بدین میں ڈسٹرکٹ بار ایسوسی ایشن کے سالانہ انتخابات
اشاعت کی تاریخ: 13th, January 2025 GMT
بدین (نمائندہ جسارت)بدین ڈسٹرکٹ بار ایسوسی ایشن کے سالانہ انتخابات لالہ دلدار پٹھان اور امیر آزاد فرینڈز گروپ بھاری اکثریت سے کامیاب دلدار خان صدر اور امیر آزاد پھنور سیکرٹری منتخب ، پیپلزپارٹی کے ایم پی اے کے حمایت یافتہ گروپ کو شکست کا سامنا،کامیاب گروپ کا جشن ۔بدین ڈسٹرکٹ بار ایسوسی ایشن کے سالانہ انتخابات میں لالہ دلدار پٹھان اور امیر آزاد فرینڈز گروپ بھاری اکثریت سے کامیاب ہو گیا جبکہ پیپلزپارٹی کے ایم پی اے حاجی تاج محمد ملاح کے حمایت یافتہ گروپ کو شکست کا سامنا کرنا پڑا۔ ڈسٹرکٹ بار ایسوسی ایشن بدین کے سالانہ انتخابات میں سینئر وکیل رہنما اور پیپلز پارٹی لائر فورم ضلع بدین کے صدر سابق صدر بدین بار ایڈوکیٹ دلدار خان پٹھان اور سندھ یونائیٹڈ پارٹی کے مرکزی نائب صدر ایڈووکیٹ امیر آزاد پھنور کے فرینڈز گروپ کا مقابلہ پیپلزپارٹی کے رکن صوبائی اسمبلی حاجی تاج محمد ملاح کے حمایت یافتہ ایڈووکیٹ فیاض ابڑو گروپ کے درمیان ہوا۔انتخابی نتائج کے مطابق ایڈووکیٹ دلدار خان پٹھان نے سندھ ترقی پسند پارٹی لائر فورم کے ضلعی صدر ایڈووکیٹ ریاض مصطفیٰ آرائیں کو شکست دے کر صدر منتخب ہو گئے جبکہ ایڈووکیٹ امیر آزاد پھنور نے پیپلزپارٹی کے اصغر چانگ کو شکست دے کر سیکرٹری منتخب ہو گئے۔ ڈسٹرکٹ بار ایسوسی ایشن انتخابات کے جاری نتائج کے مطابق معشوق بھرگڑی نائب صدر ، اسد کھوسو جوائنٹ سیکرٹری ، کامران بھرگڑی خزانچی ، رمضان رند لائبریرین سیکرٹری اور مینجمنٹ کمیٹی کے لئے محمد پریاڑ، عزیز بکاری ، محمد سلطان سومرو ، مختار ساند ، محمد رفیق آرائیں اور نور محمد سومرو کامیاب ہو گئے۔واضح رہے کہ ڈسٹرکٹ بار ایسوسی ایشن کے انتخابات میں کامیاب وکل گروپ کو پیپلزپارٹی لائر فورم ، جی ڈی اے مرزا گروپ ، سندھ یونائیٹڈ پارٹی کے علاوہ تحریک انصاف اور نوجوان وکل کی اکثریت کی حمایت حاصل تھی جبکہ شکست سے دوچار ہونے والے گروپ کو پیپلزپارٹی اراکین اسمبلی کے علاوہ سندھ ترقی پسند پارٹی کی حمایت حاصل تھی۔کامیاب گروپ کے وکلا کی جانب سے اپنے حمایت یافتہ امیدواروں کی شاندار کامیابی پر ڈھول کی تھاپ پر نعرے بازی کرتے ہوئے جشن منایا گیا اور کامیاب امیدواروں کو پھولوں کے ہار اور سندھی اجرکوں کے تحفے بھی پیش کیے گئے جبکہ جشن کا سلسلہ رات دیر تک جاری رہا۔
.ذریعہ: Jasarat News
کلیدی لفظ: ڈسٹرکٹ بار ایسوسی ایشن کے کے سالانہ انتخابات پیپلزپارٹی کے پارٹی کے کو شکست
پڑھیں:
ہفتہ وار مہنگائی کی شرح میں 0.56 فیصد اضافہ، سالانہ شرح 4.07 فیصد ریکارڈ
ادارہ شماریات نے ہفتہ وار بنیادوں پر مہنگائی کی رپورٹ جاری کر دی ہے جس کے مطابق ایک ہفتے کے دوران مہنگائی کی شرح میں 0.56 فیصد اضافہ ریکارڈ کیا گیا۔
ادارہ شماریات کی رپورٹ کے مطابق دوسری جانب سالانہ بنیادوں پر ہفتہ وار مہنگائی کی شرح 4.07 فیصد رہی۔
یہ بھی پڑھیں: اگست 2025 میں مہنگائی کی شرح کم ہوکر 3 فیصد پر آگئی
رپورٹ کے مطابق گزشتہ ہفتے کے دوران 19 اشیائے ضروریہ کی قیمتوں میں اضافہ، 12 اشیا کی قیمتوں میں کمی اور 20 اشیا کی قیمتوں میں استحکام ریکارڈ کیا گیا۔
اعداد و شمار کے مطابق ٹماٹر سب سے زیادہ مہنگے ہوئے اور ایک ہفتے میں ان کی قیمت فی کلو 88 روپے 22 پیسے بڑھ گئی۔
اسی طرح پیٹرول اور ڈیزل کی قیمتیں بھی 4 روپے سے زائد بڑھ گئیں۔
لہسن کی فی کلو قیمت میں 5 روپے 6 پیسے اضافہ ہوا جبکہ بیف، دہی، تازہ دودھ، گندم کا آٹا، دال ماش اور سگریٹ بھی مہنگی ہونے والی اشیا میں شامل ہیں۔
مزید پڑھیں: مہنگائی کی شرح میں معمولی اضافہ، ادارہ شماریات کی ہفتہ وار رپورٹ جاری
ایک ہفتے میں چکن فی کلو 27 روپے 39 پیسے سستا ہوا جبکہ ایل پی جی کا گھریلو سلنڈر 12 روپے 87 پیسے کم قیمت پر دستیاب رہا۔
رپورٹ کے مطابق دوسری جانب کچھ اشیا کی قیمتوں میں کمی بھی دیکھی گئی۔
اسی طرح کیلے فی درجن 1 روپے سستے ہوئے جبکہ آلو، دال مونگ، انڈے، چاول اور چینی کی قیمتوں میں بھی کمی ریکارڈ کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ادارہ شماریات اشیا پیٹرول ڈیزل شرح مہنگائی
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری