بددعا کا اثر؟ زیادتی کا نشانہ بنی خاتون کی لاس اینجلس آتشزدگی سے متعلق سابقہ پیشگوئی وائرل
اشاعت کی تاریخ: 12th, January 2025 GMT
کیا امریکا کی حالیہ آگ کسی بددعا کا اثر ہے؟ امریکی موسیقار کے ہاتھوں زیادتی کا نشانہ بننے والی خاتون کی لاس اینجلس آتشزدگی سے متعلق پیشگوئی وائرل ہوگئی، جنسی اسمگلنگ سے بچنے والی ایلی کارٹر نے 4 برس قبل نومبر2020 میں توجہ حاصل کی تھی، اس نے حال ہی میں ویڈیوز جاری کیں جن میں اس کے ساتھ بدسلوکی کی تفصیلات تھیں۔ ایلی کا دعویٰ ہے کہ شیطانی رسم کے تحت اس کے ساتھ بدسلوکی کی گئی۔
گذشتہ برس اکتوبر 2024 میں ایلی کارٹر کی ویڈیو فیس بک پر شیئر کی گئی، جہاں اس نے ایک اور آنے والی گرفتاری کا اشارہ دیتے ہوئے مزید انکشافات کا وعدہ کیا تھا۔ ڈیڈی کی اپنی گرفتاری کے تقریباً ایک ماہ بعد یہ ویڈیو سوشل میڈیا پر گردش کر رہی ہے۔ ویڈیو میں اس نے معنی خیز انداز میں خبردار کیا کہ “ آپ آگ پر نظر رکھیں، دھماکے آگ لگاتے ہیں اور دھماکے ہی حادثاتی آگ لگاتے ہیں۔“
کارٹرنے وضاحت کی کہ لوگ ابتدائی طور پر آگ لگنے کی وجہ سے لاعلم ہوں گے لیکن جب وہ ملوث کنکشن کو سمجھیں گے تو آخر کار انہیں اسمگلنگ سے جوڑ دیں گے۔ اس نے دعویٰ کیا کہ ایک بار جب لوگوں کو ان تعلقات کا احساس ہو جائے گا تو وہ جان جائیں گے کہ آگ حادثاتی نہیں تھی۔
ایلی کارٹر نے دسمبر 2024 میں اسٹو پیٹرز سے بھی بات کی، جہاں انہوں نے اسکولوں، تفریحی پارکوں اور قبرستانوں جیسے مختلف مقامات کے نیچے زیر زمین سرنگوں کے ذریعے اسمگل کیے جانے کی وضاحت کی تھی۔
ویڈیو کو دوسرے صارفین نے شیئر کیا، جس میں ’ایکس‘ پر موجود ایک ہینڈل بھی شامل ہے، جس نے لکھا کہ ”شاید ان آگ کا بہت گہرامقصد ہے، ایلی کارٹر جسے دی گیٹی کے تحت انتہائی مشہور لوگوں نے اسمگل کیا تھا، ہمیں محتاط رہنے کو کہا۔“
مذکورہ ویڈیو نے 2 ملین سے زیادہ آرا اور 4 ہزار سے زائد پوسٹس حاصل کیں، جس سے صارفین کے درمیان قیاس آرائیاں شروع ہوئیں جنہوں نے پیشگوئی کردہ آگ کو لاس اینجلس کے حالیہ تباہ کن جنگل کی آگ سے جوڑا ہے۔ ایک صارف نے تبصرہ کیا کہ ”یقیناً کچھ غلط ہو رہا ہے،“ جبکہ دوسرے نے کہا کہ ”میں صرف سوچ رہا تھا، اس آگ کے بارے میں کچھ تو عجیب ہے۔“
ذریعہ
ذریعہ: Daily Mumtaz
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
ٹی20 ورلڈ کپ 2026: پاکستان نے سپر 8 کے لیے جگہ پکی کر لی