ٹوئٹر کے مالک ایلون مسک کے بارے میں مشہور مصنف کے حیرت انگیز انکشافات
اشاعت کی تاریخ: 10th, January 2025 GMT
WASHINGTON:
دنیا کے امیرترین شخص اور سماجی رابطے کی ویب سائٹ ٹوئٹر کے مالک ایلون مسک کے بارے میں ان کے سوانح نگار سیٹھ ابرامسن نے حیرت انگیز انکشافات کرتے ہوئے خبردار کیا ہے کہ ان کے اثر ورسوخ سے امریکا کو خطرناک نتائج کا سامنا کرنا پڑسکتا ہے۔
این ڈی ٹی وی کی رپورٹ کے مطابق سیٹھ ابرامسن نے ایکس پر پر بیانات کی سیریز میں ایلون مسک کے حوالے سے خطرناک انکشافات کیے ہیں اور ان کی صحت اور فیصلہ سازی سے متعلق بڑے دعوے کیے ہیں۔
دو سال تک ایلون مسک کے رویے اور عادات کا قریب سے مشاہدہ کرنے والے سوانح نگار ابرامسن نے دعویٰ کیا ہے کہ ایلون مسک ‘حواس باختہ’ ہوسکتے ہیں اور امریکی حکومت سے فوری مداخلت کا مطالبہ بھی کیا۔
انہوں نے ایلون مسک کی ذہنی صحت سے متعلق پیچیدگیوں، منشیات کا استعمال اور ذہبنی دباؤ کا بھی حوالہ دیا ہے۔
ان کا کہنا تھا کہ میں نے ایلون مسک کی زندگی کے احوال تحریر کیے ہیں اور دو سال تک ان کا آن لائن رویہ کا جائزہ لیا ہے اور اس کے مطابق وہ تمام ذہنی بیماریوں، منشیات کے بدترین استعمال اور خطرناک حد تک دباؤ میں مبتلا ہیں اور اب ان کے انتہائی بیمار ہونے سے متعلق خدشات میں کوئی شک باقی نہیں رہتی۔
ابرامسن نے حکومت سے مطالبہ کیا کہ امریکا کو ایلون مسک سے محفوظ رکھیں۔
سوانح نگار نے مسک کے ایرواسپیس، الیکٹرک گاڑیوں، سوشل میڈیا، آرٹیفیشل انٹیلیجینس اور نومنتخب امریکی صدر ڈونلڈ ٹرمپ کی انتظامیہ میں گورنمنٹ ایفیشنسی کے محکمے کے سربراہ سمیت کئی شعبوں میں کردار پر روشنی ڈالتے ہوئے بتایا کہ میں واقعی میں سمجھتا ہوں کہ ایلون مسک پاگل ہوجائیں گے۔
ایکس پر بیان میں انہوں نے کہا کہ ایلون مسک کا سویلائزیشن انڈسٹریز اور حکومت اصلاحاتی ٹیم میں ان کے کردار سے ایسی صورت حال پیدا ہوئی ہے جس سے قومی سلامتی خطرے میں پڑسکتی ہے۔
ان کا کہنا تھا کہ امریکی انتظامیہ میں ان کی شمولیت کا مطلب یہ ہے کہ ان کا پاگل پن اور تشدد کے لیے اشتعال ہم سب کو خطرے میں ڈال رہا ہے۔
امریکی مصنف نے موجودہ انتظامیہ کو اپنے آخری دنوں میں اس حوالے سے مسک کے ساتھ جاری حکومتی معاہدے ختم کرنے اور حکومتی محکمے کے تحت غیرآئینی اقدامات کے اعلان کے خلاف قانونی کارروائی سمیت ضروری اقدامات کرنے پر زور دیا ہے۔
انہوں نے لکھا کہ موجودہ انتظامیہ کے پاس مزید 14 دن ہیں، جس میں ان کے پاس امریکا کو ایلون مسک سے بچانے کے لیے ہنگامی اقدامات کا موقع ہے۔
خیال رہے کہ ایلون مسک نے حالیہ صدارتی انتخاب میں ڈونلڈ ٹرمپ کی حمایت کی تھی اور مہم میں بڑھ چڑھ کر حصہ لیا تھا، انتخاب میں کامیابی کے بعد ڈونلڈ ٹرمپ نے مسک کو اہم ذمہ داری دینے کا اعلان کیا اور اپنی حکومتی ٹیم کا حصہ بنایا ہے۔
