نیپون اور یو ایس اسٹیل کا انضمام: جاپان امریکا تناؤ
اشاعت کی تاریخ: 13th, January 2025 GMT
ان دنوں عالمی اخبارات میں جاپان کی سب سے بڑی اسٹیل کمپنی نیپون اسٹیل اور امریکا کی ایک اہم اسٹیل پروڈیوسر یو ایس اسٹیل کے تاریخی انضمام کے خلاف جو بائیڈن کی جانب سے لگائی گئی پابندی شہ سرخیوں میں جگہ پارہی ہے۔ دونوں کمپنیوں نے امریکی صدر جو بائیڈن کے حالیہ فیصلے کو عدالت میں چیلنج کیا ہے، جس میں انہوں نے اس انضمام کو قومی سلامتی کے خدشات کی بنیاد پر روک دیا تھا۔ بائیڈن کے اس فیصلے نے نہ صرف دو بڑی اسٹیل کمپنیوں کی قسمت کو داؤ پر لگا دیا ہے بلکہ جاپان اور امریکا کے اقتصادی تعلقات کو بھی شدید متاثر کیا ہے۔ نیپون اسٹیل اور یو ایس اسٹیل نے اپنے انضمام کے لیے 14.
امریکی صدر کا فیصلہ بظاہر قومی سلامتی کے تحفظ کے لیے تھا، جس میں انہوں نے کہا تھا کہ اس انضمام سے امریکا کی اسٹیل سپلائی چینز کو خطرہ ہو سکتا ہے، خاص طور پر وہ صنعتیں جو امریکا کے دفاعی شعبے کے لیے اہم ہیں۔ لیکن نیپون اسٹیل اور یو ایس اسٹیل نے اس فیصلے کو سیاسی قرار دیا ہے، اور دونوں کمپنیوں کا کہنا ہے کہ بائیڈن نے فیصلہ اس لیے کیا تاکہ یونائیٹڈ اسٹیل ورکرز یونین (یو ایس ڈبلیو یو) جیسے سیاسی اتحادیوں کو خوش کیا جا سکے۔ یو ایس ڈبلیو یو، جو ڈیموکریٹک پارٹی کا اہم حامی ہے، نے اس انضمام کی مخالفت کی تھی، کیونکہ ان کا کہنا تھا کہ اس سے امریکی ملازمتوں پر منفی اثرات مرتب ہوں گے۔ یونین کا موقف تھا کہ اس انضمام سے امریکی اسٹیل صنعت کو نقصان پہنچے گا اور نوکریوں میں کمی ہو گی۔ بائیڈن کی حمایت میں یہ یونین ایک اہم طاقت سمجھی جاتی ہے، اور اس کے اثر رسوخ کو نظر انداز نہیں کیا جا سکتا تھا۔ نیپون اسٹیل اور یو ایس اسٹیل نے بائیڈن کے فیصلے کو عدالت میں چیلنج کرتے ہوئے دو مقدمات دائر کیے ہیں۔ پہلا مقدمہ امریکی عدالت برائے اپیلز میں دائر کیا گیا، جہاں ان کمپنیوں نے کہا کہ بائیڈن کا فیصلہ قانونی طور پر بے بنیاد ہے اور اس کا مقصد سیاسی فائدہ حاصل کرنا تھا۔ ان کا دعویٰ ہے کہ انضمام سے امریکا کی اسٹیل صنعت کو کوئی خطرہ نہیں ہے، بلکہ یہ معاہدہ امریکی معیشت کو مزید مستحکم کرے گا۔
دوسرا مقدمہ کلیولینڈ کلفس انکارپوریٹڈ اور اس کے سی ای او لورینسو گونکالوس کے خلاف پنسلوانیا کی عدالت میں دائر کیا گیا ہے۔ اس مقدمے میں الزام لگایا گیا ہے کہ کلیولینڈ کلفس اور یو ایس ڈبلیو یو نے سازباز کی تاکہ وہ کسی بھی قیمت پر یو ایس اسٹیل کو اپنے قبضے میں کر لیں، اور اس راستے میں نیپون اسٹیل کے انضمام کی راہ میں رکاوٹ ڈالیں۔ دوسری جانب جاپانی حکومت نے بھی بائیڈن کے فیصلے پر شدید ردعمل ظاہر کیا ہے۔ وزیر اعظم شیگیرو ایشیبا نے اس فیصلے کو ’’انتہائی افسوسناک‘‘ قرار دیتے ہوئے کہا کہ یہ دونوں ممالک کے اقتصادی تعلقات کے لیے ایک سنگین مسئلہ بن سکتا ہے۔ جاپان کے حکومتی عہدیداروں نے اس بات پر زور دیا ہے کہ بائیڈن کا فیصلہ جاپانی سرمایہ کاری کے لیے ایک بری نظیر قائم کر رہا ہے، جس سے دوسرے ممالک میں جاپانی کمپنیوں کے لیے مشکلات پیدا ہو سکتی ہیں۔
وزیر خارجہ تاکیوشی ایویا نے بھی بائیڈن کے فیصلے پر ناراضی کا اظہار کرتے ہوئے کہا کہ اس سے جاپان اور امریکا کے درمیان کاروباری تعلقات میں اعتماد کا فقدان ہو سکتا ہے۔ انہوں نے کہا کہ اقتصادی تعلقات دوطرفہ تعلقات کی بنیاد ہیں، اور اس فیصلے سے دونوں ملکوں کے درمیان سرمایہ کاری کے لیے ایک غیر یقینی ماحول پیدا ہو رہا ہے۔ اس فیصلے میں ایک اور اہم پہلو سابق امریکی صدر ڈونلڈ ٹرمپ کا موقف ہے۔ ٹرمپ نے بائیڈن کے فیصلے پر کھل کر تنقید کی اور کہا کہ یو ایس اسٹیل کو آزادانہ طور پر رہنے دینا چاہیے کیونکہ وہ موجودہ ٹیر فیس کی بنا پر زیادہ منافع بخش ہو سکتا ہے۔ ٹرمپ کا خیال تھا کہ یو ایس اسٹیل کو دوبارہ اپنا سابقہ مقام حاصل کرنے کے لیے آزادانہ طور پر کام کرنے کا موقع ملنا چاہیے، نہ کہ اسے جاپان کی کمپنی کے ہاتھوں میں دے دیا جائے۔
یہ موقف ظاہر کرتا ہے کہ امریکا میں مزدور یونینز اور پولیٹیکل انٹرسٹس کس طرح اہم کاروباری فیصلوں کو متاثر کر تے ہیں۔ ٹرمپ کے نزدیک یہ معاہدہ امریکی اسٹیل کمپنی کے لیے فائدہ مند ہو سکتا تھا، جبکہ بائیڈن کا موقف تھا کہ اسے روکا جانا چاہیے تاکہ امریکی صنعت کے مفادات کا تحفظ کیا جا سکے۔ اس فیصلے سے جاپان، امریکا اقتصادی تعلقات پر بھی طویل المدتی اثرات پڑنے کے واضح امکانات نظر آتے ہیں۔ نیپون اسٹیل اور یو ایس اسٹیل کا انضمام محض ایک کاروباری معاہدہ نہیں تھا، بلکہ اس نے جاپان اور امریکا کے اقتصادی تعلقات کے مستقبل کو بھی متاثر کیا ہے۔ اگر نیپون اسٹیل اور یو ایس اسٹیل کی قانونی جنگ کامیاب نہیں ہوتی تو یہ امریکا میں غیر ملکی سرمایہ کاری کی پالیسی پر ایک سنگین سوالیہ نشان چھوڑے گا۔ اگر اس معاہدے کو منسوخ کر دیا جاتا ہے تو اس کا مطلب یہ ہو گا کہ مستقبل میں دیگر جاپانی کمپنیاں امریکا میں سرمایہ کاری کرنے سے پہلے کئی بار سوچیں گی۔
