چیمپیئنز ٹرافی کے لیے ابتدائی اسکواڈ جمع کرانے کا وقت ختم، پاکستانی ٹیم کے نام منظرعام پر کیوں نہ آسکے؟
اشاعت کی تاریخ: 12th, January 2025 GMT
پاکستان کرکٹ بورڈ (پی سی بی) نے چیمپیئزٹرافی 2025 کے لیے قومی کرکٹ ٹیم کے ابتدائی اسکواڈ کو خفیہ رکھا ہے جبکہ انٹرنیشنل کرکٹ کونسل (آئی سی سی) نے ابتدائی اسکواڈ جمع کرانے کی آخری تاریخ 11 فروری مقرر کر رکھی تھی۔
انٹرنیشنل کرکٹ کونسل کی جانب سے چیمپئنز ٹرافی کے لیے ٹیموں کے لیے ابتدائی اسکواڈ جمع کرانے کے لیے حتمی تاریخ 11 جنوری مقرر کی تھی جو کہ قوائد کے مطابق آج اتوار 12 جنوری کو ختم ہو گئی ہے۔
آئی سی سی کے قواعد و ضوابط کے مطابق ٹیموں کو بڑے ٹورنامنٹ کے آغاز سے ایک ماہ قبل ابتدائی اسکواڈ کی فہرست جمع کرانا ہوتی ہے اس لیے چیمپئنز ٹرافی کے لیے سپورٹ کی مدت 12 فروری سے شروع ہوگی۔
میڈیا رپورٹ کے مطابق پاکستان بھی اسی طریقہ کارپرعمل کرنے کا پابند ہے اورابتدائی اسکواڈ میں شامل کھلاڑیوں کی فہرست آئی سی سی کو بھیجنے کا پابند ہے۔ تاہم پاکستان کرکٹ بورڈ کی جانب سے آئی سی سی کو بھیجا گیا ابتدائی اسکواڈ منظر عام پر نہیں آ سکا، نہ ہی ان ناموں کی کوئی فہرست میڈیا کے لیے جاری کی گئی ہے۔
میڈیا رپورٹ کے مطابق چیمپیئنز ٹرافی کے لیے حتمی اسکواڈ کا انحصار صائم ایوب کی فٹنس پر ہوگا۔ ان کی دستیابی کے بارے میں فیصلے کے بعد ہی ٹیم کو حتمی شکل دی جائے گی۔ صائم ایوب کی ٹورنامنٹ میں شرکت ان کی فٹنس پر منحصر ہے اور توقع کی جارہی ہے کہ یہ اسکواڈ حالیہ سہ ملکی سیریز کے لیے منتخب کردہ اسکواڈ سے بہت مماثلت رکھتا ہے۔
حتمی اسکواڈ کے اعلان کے بعد ہی آئی سی سی کی منظوری درکار ہوگی۔ چیمپئنز ٹرافی سے قبل پاکستان کوایک سہ ملکی سیریز بھی کھیلنی ہے۔
میڈیا رپورٹس میں کہا گیا ہے کہ سیریز میں جنوبی افریقہ کا سامنا کرنے والے اسکواڈ میں کم سے کم تبدیلیاں کی جائیں گی۔ واضح رہے کہ فخر زمان کو سہ ملکی ٹورنامنٹ میں موقع دیے جانے کا بھی امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابتدائی اسکواڈ پاکستان پاکستان کرکٹ بورڈ پی سی بی ٹرافی ٹیم چیمپیئنز سہ ملکی سیریز صائم ایوب فخر زمان قومی کرکٹ.
ذریعہ
ذریعہ: WE News
کلیدی لفظ: ابتدائی اسکواڈ پاکستان پاکستان کرکٹ بورڈ پی سی بی ٹرافی ٹیم چیمپیئنز سہ ملکی صائم ایوب کرکٹ ابتدائی اسکواڈ ٹرافی کے لیے کے مطابق سہ ملکی
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