کھلی کچہری منعقد کرنے کا مقصد عوامی مسائل سے آگاہی ہے
اشاعت کی تاریخ: 14th, January 2025 GMT
میرپور خاص (نمائندہ جسارت) ڈپٹی کمشنر میرپور خاص ڈاکٹر رشید مسعود خان نے کہاہے کہ کھلی کچہری منعقد کرنے کا اصل مقصد عام لوگوں کے مسائل معلوم کرکے حل کرناہے، اس ضمن میں ضلعی انتظامیہ اور صوبائی حکومت عوامی مسائل کے حل کے لیے بالکل سنجیدہ ہے۔کھلی کچہری میں جو پیش کئے گئے مسائل کو سنجیدگی سے سنے اور انہیں حل کرنے کے لیے متعلقہ محکموں کے افسران کو موقع پر ہی احکامات جاری کئے۔ڈپٹی کمشنر نے مزید کہا کہ ریونیو مسائل کے حل کے لیے مختار کار آفس میں ریونیو ڈیسک قائم کر دیا گیا ہے جس میں ریونیو رکارڈ کو کمپیوٹرائزڈ کرنا اور سیل سرٹیفکیٹ کا اجرا کرنا ہے۔ ڈپٹی کمشنر نے کہا کہ صوبائی حکومت کی ہدایات ہیں کہ مختلف علاقوں میں کھلی کچہری منعقد کر لوگوں کے بروقت مسائل کا ازالہ کیا جائے۔کھلی کچھری میں شہریوں نے ریونیو، تعلیم، صحت، آبپاشی، ایل بی او ڈی، حیسکو، کمیونٹی ہال تعمیر کروانے، ہائی ویز، منشیات کا خاتمہ کرنے، تجاوزات ہٹانے اور دیگر مسائل کی نشاندہی کرتے ہوئے اپنے مسائل پیش کئے۔ کھلی کچھری میں چیئرمین ٹاؤن کمیٹی ٹنڈو جان محمد قاضی نور محمد ساند، اسٹنٹ کمشنر ڈگری اختر حسن لاشاری، ڈسٹرکٹ ایجوکیشن آفیسرپرائمری اسکولزنبی بخش گرگیز، ڈپٹی ڈسٹرکٹ ایجوکیشن آفیسر سیکنڈری اسکول محمد طاہر سلیم، پبلک ہیلتھ انجینئرنگ، ایل بی او ڈی، آبپاشی، حیسکو، ہائی ویز، صحت اوردیگر محکموں کے افسران نے شرکت کی۔ ڈپٹی کمشنر کہا کہ اشیا ضروریہ کی قیمتوں پر قابو پانے کیلیے ضلعو تحصیل سطح پر کمیٹیاں بنی ہوئی ہیں اور انہیں ہدایات بھی جاری کی گئی ہیں کہ وہ روزانہ کی بنیاد پر مارکیٹوں کا دورہ کریں۔ ڈپٹی کمشنر نے کہا کہ ضلعی انتظامیہ کی جانب سے اینٹوں کے بٹھوں کے مالکان ، بیورو آف سپلائی اور ادارہ ماحولیاتی تحفظ کے مشاورت کے بعد 3ہزار اینٹوں کے 10ہزاررپے ریٹ مقرر کر دیے ہیں جس پر عملدرآمد کرنے کے لیے متعلقہ تحصیلوں کے اسسٹنٹ کمشنرز کو ہدایات جاری کر دی گئی ہیں اور خلاف ورزی کرنے والے اینٹوں کے بٹھوں کے مالکان کیخلاف کارروائی بھی کی گئی ہے۔ڈپٹی کمشنر کہا کہ ضلعی انتظامیہ ڈگری شوگر ملز کے ملازمین کے مسائل سے با خبر ہے اور ان کے مسائل کے حل کیلیے کوشاں ہے۔
.ذریعہ: Jasarat News
کلیدی لفظ: ڈپٹی کمشنر کے لیے کہا کہ
پڑھیں:
سکردو، نون لیگ کے وفد کی چیف سیکرٹری سے ملاقات، بلتستان کے مسائل سے آگاہ کیا
وفد نے بلتستان ریجن میں التوا کے شکار منصوبوں کی فوری تکمیل کا مطالبہ کیا۔ وفد نے آر ایچ کیو ہسپتال میں سالانہ بجٹ اور فنڈز کی کمی کے حوالے سے سخت تشویش کا اظہار کرتے ہوئے مطالبہ کیا کہ آر کیو ہسپتال کے سالانہ بجٹ میں سو فیصد اضافہ اوردیگر فنڈز میں فوری اضافہ کیا جائے۔ اسلام ٹائمز۔ پاکستان مسلم لیگ نون بلتستان کے عہدیداروں کے وفد کی چیف سیکٹری گلگت بلتستان ابرار احمد مرزا سے تفصیلی ملاقات ہوئی۔ ملاقات میں نون لیگ کے وفد نے چیف سیکٹری کو ضلع سکردو سمیت بلتستان ریجن میں درپیش سنگین اور فوری حل طلب عوامی مسائل سے آگاہ کیا۔ مُلاقات میں مسلم لیگ نون کے وفد نے بلتستان یونیورسٹی روڈ کی میٹلنگ کو فوری رواں سال کی اے ڈی پی میں شامل کر کے فوری کام شروع کرنے کا مطالبہ کیا۔ وفد نے سکردو شہر میں ڈرین کی فوری تعمیر کے ساتھ سیوریج سسٹم کی فوری تعمیر کا مطالبہ کیا۔ وفد نے بلتستان ریجن میں التوا کے شکار منصوبوں کی فوری تکمیل کا مطالبہ کیا۔ وفد نے آر ایچ کیو ہسپتال میں سالانہ بجٹ اور فنڈز کی کمی کے حوالے سے سخت تشویش کا اظہار کرتے ہوئے مطالبہ کیا کہ آر کیو ہسپتال کے سالانہ بجٹ میں سو فیصد اضافہ اوردیگر فنڈز میں فوری اضافہ کیا جائے۔
مسلم لیگ نون کے وفد نے بلتستان ریجن کے مختلف پروجیکٹس کے پی سی ون ريوائز میں بلتستان ریجن کو نظرانداز کرنے پر سخت تشویش کا اظہار کرتے ہوئے مطالبہ کیا کہ بلتستان ریجن کے ریوائز پی سی ون فوری منظور کیا جائے اور بلتستان ریجن کے ساتھ ہونے والی زیاتیوں کو بند کیا جائے۔ مُلاقات میں مسلم لیگ نون کے وفد نے بلتستان ریجن کے ٹھیکیداروں کے بقایا واجبات فوری ادا کرنے کا مطالبہ کیا۔ وفد نے حلقہ دو سکردو میں زیر تعمیر گرلز کالج کے لینڈ ڈونرز کے معاوضوں کی فوری ادائیگی کا مطالبہ کیا۔ لیگی وفد نے سکردو سمیت بلتستان بھر میں کھیلوں کی سرگرمیوں کو فوری شروع کرنے اور سکردو شہر میں فوری کھیلوں کے گراؤنڈ تعمیر کرنے کا مطالبہ کیا۔ اس موقع پر چیف سیکٹری نے نون لیگ کے وفد کے تمام مثبت مطالبات کو سراہتے ہوئے بلتستان یونیورسٹی تک پختہ سڑک کی تعمیر کے منصوبے کو نئے اے ڈی پی میں شامل کرنے کا وعدہ کیا اور آر ایچ کیو ہسپتال کے سالانہ بجٹ میں اضافے سمیت تمام مطالبات کو ترجیحی بنیادوں پر حل کرنے کی یقین دہانی کرائی۔
بابراعظم نے کراچی کنگز کو کیوں چھوڑا تھا؟ سابق کپتان نے راز سے پردہ اُٹھادیا