خاص طور پر اگر انضمام کی نوعیت حساس شعبوں سے متعلق ہو۔ اس فیصلے نے امریکا اور جاپان کے تجارتی تعلقات میں ایک نیا تناؤ پیدا کر دیا ہے، جو آنے والے برسوں تک دونوں ممالک کے اقتصادی تعلقات کو متاثر کر سکتا ہے۔اس تمام صورتحال میں دونوں ممالک کو یہ سمجھنا ہوگا کہ عالمی سطح پر تجارتی تعلقات کی ترقی کے لیے ایک قابل اعتماد اور مستحکم کاروباری ماحول کا ہونا ضروری ہے، جہاں سرمایہ کار سیاسی دباؤ اور غیر ضروری رکاوٹوں سے آزاد ہو کر اپنے فیصلے کر سکیں۔
ذریعہ: Jasarat News
کلیدی لفظ: کے اقتصادی تعلقات دونوں کمپنیوں سرمایہ کاری اور امریکا کے لیے ایک امریکا کے امریکا کی تھا کہ اس اس فیصلے فیصلے کو کے لیے ا اور اس کہا کہ دیا ہے کیا ہے
پڑھیں:
امریکی عدالت نے ٹرمپ کا وفاقی انتخابات سے متعلق اہم حکم نامہ کالعدم قرار دے دیا
data-id="863a0a8" data-element_type="widget" data-widget_type="theme-post-content.default">
واشنگٹن: امریکی عدالت نے صدر ڈونلڈ ٹرمپ کے جاری کردہ وفاقی انتخابات سے متعلق حکم نامے کے ایک اہم حصے کو کالعدم قرار دے دیا ہے۔
بین الاقوامی خبر رساں اداروں کے مطابق عدالت نے قرار دیا ہے کہ وفاقی سطح پر ووٹ ڈالنے کے لیے شہریوں سے شہریت کا ثبوت طلب کرنا آئین کے منافی ہے اور صدرِ مملکت کو ایسا حکم دینے کا کوئی قانونی اختیار حاصل نہیں۔
یاد رہے کہ ڈونلڈ ٹرمپ نے رواں سال مارچ میں ایک ایگزیکٹو آرڈر کے ذریعے یہ شرط عائد کی تھی کہ امریکا میں ووٹ ڈالنے والے ہر شہری کو اپنی شہریت کا ثبوت فراہم کرنا ہوگا۔ ٹرمپ انتظامیہ کا مؤقف تھا کہ اس اقدام سے غیر قانونی تارکین وطن کی ووٹنگ میں مبینہ مداخلت روکی جا سکے گی، تاہم عدالت نے اس فیصلے کو غیر آئینی قرار دیتے ہوئے معطل کر دیا۔
فیصلے میں کہا گیا کہ امریکی آئین کے تحت ووٹنگ کے اصولوں اور اہلیت کا تعین صرف کانگریس کا اختیار ہے، صدرِ مملکت کو اس بارے میں کسی نئی پابندی یا شرط لگانے کا اختیار حاصل نہیں۔ جج نے اپنے فیصلے میں لکھا کہ ووٹ کا حق بنیادی جمہوری اصول ہے، جس پر انتظامی اختیارات کی بنیاد پر کوئی قدغن نہیں لگائی جا سکتی۔
سیاسی ماہرین کے مطابق عدالت کا یہ فیصلہ امریکی صدارتی انتخابات سے قبل انتخابی قوانین پر جاری بحث کو مزید شدت دے گا۔ ریپبلکن پارٹی کے حلقے اس فیصلے کو غلط سمت میں قدم قرار دے رہے ہیں، جبکہ ڈیموکریٹس کا کہنا ہے کہ یہ فیصلہ عوام کے حقِ رائے دہی کے تحفظ کے لیے سنگِ میل ثابت ہوگا۔
مبصرین کے مطابق ٹرمپ کا یہ اقدام انتخابی شفافیت کے نام پر سیاسی مقاصد حاصل کرنے کی کوشش تھی جب کہ مخالفین کا مؤقف ہے کہ ٹرمپ کی پالیسیوں کا مقصد اقلیتوں اور کم آمدنی والے طبقے کے ووٹ کو محدود کرنا تھا، جو زیادہ تر ڈیموکریٹک پارٹی کی حمایت کرتے ہیں۔
جعلی بینک اکاؤنٹس کیس: 12 ارب کے منجمد شیئرز ڈی فریز کرنے کا فیصلہ معطل کرنے کی استدعا مسترد