ایلون مسک نے انگلش ڈیفنس لیگ کے بانی انتہائی دائیں بازو کے نظریات کے حامل ٹومی روبنسن کی حمایت کا بھی اظہار کیا حالانکہ انہیں توہین عدالت پر ڈیڑھ سال قید کی سزا ہوئی ہے۔
رپورٹس کے مطابق ایلون مسک کی ذہنی صحت کے حوالے سے ماضی میں بھی خدشات کا اظہار کیا جاتا رہا ہے، ٹوئٹر کی 44 ارب ڈالر میں خریدار کے بعد گزشتہ برس سان فرانسیسکو میں ڈیو چیپل شو میں ان کی ذہنی صحت کے حوالے سے رپورٹس سامنے آئی تھیں۔
.ذریعہ: Express News
پڑھیں:
مکی آرتھر کی بابر اعظم کی غیر شمولیت پر حیرت
data-id="863a0a8" data-element_type="widget" data-widget_type="theme-post-content.default">
اسلام آباد: قومی کرکٹ ٹیم کے سابق ہیڈ کوچ مکی آرتھر نے ایشیا کپ کے لیے اسکواڈ میں سابق کپتان بابر اعظم کی غیر موجودگی پر حیرانی کا اظہار کیا ہے۔ متحدہ عرب امارات میں جاری ایشیا کپ میں پاکستان کی بیٹنگ لائن کی ناکامی کے بعد کرکٹ حلقوں اور شائقین کی جانب سے سوالات اٹھائے جا رہے ہیں کہ ٹیم انتظامیہ نے آخر کیوں بابر اعظم کو شامل نہیں کیا۔
مکی آرتھر نے اپنے بیان میں کہا کہ یہ سمجھ سے باہر ہے کہ اس ٹیم میں بابر اعظم کیوں شامل نہیں، دنیا بھر کی ٹیمیں اپنی بہترین بیٹنگ لائن کے ساتھ بڑے ایونٹس کھیلتی ہیں مگر پاکستان نے اپنے سب سے بہترین بیٹر کو باہر رکھا ہوا ہے۔
واضح رہے کہ ایشیا کپ کے لیے اعلان کردہ اسکواڈ میں نہ صرف بابر اعظم بلکہ وکٹ کیپر بلے باز محمد رضوان اور فاسٹ باؤلر نسیم شاہ بھی شامل نہیں ہیں، ٹیم کے ان بڑے کھلاڑیوں کی غیر موجودگی پر شائقین اور تجزیہ کاروں کی جانب سے تنقید سامنے آ رہی ہے۔
پاکستانی ٹیم اگرچہ گروپ اے میں مسلسل دو میچ جیت کر اگلے مرحلے کے لیے کوالیفائی کر چکی ہے، بیٹنگ لائن کی مسلسل ناکامی نے سلیکشن کمیٹی کے فیصلوں پر سوالیہ نشان لگا دیا ہے۔
خیال رہےکہ بابر اعظم کو ایشیا کپ کے لیے اسکواڈ سے ڈراپ کرنے کے پیچھے کئی قیاس آرائیاں کی جا رہی ہیں، کچھ رپورٹس کے مطابق یہ فیصلہ ٹیم کی نئی مینجمنٹ اور سلیکشن پالیسی کے تحت کیا گیا، جس میں نوجوان کھلاڑیوں کو موقع دینے پر زور دیا گیا۔ دوسری جانب بعض میڈیا رپورٹس میں دعویٰ کیا جا رہا ہے کہ بابر اعظم انجری اور فٹنس مسائل سے دوچار تھے، اسی وجہ سے انہیں ایشیا کپ کے اسکواڈ میں شامل نہیں کیا گیا۔
کرکٹ کے قریبی حلقوں کا کہنا ہے کہ بابر اعظم مکمل طور پر فٹ ہیں اور ڈومیسٹک کرکٹ سمیت مختلف ٹریننگ سیشنز میں وہ مسلسل بیٹنگ کی مشق کرتے نظر آ رہے ہیں۔ یہی وجہ ہے کہ شائقین یہ سوال اٹھا رہے ہیں کہ جب بابر اعظم فٹ ہیں تو پھر ان کو بڑے ایونٹ سے باہر رکھنے کا جواز کیا ہے۔
سابق کرکٹرز نے بھی اس فیصلے کو حیران کن قرار دیتے ہوئے کہاکہ بابر اعظم کی غیر موجودگی میں پاکستان کی بیٹنگ لائن کا ڈھانچہ کمزور نظر آیا ہے اور ٹیم نے اہم مواقع پر اسکور بنانے میں مشکلات کا سامنا کیا ہے۔
لاہور سے جدہ جانے والی 2 پروازوں کی ہنگامی لینڈنگ؛ طیارے گراؤنڈ کردیے گئے