لاس اینجلس: آگ کی شدت اور ہلاکتوں کی تعداد میں مسلسل اضافہ
اشاعت کی تاریخ: 13th, January 2025 GMT
اسلام آباد (اُردو پوائنٹ ۔ DW اردو۔ 13 جنوری 2025ء) مقامی حکام کے مطابق امریکہ کے لاس اینجلس میں جنگل کی آگ سے مرنے والوں کی تعداد اب 24 ہو گئی ہے۔ ان میں 16 ہلاکتیں ایٹن فائر زون میں، جب کہ آٹھ پیلیسیڈس فائر زون میں ہوئیں۔
اس وقت امدادی کارکنان علاقے میں سرچ آپریشن جاری رکھے ہوئے ہیں اور خدشہ ہے مرنے والوں کی تعداد میں مزید اضافہ ہوسکتا ہے۔
کیلیفورنیا: جنگلاتی آگ کی تباہی کی تفتیش کے مطالبات
بہتر موسمی حالات اور فائر فائٹرز کی کوششوں نے پیلیسیڈس میں آگ کو پھیلنے سے قدرے محدود کر دیا ہے۔ تاہم، 'آگ کی شدت اور جان لیوا حالات' کی وجہ سے آنے والے دنوں میں حالات دوبارہ خراب ہونے والے ہیں۔ آگ اب تک اب 23,713 ایکڑ پر پھیل چکی ہے، اس میں صرف 13 فیصد علاقے پر قابو پایا جاسکا ہے۔
(جاری ہے)
نیشنل ویدر سروس کے ماہر موسمیات روز شوئن فیلڈ نے کہا کہ 110 کلومیٹر فی گھنٹہ کی رفتار سے چلنے والی ہواؤں کا مطلب ہے کہ منگل کے اوائل سے "خاص طور پر خطرناک صورتحال" کا اعلان متوقع ہے۔
کم از کم 16 افراد لاپتہلاس اینجلس کے جنگلات میں لگی آگ کے باعث کم از کم 16 افراد لاپتہ ہیں۔
لاس اینجلس کاؤنٹی کے شیرف رابرٹ لونا نے اتوار کے روز کہا کہ ایٹن فائر زون میں 12 افراد لاپتہ ہیں اور چار پیلیسیڈس سے لاپتہ ہیں۔
کیلیفورنیا میں جنگلاتی آگ: تباہ کن قدرتی آفات میں سے ایک
لونا نے مزید کہا کہ لاپتہ افراد کی تعداد میں اضافے کا امکان ہے کیونکہ "درجنوں" مزید رپورٹس اگلے دنوں میں آ سکتی ہیں۔
تفتیش کار اس بات کی بھی تفتیش کر رہے تھے کہ آیا لاپتہ ہونے والے افراد میں سے کوئی جنگل کی آگ سے ہلاک ہوا ہے۔
شیرف کے محکمے کی ٹیموں نے انسانی باقیات کی تلاش کے لیے جاسوس کتوں کا استعمال کرتے ہوئے اتوار کو بھی اپنی کوششیں جاری رکھیں۔
لاس اینجلس کے ارد گرد پانچ محاذوں پر آگفائر فائٹرز نے لاس اینجلس میں اتوار کے روز پانچ الگ الگ محاذوں پر آگ پر قابو پانے کی کوشش کی، جو مسلسل بڑھتی ہی جارہی ہے۔
کیلیفورنیا کے گورنر گیون نیوزوم نے، این بی سی کے میٹ دی پریس کے ساتھ ایک انٹرویو میں کہا کہ جنگل کی آگ امریکی تاریخ کی بدترین قدرتی آفت بن سکتی ہے۔
انہوں نے کہا،" میرے خیال میں یہ نہ صرف اس سےہونے والے مالی نقصان کے لحاظ سے بلکہ وسعت اور دائرہ کار کے لحاظ سے بھی بدترین ہو گا۔
'نیوزوم نے مزید کہا کہ وہ شہر کی تعمیر نو کے لیے "مارشل پلان" شروع کر رہے ہیں۔
انہوں نے کہا، "ہماری ایک ٹیم نے اس پر کام شروع کردیا ہے۔"
آگ بدھ تک رہنے کا خدشہلاس اینجلس میں تشویش پائی جاتی ہے کہ موسم کے بگڑتے حالات کا مطلب یہ ہوسکتا ہے کہ جنگل کی آگ رواں ہفتے بدھ تک جاری رہ سکتی ہے۔
نیشنل ویدر سروس نے پیر کے آخر سے منگل کی صبح تک خطرناک ہواؤں کی پیش گوئی کی ہے، جس میں 110 کلومیٹر فی گھنٹہ کی رفتار تک ہوا چل سکتی ہے۔ جمعرات تک حالات کے معتدل ہونے کی توقع ہے۔ خیال رہے کہ یہ آگ تقریباﹰ دس روز قبل شروع ہوئی تھی۔
ج ا ⁄ ر ب (اے پی، روئٹرز، اے ایف پی)
.ذریعہ: UrduPoint
کلیدی لفظ: تلاش کیجئے لاس اینجلس جنگل کی آگ کی تعداد کہا کہ
پڑھیں:
فلپائن؛ طوفان میں فوجی ہیلی کاپٹر بھی تباہ، 6 اہلکار ہلاک؛ مجموعی تعداد 86 ہوگئی
فلپائن میں آنے والے طاقتور طوفان کالماگی نے بڑے پیمانے پر تباہی مچا دی ہر طرف لاشیں اور گھروں کا ملبہ پڑا ہے۔
عالمی خبر رساں ادارے کے مطابق فلپائن فوج کا یو ایچ-ون ہیلی کاپٹر جزیرہ منڈاناؤ کے علاقے اگوسان ڈیلسور کے متاثرہ علاقوں میں امدادی کارروائیاں انجام دے رہا تھا۔
اس دروان امدادی ہیلی کاپٹر نامعلوم وجوہات کی بنا پر گرکر تباہ ہوگیا اور اس میں سوار تمام چھ اہلکار موقع پر ہی ہلاک ہوگئے۔ جلی ہوئی لاشوں کو ملبے سے نکال لیا گیا۔
ان چھ اہلکاروں کی ہلاکت کے بعد فلپائن میں آنے والے طوفان کالماگی میں ہلاک ہونے والوں کی تعداد 86 تک جا پہنچی ہے۔
سب سے زیادہ تباہی جزیرہ سیبو میں ہوئی جہاں 39 افراد ڈوبنے یا ملبے کے نیچے آ کر ہلاک ہوئے۔ قریبی جزیرے بوہول سے بھی ایک ہلاکت کی اطلاع ملی ہے۔
اب تک 10 ہزار سے زائد افراد کو محفوظ مقامات پر منتقل کیا گیا جبکہ سیکڑوں مکانات زیرِ آب آ گئے۔ کئی شہروں میں بجلی منقطع ہے اور ٹیلی فون سروس بھی متاثر ہوئی۔
سیبو کی صوبائی انفارمیشن افسر اینجیلیز اورونگ نے بتایا کہ امدادی کاموں کے دوران ملبے تلے دبی لاشیں ملنے کا سلسلہ جاری ہے اور تاحال متعدد افراد لاپتا ہیں۔
سوشل میڈیا پر گردش کرنے والی ویڈیوز میں دیکھا جا سکتا ہے کہ کئی علاقوں میں گاڑیاں پانی کے بہاؤ میں بہہ گئیں۔ گاڑیاں ایک دوسرے کے اوپر چڑھی ہوئی نظر آئیں۔
عینی شاہدین کے مطابق پانی اتنی تیزی سے بڑھا کہ لوگ گھروں کی بالائی منزلوں اور چھتوں پر پناہ لینے پر مجبور ہو گئے۔
ایک مقامی شہری جان پاتاجو نے بتایا کہ جب پانی کی سطح بڑھنے لگی تو ہم اوپر کی منزل پر چلے گئے، مگر پانی وہاں تک پہنچ گیا تو ہمیں چھت پر جانا پڑا۔
ریڈ کراس کی جاری کردہ تصاویر میں امدادی کارکنوں کو گھٹنوں تک پانی میں کھڑے متاثرہ شہریوں کو کشتیوں کے ذریعے محفوظ مقام پر منتقل کرتے دیکھا جا سکتا ہے۔
سرکاری موسمیاتی ادارے پیگاسا کے مطابق طوفان کالماگی، جسے مقامی طور پر ٹینو کہا جا رہا ہے، منگل کی صبح زمین سے ٹکرایا۔
اس کے جھکڑوں کی رفتار 120 کلومیٹر فی گھنٹہ تک تھی جبکہ جھکڑوں کے جھونکے 165 کلومیٹر فی گھنٹہ تک ریکارڈ کیے گئے۔
طوفان کے باعث 300 سے زائد پروازیں منسوخ کر دی گئیں اور بحری جہازوں کو بندرگاہوں پر واپس آنے کی ہدایت کی گئی۔
دریں اثنا، ویتنام نے بھی ہنگامی تیاریوں کا اعلان کیا ہے کیوں کہ طوفان کالماگی کا جمعرات کی رات ویتنام کے وسطی علاقوں سے ٹکرانے کا امکان ہے۔
یہ ویتنام کا وہی علاقہ ہے جہاں گزشتہ ہفتے سیلاب کے باعث کم از کم 40 افراد ہلاک اور متعدد زخمی ہوگئے تھے جب کہ 3 افراد اب بھی لاپتا ہیں۔
یاد رہے کہ فلپائن میں سالانہ اوسطاً 20 طوفان آتے ہیں اور حالیہ مہینوں میں ملک زلزلوں اور شدید موسمی حالات سے پہلے ہی متاثر ہے۔
ہر چیزآن لائن، رحمت یا زحمت؟