کراچی سے بیرون ملک جاتے ہوئے 35 مسافر کیوں آف لوڈ ہوئے؟
اشاعت کی تاریخ: 10th, January 2025 GMT
بیرون ملک پاکستانیوں کیخلاف شکایتوں کے پیش نظر ایف آئی اے امیگریشن ڈیپارٹمنٹ نے کارروائی کرتے ہوئے چین اور سعودی عرب سمیت دیگر ممالک جانے والے 35 مسافروں کو کراچی ایئرپورٹ پر آف لوڈ کردیا ہے۔
آف لوڈ کیے جانیوالے مسافروں میں فریداحمد بزنس ویزے پر تنزانیہ، عبدالحکیم ٹورزم ویزےپر بنگلہ دیش جبکہ 11 افراد بزنس اور وزٹ ویزے پر چین اور ملائشیا عازم سفر تھے۔
یہ بھی پڑھیں: غیر مقامی افراد کو چین کا بارڈر پاس جاری، ایف آئی اے نے مسافروں کو روک دیا
ابوسفیان، نبیل، سجاد اور رینا کرن فیملی وزٹ ویزے پر عمان جارہےتھے، اقبال بی بی پرسنل وزٹ ویزے پر سعودی عرب جارہی تھیں، جبکہ افضل اور ارسلان ورک ویزے پر سعودی عرب روانگی کے قریب تھے۔
سمیع اللہ، عدنان خلیل، محمد عبدالستار اور محمدعثمان عمرہ ویزے پر جبکہ شبیر اور کامران بزنس ویزے پر سعودی عرب اور شاہ رخ وزٹ ویزے پر یوگنڈا جا رہے تھے، جب انہیں امیگریشن حکام نے آف لوڈ کردیا۔
مزید پڑھیں:رواں سال کتنے غیر ملکی پاکستان آئے؟ ایف آئی اے امیگریشن نے کارکردگی رپورٹ جاری کردی
ایف آئی اے ذرائع کے مطابق 18 مسافر عمرہ ویزے پر ایڈوانس ہوٹل بکنگ اور اخرابات کے لیے مناسب رقم نہ ہونے پر آف لوڈ کیے گئے، 3 مسافروں کو ورک ویزا پر سعودی عرب جاتے ہوئے آف لوڈ کیا گیا۔
اسی طرح متحدہ عرب امارات جانے والے 3 افراد ایڈوانس ہوٹل بکنگ اور اخراجات کے لیے مناسب رقم نہ ہونے پرآف لوڈ کیے گئے جبکہ ملائیشیا جاتے ہوئے مسافر کو ویزا پروٹیکٹر نہ ہونے سمیت دیگر وجوہات کی بنا پر سفر سے روکا گیا۔
مزید پڑھیں:ایف آئی اے نے عمرے کی آڑ میں غیر قانونی سفر کرنے والا مسافر گرفتار کرلیا
’4 افراد کو پرسنل وزٹ ویزا پر سعودی عرب جاتے ہوئے آف لوڈ کیا گیا جبکہ ایک خاتون فیملی ویزا سے متعلق دستاویزات نہ ہونے پر آف لوڈ کی گئیں، ایک مسافر ٹورزم ویزے پر ترکیہ جاتے ہوئے ایڈوانس ہوٹل بکنگ اور مناسب فنڈز نہ ہونے پر آف لوڈ کیا گیا۔‘
ایف آئی اے امیگریشن ذرائع کے مطابق غیر قانونی سرگرمیوں میں ملوث یا دستاویزات مکمل نا ہونے کے باعث سعودی عرب اور عراق سمیت 7 ممالک سے 24 گھنٹوں کے دوران 51 پاکستانی بےدخل کیے جا چکے ہیں۔
مزید پڑھیں:ریڈ بک کے انتہائی مطلوب انسانی اسمگلر سمیت 3 اشتہاری ملزمان لاہور سے گرفتار
بےدخل پاکستانیوں کومختلف پروازوں سےکراچی پہنچایا گیا ہے، بےدخل 2 شہری اصلی پاسپورٹ جبکہ 49 ایمرجنسی پیپرز پر وطن واپس پہنچے ہیں، سعودی عرب سےبےدخل 33 پاکستانیوں کوکراچی بھیجا گیا ہے۔
ذرائع کے مطابق ایمرجنسی پاسپورٹ پر14 پاکستانی عراق سےکراچی پہنچے ہیں، جبکہ دبئی، عمان، زمبیا، قطر اور برطانیہ سےایک ایک پاکستانی کو بے دخل کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آف لوڈ امیگریشن ایف آئی اے ٹورزم چین سعودی عرب عراق عمان ملائیشیا ہوٹل بکنگ ورک ویزا ویزا پروٹیکٹر.
ذریعہ
ذریعہ: WE News
کلیدی لفظ: ا ف لوڈ امیگریشن ایف ا ئی اے ٹورزم چین ملائیشیا ہوٹل بکنگ ورک ویزا وزٹ ویزے پر ایف ا ئی اے نہ ہونے پر کیا گیا ویزا پر
پڑھیں:
پاکستانیوں کیلئے سری لنکا نے ویزا فیس ختم کر دی
اسلام آباد(نیوز ڈیسک)سری لنکا نے پاکستانی شہریوں کیلئے اہم سہولت کا اعلان کرتے ہوئے ویزا فیس مکمل طور پر ختم کرنے کا اعلان کردیا۔
سری لنکا کے قونصل جنرل سنجیوا پٹیوالا نے میڈیا سے گفتگو کرتے ہوئے بتایا کہ سری لنکن حکومت نے پاکستانیوں کیلئے ویزا فیس ختم کر دی، اور آن لائن ویزا درخواستوں پر عموماً 48 گھنٹوں کے اندر فیصلہ کر لیا جاتا ہے۔
انہوں نے بتایا کہ سال 2026 کے دوران تقریباً 30 ہزار پاکستانی سیاحوں کی سری لنکا آمد متوقع ہے، جبکہ گزشتہ برس یہ تعداد 20 ہزار کے قریب تھی۔
ان کا کہنا تھا کہ ویزا فیس کے خاتمے کے بعد نہ صرف سیاحتی سرگرمیوں میں اضافہ ہوا ہے بلکہ پاکستانی جوڑے بھی اپنی شادی کی تقریبات کیلئے سری لنکا کا رخ کر رہے ہیں، جس سے دونوں ممالک کے درمیان عوامی روابط مزید مضبوط ہو رہے ہیں
قونصل جنرل نے تعلیمی تعاون پر روشنی ڈالتے ہوئے کہا کہ پاکستان نے 100 سری لنکن طلبہ کو علامہ اقبال اوپن یونیورسٹی میں اسکالرشپس فراہم کی ہیں، جو دونوں ممالک کے درمیان تعلیمی تعلقات کے فروغ کی ایک اہم مثال ہے۔
انہوں نے مزید کہا کہ اگرچہ پاکستان اور سری لنکا کے درمیان 2005 میں آزاد تجارتی معاہدہ (فری ٹریڈ ایگریمنٹ) طے پایا تھا، تاہم اب بھی بعض تجارتی رکاوٹیں موجود ہیں جنہیں دور کرنے کی ضرورت ہے تاکہ دوطرفہ تجارت کے حجم میں مزید اضافہ کیا جا سکے۔
سنجیوا پٹیوالا کا کہنا تھا کہ پاکستان اور سری لنکا کے درمیان دفاعی تعلقات بھی انتہائی اہمیت کے حامل ہیں اور دونوں ممالک مختلف شعبوں میں تعاون کو مزید وسعت دینے کے خواہاں ہیں۔ معاشی ماہرین کا کہنا ہے کہ ویزا فیس کے خاتمے سے سیاحت، تجارت اور ثقافتی روابط کو نئی تقویت ملنے کا امکان ہے، جس سے دونوں دوست ممالک کے تعلقات مزید مستحکم ہوں گے۔
مزید پڑھیں۔’حکومت مان گئی‘ پٹرول ڈیلرز نے 15 روز کے لیے ملک گیر ہڑتال کی کال واپس لے لی
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم