ڈریمز آن اے پلو: فلسطینی ماں کی دل دہلا دینے والی کہانی
اشاعت کی تاریخ: 13th, January 2025 GMT
غزہ: فلسطینی گیم ڈویلپر راشد ابو عیدہ نے اپنی نئی گیم "ڈریمز آن اے پلو” کا اعلان کیا ہے، جو 1948 کی نکبہ کے پس منظر پر مبنی ہے۔
یہ گیم ایک جنگ زدہ ماں کی کہانی بیان کرتی ہے، جو اپنے بچے کی جگہ جلد بازی میں ایک تکیہ اٹھا لیتی ہے اور اپنی بقا کی جنگ لڑتی ہے۔
"ڈریمز آن اے پلو” ایک دل دہلا دینے والی کہانی پر مبنی ہے، جو ایک عورت کے کرب اور جدوجہد کو اجاگر کرتی ہے۔ گیم میں کھلاڑی کو تکیے کو ساتھ رکھنے یا چھوڑنے کے فیصلے کا سامنا کرنا پڑے گا، جس سے کردار کی ذہنی حالت متاثر ہوگی۔ گیم کا مقصد نکبہ کے وقت فلسطینیوں کی اذیت ناک حالت کو محسوس کرنا اور سمجھنا ہے۔
راشد ابو عیدہ نے برطانوی میڈیا کو بتایا کہ فلسطینی کہانی کو پیش کرنا ہمیشہ مشکل رہا ہے۔ انہوں نے بتایا کہ انہیں اس پروجیکٹ کے لیے 300 مرتبہ فنڈنگ کی درخواستوں پر مسترد کیا گیا۔
مشکلات کے باوجود، ابو عیدہ نے ایک مسلم کراؤڈ فنڈنگ پلیٹ فارم لانچ گوڈ کے ذریعے اپنی مہم چلائی، جس کی مدد سے وہ 7 جنوری تک آدھے اخراجات کے لیے درکار رقم جمع کرنے میں کامیاب رہے۔
انہوں نے کہا، "لوگوں کی حمایت حیرت انگیز رہی۔ یہ ظاہر کرتا ہے کہ فلسطینی کہانی کے لیے کتنا جوش و خروش ہے۔”
یہ گیم تقریباً دو سال میں مکمل ہوگی۔ ابو عیدہ نے اپنی حفاظت کے لیے ایک پالیسی بھی مرتب کی ہے تاکہ ان کے ساتھ کچھ ہونے کی صورت میں گیم مکمل ہو سکے۔
راشد ابو عیدہ نے 10 سال پہلے گیم "لیلا اینڈ دی شیڈوز آف وار” تخلیق کی تھی، جس نے کئی ایوارڈز اور نامزدگیاں حاصل کیں، جن میں "ایکسلینس ان اسٹوری ٹیلنگ” کا ایوارڈ بھی شامل ہے۔
TagsShowbiz News Urdu.
ذریعہ: Al Qamar Online
کلیدی لفظ: پاکستان کھیل کے لیے
پڑھیں:
اسرائیلی جارحیت کے نتیجے میں غزہ ابتک کتنے لاکھ فلسطینی بے گھر ہو ئے؟ اقوام متحدہ نے بتا دیا
اقوام متحدہ نے کہا ہے کہ غزہ میں جاری اسرائیلی حملوں کے باعث ایک ماہ کے دوران تقریباً 5 لاکھ افراد بے گھر ہو چکے ہیں۔
عرب میڈیا رپورٹ کے مطابق یہ بات فلسطینی پناہ گزینوں کے لئے اقوام متحدہ کی ریلیف اینڈ ورکس ایجنسی (یو این آر ڈبلیو اے) نے جمعہ کو جاری بیان میں کہی۔
ادارے نے کہا کہ اسرائیلی فوج کی جانب سے بار بار جاری کیے جانے والے جبری انخلا کے احکامات نے فلسطینیوں کو غزہ کے صرف ایک تہائی سے بھی کم حصے تک محدود کر دیا ہے اور گزشتہ ایک ماہ میں غزہ کی پٹی میں5 لاکھ افراد بے گھر ہو چکے ہیں ۔
ادارے نے کہا کہ یہ باقی ماندہ علاقہ نہ صرف تباہ ہوا اور غیر محفوظ ہے بلکہ مشکل سے ہی انسانی رہائش کے قابل ہے۔
ایجنسی نے یہ بھی نشان دہی کی ہے کہ پناہ گاہیں شدید حد تک گنجان ہو چکی ہیں، بنیادی خدمات فراہم کرنے والے ادارے سخت جد و جہد کر رہے ہیں اور باقی ماندہ وسائل تیزی سے ختم ہو رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مہلت ختم، اقدامات سخت، پاکستان میں مقیم غیر قانونی، غیر ملکی اور افغان سٹیزن کے انخلا کا عمل مزید تیز