہ کے پیغامات بھی پڑھ کر سنائے گئے، جن میں پاکستان کے غیر متزلزل عزم کا اظہار کیا گیا کہ اقوامِ متحدہ کی سلامتی کونسل کی قراردادوں کے مطابق استصوابِ رائے کے حق کے حصول تک جدوجہد جاری رہے گی۔
سفیرِ پاکستان رضوان سعید شیخ نے اپنے خطاب میں کہا کہ کشمیر کا تنازع 2 جوہری ہمسایہ ممالک کے درمیان جنگ بھڑکانے کی صلاحیت رکھتا ہے، اس لیے عالمی برادری کو مسئلے کے پرامن حل پر توجہ دینا ہوگی۔
مزید پڑھیں: کشمیر پر بھارتی قبضہ: وزارت امور کشمیر کا 27 اکتوبر کو یوم سیاہ بھرپور طریقے سے منانے کا اعلان
انہوں نے زور دیا کہ سیاسی یا اقتصادی طاقت سے غیر قانونی قبضے کو جائز قرار نہیں دیا جا سکتا۔ انہوں نے کشمیر اور فلسطین کے مسائل میں مماثلت پر روشنی ڈالتے ہوئے کہا کہ دونوں تنازعات حقِ خودارادیت کے بنیادی اصول پر مبنی ہیں۔
سفیر نے صدر ڈونلڈ ٹرمپ کی جانب سے پاکستان اور بھارت کے درمیان جنگ بندی میں کردار اور ثالثی کی پیشکش کو بھی سراہا۔
مزید پڑھیں: کشمیری عوام کی سیاسی، اخلاقی اور سفارتی حمایت جاری رکھیں گے، یوم سیاہ پر اسحاق ڈار کا پیغام
سابق سفرا سمیت متعدد مقررین نے خطاب کرتے ہوئے کشمیری عوام کی استقامت کو خراجِ تحسین پیش کیا۔ تقریب کا اختتام سعود سلطان کی کتاب کی پذیرائی اور مقبوضہ کشمیر کے عوام کے ساتھ یکجہتی کے عزم کے اعادے پر ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا پاکستانی سفارتخانے سفیرِ پاکستان رضوان سعید شیخ یوم سیاہ یوم سیاہ کشمیر.
ذریعہ
ذریعہ: WE News
کلیدی لفظ: امریکا پاکستانی سفارتخانے سفیر پاکستان رضوان سعید شیخ یوم سیاہ یوم سیاہ کشمیر کشمیری عوام یوم سیاہ
پڑھیں:
مقبوضہ کشمیر میں تیز بارشیں، بھارت نے پانی کا بڑا ریلہ پاکستان کی جانب چھوڑ دیا
مظفر آباد(ڈیلی پاکستان آن لائن)مقبوضہ کشمیر میں تیز بارشوں کے بعد بھارت نے پانی کا بڑا ریلہ پاکستان کی جانب چھوڑ دیا ہے۔بھارت نے مقبوضہ کشمیر میں ہونے والی تیز بارشوں کے بعد سلال ڈیم کے تمام گیٹ کھولے دیے اور پانی کا بڑا ریلہ پاکستان کی جانب چھوڑ دیا۔
بھارت کی جانب سے پانی چھوڑے جانے کے بعد پاکستان میں بڑے سیلاب کا خدشہ ہے اور اس حوالے سے سیالکوٹ اور وزیرآباد کے علاقوں میں سیلابی صورتحال پر ہائی الرٹ جاری کیا گیا ہے۔محکمہ ایریگیشن پنجاب کے مطابق سلال ڈیم کےگیٹ کھلنے سے دریائے چناب میں پانی کی سطح بلند ہونےلگی ہے ریلا آئندہ 48 گھنٹوں میں دریاِئے چناب وزیرآباد پہنچنے کا امکان ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا