بانی پی ٹی آئی اور بشریٰ بی بی کے 190 ملین پاؤنڈ کیس کا فیصلہ تیسری بار ملتوی
اشاعت کی تاریخ: 13th, January 2025 GMT
اسلام آباد: سابق وزیراعظم عمران خان اور ان کی اہلیہ بشریٰ بی بی کے خلاف 190 ملین پاؤنڈ کی بدعنوانی کے کیس کا فیصلہ ایک بار پھر ملتوی کر دیا گیا ہے۔ احتساب عدالت کے جج ناصر جاوید رانا نے یہ فیصلہ اڈیالہ جیل میں سنانا تھا، مگر دونوں ملزمان عدالت میں پیش نہیں ہوئے، جس کے باعث فیصلہ ایک اور بار مؤخر ہوگیا۔
جج ناصر جاوید رانا کا کہنا تھا کہ انہوں نے عمران خان کو دو بار پیغام بھیجا، مگر وہ عدالت نہیں آئے، اور نہ ہی بشریٰ بی بی یا ان کے وکلا کی طرف سے کوئی پیش ہوئے۔ عمران خان کی جانب سے یہ موقف اختیار کیا گیا کہ جب تک ان کی فیملی یا وکلا میں سے کوئی نہیں آتا، وہ عدالت میں پیش نہیں ہوں گے۔
جج نے کہا کہ وہ دو گھنٹے سے عدالت میں انتظار کر رہے ہیں، مگر کوئی نہیں آیا۔ اس کے باوجود انہوں نے ملزمان کو ایک اور موقع دیتے ہوئے کیس کا فیصلہ 17 جنوری 2025 کو سنانے کا اعلان کیا ہے۔
یاد رہے کہ اس کیس کا فیصلہ پہلے 18 دسمبر 2024 کو محفوظ کیا گیا تھا، جس کے بعد 23 دسمبر 2024، 6 جنوری 2025، اور پھر 13 جنوری 2025 کی تاریخیں مقرر کی گئی تھیں، لیکن اب فیصلہ 17 جنوری کو سنایا جائے گا۔
نیب کی جانب سے اس کیس کی تحقیقات میں ایک سال کا وقت لیا اور 35 گواہان کے بیانات ریکارڈ کیے۔ ان گواہان میں اہم شخصیات جیسے سابق وزیراعلیٰ خیبرپختونخوا پرویز خٹک، سابق پرنسپل سیکرٹری اعظم خان اور سابق وفاقی وزیر زبیدہ جلال شامل ہیں۔ اس کیس میں فرد جرم 27 فروری 2024 کو عائد کی گئی تھی، اور نیب نے الزام عائد کیا تھا کہ بانی پی ٹی آئی اور بشریٰ بی بی نے ناجائز طریقے سے رقم حاصل کی۔
.ذریعہ: Nai Baat
کلیدی لفظ: کیس کا فیصلہ
پڑھیں:
اسپین کا بڑا فیصلہ: اسرائیل کے ساتھ 825 ملین ڈالر کا اسلحہ معاہدہ منسوخ
میڈرڈ: اسپین نے اسرائیلی ہتھیاروں کی ایک بڑی ڈیل منسوخ کر دی ہے جس کی مالیت تقریباً 70 کروڑ یورو (825 ملین ڈالر) تھی۔ یہ معاہدہ اسرائیلی کمپنی ایل بٹ سسٹمز کے ڈیزائن کردہ راکٹ لانچر سسٹمز کی خریداری کے لیے کیا گیا تھا۔
یہ اقدام ایسے وقت میں سامنے آیا ہے جب اسپین کے وزیرِاعظم پیدرو سانچیز نے اعلان کیا تھا کہ ان کی حکومت اسرائیل کے ساتھ اسلحے کی خرید و فروخت پر مکمل قانونی پابندی عائد کرے گی۔
رپورٹس کے مطابق یہ معاہدہ 12 SILAM راکٹ لانچر سسٹمز کی خریداری پر مشتمل تھا، جو اسرائیلی پلیٹ فارم PULS پر مبنی ہیں۔ معاہدہ منسوخی کی تصدیق 9 ستمبر کو اسپین کے سرکاری پبلک کنٹریکٹس پلیٹ فارم پر کی گئی۔
اسپین کی بائیں بازو کی حکومت نے اسرائیل کے غزہ پر حملوں کو ’’نسل کشی‘‘ قرار دیا ہے اور کہا ہے کہ ہتھیاروں کی تجارت روک کر اس عمل کو ختم کرنے کے لیے عملی اقدامات کیے جا رہے ہیں۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام