اب موٹرسائیکل 60 کلومیٹر فی گھنٹہ کی رفتار سے دوڑ سکےگا، پنجاب حکومت کا بڑا اعلان
اشاعت کی تاریخ: 14th, January 2025 GMT
پنجاب کابینہ نے صوبے بھر میں تمام گاڑیوں کی رجسٹریشن کے لیے مہم شروع کرنے کا فیصلہ کرتے ہوئے موٹر سائیکل کی اسپیڈ کو 60 کلومیٹر فی گھنٹہ تک محدود کرنے کا فیصلہ بھی کرلیا۔
وزیراعلیٰ پنجاب مریم نواز کی زیرصدارت صوبائی کابینہ کا 22واں اجلاس ہوا جس میں اہم فیصلے کیے گئے۔
یہ بھی پڑھیں پنجاب کابینہ نے پارا چنار کے لیے ادویات سمیت امدادی سامان بھیجنے کی منظوری دے دی
اجلاس میں 12 ماہ کے بعد موٹر سائیکل کی انسپکشن اور سرٹیفکیشن کے لیے قانون میں ترمیم کی منظوری بھی دے دی گئی۔
صوبائی کابینہ کے اجلاس میں پہلے پنجاب ہندو میرج ایکٹ، رجسٹریشن رولز 2024 کی منظوری دے دی گئی۔
اجلاس میں وزیراعلیٰ مریم نوازشریف نے کاٹن کی پیداوار بڑھانے کے لیے ہنگامی اقدامات کی ہدایت کی، جبکہ موسمیاتی تبدیلیوں کی وجہ سے گنے کی پیداوار میں کمی کے ازالے کے لیے اقدامات کا حکم بھی دیا۔
اجلاس میں پنجاب میں اپنی نوعیت کی پہلی ’پنجاب آسان کاروبار فنانس‘ اسکیم کی منظوری بھی دے دی گئی۔ وزیراعلیٰ مریم نوازشریف نے آسان کاروبار اسکیم کے لیے مفت اراضی دینے کا اعلان بھی کردیا۔
وزیراعلیٰ مریم نواز نے 3 کروڑ روپے تک کے بلاسود قرضے دینے کا فیصلہ کیا۔ پنجاب میں ایک لاکھ بزنس سٹارٹ اپ کا ہدف مقرر کیا گیا ہے۔
وزیراعلیٰ مریم نوازشریف نے اسٹارٹ اپ کے لیے بزنس پلان بھی دینے کی ہدایت کی۔
اس کے علاوہ پنجاب بھر میں ای وہیکلز کے لیے چارجنگ اسٹیشن قائم کرنے کا حکم دے دیا گیا۔ وزیراعلیٰ مریم نوازشریف نے جامع الیکٹرک وہیکلز پالیسی طلب کرلی۔
اجلاس میں کابینہ نے قذافی اسٹیڈیم کا نام تبدیل کرنے کا فیصلہ مسترد کردیا۔
وزیراعلیٰ مریم نوازشریف اور صوبائی کابینہ نے ہونہار اسکالر شپ کی کامیاب لانچنگ پر صوبائی وزیر ایجوکیشن رانا سکندر حیات کو شاباش دی۔
مریم نواز نے کہاکہ ہونہار اسکالر شپ پر طلبہ کا رسپانس بہترین اور قابل تحسین ہے، انہوں نے لیپ ٹاپس کی تعداد 40 ہزار سے بڑھانے کی ہدایت کی۔
مریم نواز نے کہاکہ میرٹ پر آنے والے ہر طالب علم کو لیپ ٹاپ دینا چاہتی ہوں۔ انہوں نے سیکنڈ ایئر اور تھرڈ ایئر کے طلبہ کو بھی ہونہار اسکالر شپ دینے کے لیے فوری اقدامات کی ہدایت کی۔
صوبائی کابینہ نے کسان کارڈز کی تعداد 5 لاکھ سے ساڑھے 7 لاکھ کرنے کی منظوری دے دی۔ جبکہ کسان کارڈ سے کیش کی لمٹ 30 فیصد تک بڑھانے کی منظوری بھی دے دی گئی۔
کابینہ کے مطابق کسان کارڈ سے کاشتکاروں نے 46 ارب روپے کی خریداری کا ریکارڈ قائم کردیا ہے۔
مریم نواز نے کہاکہ کسان رل گیا کا بیانیہ پٹ گیا، پنجاب کا کسان خوش اور خوشحال ہے، پنجاب بھر میں کاشتکاروں کو 9 ہزار گرین ٹریکٹرز کی فراہمی مکمل ہوچکی ہے۔
اجلاس میں پنجاب چیف منسٹر اسپیشل اینیشیٹو فار ڈائیلاسز پروگرام کی منظوری دے دی گئی۔ ڈائیلاسز کے لیے فنڈز 7 لاکھ سے بڑھا کر 10لاکھ کر دیے گئے۔
صوبائی کابینہ نے اوورسیز پاکستانیوں کے لیے جائیداد سے متعلق امور کے فیصلے کے لیے اسپیشل عدالت قائم کرنے کی منظوری بھی دے دی۔
اجلاس میں پنڈی گھیپ میں غیرملکی ایکس پلورنگ کمپنی کو جعلی این او سی دینے پر کارروائی کی ہدایت کی گئی۔ وزیراعلیٰ مریم نواز شریف نے 2019 میں جعلی این او سی جاری کرنے والوں کے خلاف کارروائی کا حکم دیا۔
وزیراعلیٰ مریم نواز شریف کی ہدایت پر بلوچستان کے علاقے بارکھان کے شہری کی درخواست پرمالی امداد کی منظوری دے دی گئی۔
اجلاس میں پبلک پرائیویٹ سیکٹر میڈیکل ڈینٹل کالجز کے سیشن 25-2024 کی داخلہ پالیسی کی منظوری دی گئی۔ جبکہ وزیراعظم پاکستان کی ہدایت کے مطابق اسلام آباد کے لیے 30 سیٹیں مختص کرنے کا فیصلہ بھی کیا گیا۔
اجلاس میں پنجاب میں سی پی اے ایشیا اور ساؤتھ ایسٹ ایشیا ریجنل کانفرنس کے انعقاد کے لیے ضمنی گرانٹ کی منظوری دے دی گئی۔ جبکہ جرنلسٹ سپورٹ فنڈ کی سیڈ منی بڑھانے اور نادار صحافیوں کی مالی امداد کے لیے مختص رقم بڑھانے کی منظوری دی گئی۔
اجلاس میں نوازشریف انسٹی ٹیوٹ آف کینسر ٹریٹمنٹ اینڈ ریسرچ ایکٹ 2024 کی منظوری دے دی گئی۔ جبکہ پراپرٹی ٹیکس، ویلیو ایشن سسٹم کو رینٹل ویلیو سے کیپٹل ویلیو پر منتقل کرنے کی منظوری دی گئی۔
یہ بھی پڑھیں پنجاب کابینہ کا احتجاج میں زخمی اور شہید پولیس اہلکاروں کے لیے امدادی پیکج کا اعلان
اجلاس میں اسپیشل ایجوکیشن میں ٹیکنیکل کیڈر کی 340 آسامیوں پر بھرتی کی منظوری دی گئی۔ جبکہ فاریسٹ سروسز اکیڈمی گھوڑا گلی اور پنجاب فاریسٹ سکول بہاولپور میں بھرتیوں کی منظوری بھی دی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پنجاب کابینہ صوبائی کابینہ اجلاس فیصلہ مریم نواز موٹرسائیکل اسپیڈ وزیراعلٰی پنجاب وی نیوز.ذریعہ: WE News
کلیدی لفظ: پنجاب کابینہ صوبائی کابینہ اجلاس فیصلہ مریم نواز وی نیوز کی منظوری دے دی گئی کی منظوری بھی دے دی مریم نوازشریف نے کی منظوری دی گئی صوبائی کابینہ کرنے کا فیصلہ پنجاب کابینہ مریم نواز نے کی ہدایت کی کابینہ نے اجلاس میں پنجاب کا کے لیے
پڑھیں:
پاکستان بزنس فورم کا حکومت سے زرعی ریلیف پیکیج کی منظوری کا مطالبہ
data-id="863a0a8" data-element_type="widget" data-widget_type="theme-post-content.default">
لاہور(کامرس ڈیسک )پاکستان میں شدید سیلاب کے باعث زرعی زمین کے وسیع رقبے کی تباہی کے پیش نظر پاکستان بزنس فورم (پی بی ایف) نے وفاقی وزیر خزانہ محمد اورنگزیب کو خط لکھ کر فوری طور پر ایک جامع ریلیف پیکیج تیار کرنے اور اس کی منظوری دینے پر زور دیا ہے تاکہ ملکی زرعی معیشت کو تباہی سے بچایا جا سکے۔صدر خواجہ محبوب الرحمن نے کہا زرعی شعبہ، جو پہلے ہی دباؤ کا شکار ہے، اب خطرناک زوال کی طرف بڑھ رہا ہے جس سے غذائی تحفظ اور دیہی کمیونٹیز کی معاشی پائیداری کو سنگین خطرات لاحق ہیں۔ پی بی ایف کے صدر نے وزیر خزانہ سے مطالبہ کیا کہ وزارتِ خزانہ فوری طور پر اقتصادی رابطہ کمیٹی (ای سی سی) میں ایک سمری پیش کرے تاکہ ریلیف اقدامات کی منظوری دی جا سکے۔ پیش کردہ تجاویز میں 2025-26 کے سیزن کے لیے گندم کی سپورٹ پرائس کی بحالی ، سیلاب متاثرہ زرعی صارفین کے لیے اگست تا اکتوبر بجلی بلوں کی مکمل معافی اور کسانوں کو زرعی زمین کے عوض 20 لاکھ روپے تک کے بلاسود یا آسان اقساط قرضے شامل ہیں۔ خط میں مزید مطالبہ کیا گیا کہ متاثرہ علاقوں میں یوریا اور ڈی اے پی کھاد پر 30 فیصد سبسڈی دی جائے جبکہ پاکستان شوگر ملز ایسوسی ایشن کو شامل کر کے نومبر میں آنے والی گنے کی فصل کے لیے رعایتی نرخ فراہم کیے جائیں۔ فورم نے کپاس کے شعبے کو دو سال کے لیے جی ایس ٹی سے استثنیٰ اور چاول و آم کی برآمدات پر دسمبر 2025 سے معمول کے ٹیکس نظام کی معطلی کی بھی سفارش کی۔ فورم کا کہنا ہے کہ اگرچہ یہ اقدامات مالیاتی دباؤ بڑھا سکتے ہیں، مگر بحران کی شدت غیر معمولی فیصلوں کی متقاضی ہے۔ پاکستان بزنس فورم نے وزارت خزانہ پر زور دیا کہ وہ یہ تجاویز آئی ایم ایف کے سامنے رکھے تاکہ انسانی ہمدردی اور معاشی ضرورت دونوں پہلوؤں کو اجاگر کیا جاسکے۔ پی بی ایف کا کہنا تھا کہ یہ اقدامابلکہ زرعی پیداوار کی بحالی اور کسانوں کے اعتماد کی بحالی کے لیے ناگزیر ہیں۔
نیپال میں ’جنریشن زی‘ سڑکوں پر کیوں نکلی؟