بھارتی وزیر کا 4 بچوں کی پیدائش پر 1 لاکھ روپے انعام کا اعلان
اشاعت کی تاریخ: 14th, January 2025 GMT
بھارتی ریاست مدھیہ پردیش کے سرکاری بورڈ کے چیئرمین پنڈت وشنو راجوریا نےبرہمن برادری کے جوڑوں کو 4 بچے پیدا کرنے پر ایک لاکھ روپے انعام دینے کا اعلان کردیا۔
پنڈت وشنو راجوریا پرشورام کلیان بورڈ کے صدر ہیں اور ریاستی کابینہ میں وزیر کے عہدے پر فائز ہیں۔ انہوں نے اندور میں ایک اجتماع سے خطاب کے دوران کہا کہ دوسرے مذاہب کے لوگوں کی آبادی تیزی سے بڑھ رہی ہے کیونکہ ہم نے اپنے خاندانوں پر کم توجہ دینا شروع کر دی ہے۔
یہ بھی پڑھیں: بچے کی پیدائش پر تنخواہ کے ساتھ چھٹیاں:’ کیا بلی کے بچوں کو میرے بچے سمجھا جاسکتا ہے؟‘
ان کا کہنا تھا کہ مجھے نوجوانوں سے بہت امیدیں ہیں کیونکہ ہم بوڑھوں سے زیادہ توقع نہیں کر سکتے، اس لیے نوجوان مستقبل کی نسل کی حفاظت کے ذمہ دار ہیں۔ نوجوان جب سیٹل ہو جاتے ہیں تو ایک بچے کے بعد رک جاتے ہیں، جو بہت بڑا مسئلہ ہے۔
راجوریا نے شادی شدہ جوڑوں سے درخواست کرتے ہوئے کہا کہ ہرجوڑا 4 بچے پیدا کرے جس پر پرشورام کلیان بورڈ انہیں ایک لاکھ بھارتی روپے انعام دے گا، انہوں نے یقین دہانی کرائی کہ چاہے وہ مستقبل میں بورڈ کے صدر رہیں یا نہ رہیں ایسے جوڑوں کو انعام ملتا رہے گا۔
انہوں نے مزید کہا کہ نوجوانوں کا کہنا ہے کہ تعلیم مہنگی ہو گئی ہے، کسی نہ کسی طرح اس کا انتظام کریں لیکن بچوں کی تعداد میں کمی نہ ہونے دیں ورنہ غیر ہندو ہمارے ملک پر قبضہ کر لیں گے۔
یہ بھی پڑھیں: اسکاٹ لینڈ: ہر سال جڑواں بچوں کی پیدائش میں اضافہ، 17 نئے ٹوئن جوڑے اسکول میں داخل
کانگریس کے رہنما مکیش نائیک نے پنڈت وشنو راجوریا کے بیان پر تبصرہ کرتے ہوئے کہا کہ ان کو اپنے بیان پر دوبارہ غور کرنا چاہیے۔ وہ ایک پڑھے لکھے شخص ہیں، انہوں نے کہا کہ ’آبادی میں اضافے کا مسئلہ دنیا بھر میں ایک بڑا چیلنج ہے۔ جتنے کم بچے ہوں گے، اتنی ہی آسانی سے انہیں تعلیم دی جا سکے گی‘۔
مکیش نائیک کا مزید کہنا تھا کا ’ایک خوف پیدا کیا جا رہا ہے کہ مسلمان ہندوؤں کو عددی طور پر پیچھے چھوڑ دیں گے اور ہندوؤں کو ختم کر دیں گے، یہ خیالات غلط ہیں۔ ہمارا ملک اس وقت مضبوط ہوگا جب ہم سب متحد ہوں گے‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بچوں کی پیدائش برہمن ہندو بھارتی وزیر.
ذریعہ
ذریعہ: WE News
کلیدی لفظ: بچوں کی پیدائش بھارتی وزیر کی پیدائش انہوں نے بچوں کی کہا کہ
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی